Santiago 1:8 - Chuj San Sebastian Bible

⁸ A eb' 'ay schab'c'ojlal, caw man̈ te'noc jac snab'en eb', yujto 'ixta xon sb'eyb'al eb'.

Santiago 1:8 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 18:21

Xlajw cha, 'ix snitzn 'at sb'a Elías 'a stz'ey eb' 'anma chi smasnil, 'ix yaln 'a eb' 'ixtic: —¿B'a'n̈ 'oj eyact sq'ue'i tz'ejm e nab'en? Toto a Jehová caw yel a Dios, cojn 'a tzeyac' 'ejm e b'a. Toto a pax Baal a dios pax jun, cojn cab' pax 'a tzeyac' 'ejm e b'a, xchi. Ax smasnil eb' 'anma cha, man̈xtoc 'ix nachj 'el yuj eb' tas xyutj eb' ya'n spac 'a 'a.

A Ch'an̈ Schab'il Libro Yic Yab'ixal Eb' Rey 17:33

Yuj cha, wach'xam tzcob' xiw eb' 'a Jehová yalni, palta an̈ja yaln sb'a eb' 'a jun tzo'n̈ diosal cha, a tzyal sb'eyb'al jun tzo'n̈ nacion̈ 'aj xcot eb'.

Salmos 119:113

A eb' 'anma chab'sat yaji, caw tzin chac in b'a yet' eb', palta ax jun tzo'n̈ cuynb'il tic, caw tzin chamc'ojlej eb'.

Is 29:13

Atn yuj cha, xyaln Jehová 'ayn 'ixtic: A eb' 'anma tic, tzcob' yal eb' to tzin yac' servil eb', tzyaln cob' eb' to 'ay wel'ch 'a sat eb', palta ax snab'en eb' caw najt yajl 'ayin. Tzcob' yal sb'a eb' 'ayn yalni, palta cojn jun tzo'n̈ checnb'il tzlaj spitzchan̈ eb' 'anma', a chi tzyac' eb' cuyxoc.

Os 10:2

A eb' israel tic, chapojn̈ yajl eb'. A ticnec, 'oj stoj lajwc eb' smul cha. 'Oj smac' 'ejm Jehová jun tzo'n̈ yet'l xajmb'al eb' cha, ax sma'n pax 'ejm q'uen q'uen 'aj tzyac' 'ejm sb'a eb'.

Mt 6:22

A yol qui satec, lajn 'icha junc cantil, 'ixta yaj 'a qui niwnalec. Yuj cha, toto an̈j 'a tas wach' 'aj 'aych qui satec, sacq'uinl cajc tzyal cha, caw wach'n̈j tzcutjec qui b'a yet' qui niwnal.

Mt 6:24

May junc mach tztac' ya'n servil chawn̈oc spatron̈, yujto 'ay jun 'aj 'oj chichnc 'ochi, ax jun 'oj schamc'ojloc, mto 'ay junc 'aj 'oj ya'ch snab'en, ax junc may yel'ch 'a sat. Yuj cha, matz tac' ca'nec servil Dios, tzca'nec pax 'och qui nab'en 'a q'uen tumin.

Santiago 1:7

Toto 'ay ex 'ixta ex, xe natlaji, to 'ay xon jac tas 'oj e cha 'a Cajlil.

Santiago 4:8

Qui nitzc 'och qui b'a 'a stz'ey Dios. To 'ixta', 'oj snitzch sb'a 'a qui tz'eyc jun xo. Palta ax xo maysch'olnil e nab'en, b'oc e b'eyb'al. Ax chab'c'ojlal eyaji, tojlb'tzejc e nab'en.

A Schab'il Carta San Pedro 2:14

Tzann̈j junc 'ix tzyil eb', caw tznib'jn̈ej 'och eb'. Caw matz tac' stenn 'och wan sb'a eb' sb'on 'ajmulal. Ax eb' mant 'a ste'nal, caw tz'ajx sc'ojloc eb' yuj eb'. C'ayncn̈ej eb' snib'n 'och maysch'olnil. Yuj cha, caw 'ayx cot yowl sc'ojl Dios 'a yib'n̈ eb'.

A Schab'il Carta San Pedro 3:16

A 'a junjn scarta stz'ib'j can jun tzo'n̈ tic. Palta 'ay 'aj caw ya snachji. 'Ay eb' mant 'a snab'en, mant 'a ste'nal, man̈ tojloc tzyutj eb' snan 'el'ch jun tzo'n̈ cha. 'Ixta pax tzyutj eb' snan 'el'ch jun tzo'n̈ xo spaxti Dios tz'ib'b'il cani. Yuj cha, 'oj satcn 'el eb'.