Santiago 2:23 - Chuj San Sebastian Bible

²³ Yuj cha, tz'el'ch tas tzyal 'a Ch'an̈ U'un̈, 'a 'aj tzyal 'ixtic: A Abraham, 'ix ya'ch sc'ojl 'a tas xyal Dios. Yujn̈ej cha, yaln Dios to wach' 'a sat, xchi. An̈jtona', tzyaln pax 'a Ch'an̈ U'un̈, chajtlto a Abraham cha, swach'c'ojl sb'a yet' Dios.

Chuj San Mateo Bible

²³ Yuj chi' tz'elc'och tas syal d'a Slolonel, aton b'aj syalcan icha tic: Yac'nacoch vin̈aj Abraham d'a sc'ool tas yalnac Dios, yuj chi' ochnac vin̈ vach'il d'a yichan̈, xchi. An̈ejtona' syalpaxcani: Yamigo sb'a vin̈ yed' Dios, xchicani.

Santiago 2:23 ပူးပေါင်းရင်းမြစ်များ

Gn 15:6

'Ix ya'n 'och Abram sc'ojl 'a tas xyal Jehová, yuj cha, caw wach' xcan 'a sat Jehová.

A Ch'an̈ B'ab'el Libro Yic Yab'ixal Eb' Rey 4:5

A Azarías yunnal Natán, a yajl yaj 'a scal eb' gobernador; Zabud yunnal pax Natán, ya'mal 'och sti eb' 'anma 'a Dios, ya'mal pax snab'en win rey yaji.

2 Cr 20:7

Ach qui Diosal on̈, ach 'ix ej 'el eb' 'anma cajn 'a sat lum lum tic, atn 'aj 'ayn̈ 'ec' an̈ israel on̈ tic on̈. 'Ix ac' lum 'a smasnil tiempo 'ayn̈ an̈ yin̈tl on̈ Abraham tic on̈, atn jun a wach'c'ojol.

Job 16:21

'Ayc wal mach tzaln 'a Dios wu'uj, 'icha tzyutj junc mach scoln junc xo yit 'anma'il.

Ex 33:11

Q'uelc'mb'a wal tz'aj Jehová spaxtin yet' Moisés, 'icha wal spaxtin junc mach yet' junc swach'c'ojol, 'ixta tz'aj eb' spaxtini. Tzlajw cha, tzpaxt Moisés 'a camplamento. Palta ax Josué win yunnal Nun, win schecb' Moisés cha, matz 'elt xon win 'a yol Mantiado cha.

Is 41:8

Tzyal Dios 'ixtic: Ex israel yin̈tl can Jacob 'ab'xnan̈c 'a tas tzwala, caw yel in checb' eyaji, an si'jnacx 'eli, ax tic yin̈tl ex can in wach'c'ojl Abraham.

Mr 12:10

¿Tom mant 'a 'aj xeyil 'a Ch'an̈ U'un̈, 'aj tzyal 'ixtic? A q'uen q'uen 'ix spatquilj can 'el eb' b'om n̈a, atn q'uen 'ix wach' 'ajx 'och yopiso.

Mr 15:27

'Ay pax chawn̈ 'elc'm xt'un̈x q'ue yet'oc, jun 'a swach' c'ab', jun 'a surito, junjn sculsal junjn eb'.

Lc 4:21

'Ix syamn 'och yaln 'el 'a eb' 'ixtic: —A 'a jun c'u tic wan eyilni to wan yel'ch tas tzyal Ch'an̈ Un̈ tic, xchi 'a eb'.

A Tas Sc'ulejnac Eb' Schecab' Jesús Hechos 1:16

—Ex wu'tac, ex wanab', yowlal x'el'ch 'icha yaj stz'ib'x can 'a Ch'an̈ U'un̈. Yujto a Yespíritu Dios 'a'jnac stz'ib'c can David, chajtlto a win Judas ch'oxwjum 'a eb' tzyamn Jesús.

Ro 11:2

Yictax pecti', yaljnac Dios yuj eb' israel to yic eb'. Ax ticnec, ma'oj spatquilc can 'el eb'. Cojquec yab'xil win Elías 'a Ch'an̈ U'un̈. A 'a jun 'el, xleslwi Elías 'a Dios, yalni tas smul eb' yit israelal cha. Yaln yuj eb' 'ixtic:

Ro 9:17

Tz'ib'b'il can 'a Ch'an̈ U'un̈, tas yaljnac Dios 'a win faraón, atn win syajlil Egipto. A 'aj tzyal 'ixtic: Wa'jnacch 'och reyl 'a jun chon̈b' tic, sec wach' 'oj checljoc 'el in poder yuj tas 'oj ach wutoc. Ax eb' 'anma 'a yolyib'n̈q'uinl tic, c'uxn 'oj laj yab' eb', to caw niwn wel'chi, xchi Dios.

Gl 3:22

Palta tzyal 'a Ch'an̈ U'un̈, chajtlto smasnil 'anma', 'ayc' eb' 'a yol sc'ab' maysch'olnil. 'Ixta tzyala, sec wach', an̈ec xo tzca'c 'och qui c'ojl 'a Jesucristo, tzqui chajec jun yaljnac can Dios, yic ya'n sti'. Yujn̈ej to tzca'c 'och 'a qui c'ojol, tzqui chanec.

Gl 3:6

A Abraham, ya'jnac 'och sc'ojl 'a Dios, yujn̈ej cha, 'ochnc wach'l 'a sat.

2 Ti 3:16

A Dios x'a'n tz'ib'xoc jantcn̈ej Ch'an̈ Un̈ 'aj 'aycn spaxti'. 'Ay yopiso ch'an̈ on̈ scuyni. 'Ay yopiso on̈ stenn 'och wa'an. A ch'an̈ tz'a'n b'o qui nab'en. Tzon̈ scuyn paxi, tas tzcutj qui tojlb'tzan qui b'eyb'al.

Santiago 2:24

Yuj cha, nachj cab' 'el eyu'uj, to man̈ cojnoc yuj tzca'c 'och qui c'ojl 'a Dios wach'n̈ec 'a sat, palta yuj pax tas wach' tz'el qui b'onec yuj cha, wach'n̈ec 'a sat.

A Sb'ab'el Carta San Pedro 2:6

Yuj cha, 'ixtc yaj yaln can Dios 'a Ch'an̈ U'un̈: An 'oj wa'cn 'och jun q'uen q'uen yipnub'alc yich n̈a 'a Sión. A jun cha, sic'b'il 'el wu'uj, caw niwn yel'chi. A mach 'oj ya'ch jun chi yipc sc'ojol, ma'oj somchjc 'el yu'uj, xchi 'a Ch'an̈.