Santiago 2:2 - Chuj San Sebastian Bible

² Q'uinloc 'ay junc rico tz'och 'a 'aj tzqui yamc qui b'a, 'aych junc scolc'ab' nab'a oro, caw wach' yaj yet' spichul. Tzlajw cha, tz'och pax junc meb'a', caw maysch'olnil yilx yet' spichul.

Chuj San Mateo Bible

² Q'uinaloc ay junoc b'eyum tz'ochc'och b'aj sco molb'ej co b'a, ayoch junoc scolc'ab' nab'a oro, te vach' spichul ayochi. Slajvi chi' tz'ochc'och junoc meb'a', n̈ic'chimtac spichul ayochi.

Santiago 2:2 ပူးပေါင်းရင်းမြစ်များ

Gn 27:15

Xlajw cha, xyi'n 'elt 'ix ya't pichl Esaú cha, win sb'ab'l 'une 'ix, te molb'il 'a yol yet'l eb' cha, xya'n 'och 'ix 'a Jacob, win stza'n 'une 'ix.

Ester 3:10

Xlajw cha, 'ix yi'n 'elt win rey scolc'ab' 'aj 'aych seyo, 'ix ya'n 'a win Amán, win 'ajc'ojl yajch 'a eb' israel.

Ester 8:2

Xlajw cha, xyi'n 'elt win rey q'uen colc'ab' 'aj 'aych seyo, atn q'uen xyijcan 'ec' win 'a win Amán, xya'n win q'uen 'a Mardoqueo. Ax jun tzo'n̈ tas 'ay 'a win Amán x'ajx yico'oc 'ix Ester, xya'cn 'ix 'a yol sc'ab' Mardoqueo yic tzya'n cuenta winac.

Is 64:6

Qui masnil on̈, lajn quilx 'icha junc mach man̈ wach'c yaji. Smasnil tas wach' xlaj cob' qui b'o 'on̈, lajn xoj yilx 'icha junc nip yajb'entac yilxi. Yuj tas maysch'olnil xlaj qui b'o 'on̈, yuj cha, lajn on̈ xoj 'icha te xil te tzpucli, c'un xoj s'at yuj 'ic'.

Lc 15:22

Palta ax smam cha, xyaln 'ixtc 'a eb' smoso: 'Ixquec muc'uc, 'at 'ijec cot jun tzo'n̈ pichl caw wach', tzeya'n 'och 'a jun wunnal tic. Tzeya'ch scolc'ab', tzeya'n 'och xan̈ab'.

Lc 23:11

Yuj cha, ax win Herodes cha, yet' eb' soldado winac, caw xb'ajwj eb' 'a Jesús. 'Ix laj b'uchwj pax eb' 'a 'a. 'Ix stz'acn eb' ya'ch jun tzo'n̈ pichl caw wach' yilx 'a 'a, 'icha yic eb' rey. Xlajw cha, xya'n pax 'at win 'a win Pilato.

Santiago 2:3

Q'uinloc cojn jun wach' yaj yet' spichl chi tzqui chamc'ojlejec, tzcalnec 'ixtc 'a 'a: 'Emn̈ wocn 'a jun c'an̈tz caw wach' tic, xqui chic 'a 'a. Ax 'a jun meb'a cha, tzcalnec 'ixtc 'a 'a: Wach' aj lin̈n 'a cha, mto tzach 'em wocn 'a sat lum tic 'a qui tz'ey tic on̈, xqui chic 'a 'a.