Santiago 1:5 - Chuj San Sebastian Bible

⁵ Toto 'ayn̈ 'ayt palta qui jelnal, qui c'anc 'a Dios. 'Oj yac'a', yujto yelc'ojlal tzyac' 'ayn̈ec qui masnil, toto tzqui c'anc 'a 'a. Matz cot yowl 'ayn̈ec.

Chuj San Mateo Bible

⁵ Tato ay on̈ manto tz'acanoc co jelanil, co c'anec d'a Dios, axo ol ac'an d'ayon̈. Yujto d'a smasanil sc'ool syac' d'ayon̈ co masanil, tato sco c'an d'ay, max on̈ stumejlaj.

Santiago 1:5 ပူးပေါင်းရင်းမြစ်များ

1 Cr 22:12

A cab' Jehová 'oj 'a'nc a jelnal, sec wach' a yic 'oj a'nc reyl 'a yib'n̈ chon̈b' Israel, 'oj a yiclc sley Jehová qui Diosal.

2 Cr 1:10

Yuj cha, a ticnec 'ac' in jelnal, 'ac' nachjoc 'el wu'uj sec wach' 'oj stac' in jucb'tzan jun chon̈b' tic. May junc mach tztac' ya'n yajlil 'a yib'n̈ jun a niwquil chon̈b' tic 'a yol yico', xchi.

Salmos 51:6

Caw 'ay a chamc'ojlal 'a eb' to a yet' smasnil sc'ojol tzb'on stojlal, yuj cha, 'ac' wal a jelnal 'ayin.

Ex 31:3

'Ix wa'ch Wespíritu 'a 'a, xwa'n sjelnal, sec tzyojquej 'el sb'on tzann̈j munljelal.

Ex 31:6

Ax 'a scal eb' yin̈tl can Dan, ata xin sic' 'elt pax win Aholiab yunnal Ahisamac, a 'oj colwjoc yet'oc. Smasnil eb' 'ay xon sjelnal, 'ix in wach' 'a'j sjelnal eb', sec a eb' 'oj b'onc jun tzo'n̈ xwal 'aych tic:

Pr 8:17

A eb' tznib'j cuync jelnal, tz'ilchj yuj eb', ax eb' tznib'n jelnal cha, tz'ijx chan̈ eb' yu'uj.

Mt 11:20

Xlajw cha, 'ix syamn 'och Jesús yalni, tas smul eb' 'anma 'a jun tzo'n̈ chon̈b' 'aj 'ix sb'o nan̈l milagro. Yujto wach'xam caw niwn milagro 'ix sb'o ta', palta ma'ix sna sb'a eb', 'ix yaln yuj eb' 'ixtic:

Mr 16:14

Ax 'a jun 'ejm xo, yic wan swa eb' scuywum Jesús chi yuxlchwan̈il, 'ix sch'oxn sb'a 'a eb'. 'Ix yaln spaltail eb' yujto chab'c'ojlal yaj eb'. Pit xyutj sb'a eb', yujto ma'ix schaj eb' yab' 'a eb' x'ilni yic tox 'ix pitzw paxi.

Jn 14:13

Tzann̈j tas 'oj e c'an 'a Dios 'a in b'i, 'oj in b'o 'ayex. 'Ixta 'oj in b'o an Yunnaln Dios tic, sec wach' 'oj checljc 'el wu'uj, to caw niwn yel'ch qui Mam Dios.

Jn 15:7

Toto junn̈j tzex 'ajcn wet'oc, toto 'aychn̈ej e nab'en 'a in paxti', c'anc tas tze nib'ej, 'oj 'ajxoc 'ayex.

Jn 4:10

Xlajw cha, xyaln pax Jesús 'ixtc 'a 'ix: —Tzin c'an wuc' jac a 'ayach, palta man̈ ojcoc mach in. Man̈ ojcoc pax tas tznib'j Dios tzyac'a. Comnoc ojtac. Toto 'ixta', ach xo tic, xa c'an 'ayin, an xo xwac' jun a tz'a'n a q'uinal, xchi Jesús 'a 'ix.

2 Co 2:16

A yic tzcalnec 'a eb' wan satq'ui, lajn yab'xil 'icha sjab' junc tas tzon̈ cham yu'uj, yujto 'oj cham eb' 'a jun 'ejmn̈ej yu'uj. Ax yic tzcalnec 'a eb' wan scolchji, lajn yab'xil 'icha junc caw su'q'ui sjab' 'a sat eb', yujto wan schan eb' sq'uinl 'a jun 'ejmn̈ej yu'uj. Yuj cha, may wal junc mach 'oj techjoc yaln 'el jun 'ab'x tic 'a yol yico'.

Santiago 1:17

A 'a satcha'an̈, ata tzcot jantcn̈ej tas wach' tz'ajx 'ayn̈ec 'a nab'an̈ej. Yet' pax jantcn̈ej jun tzo'n̈ siylab' caw wach', a Dios tz'a'n cot 'ayn̈ec. A b'ojnac jun tzo'n̈ tz'ec' 'a satcha'an̈, tzya'n 'emt sacq'uinl 'a quib'n̈ec. Palta wach'xam tzjelmj yilx jun tzo'n̈ cha, tz'och wewen 'a 'a, ax Dios, man̈ 'ichcta tz'aji. May 'aj tzjel snab'en jun 'ejmoc.

Santiago 3:17

Palta ax jun jelnal tzcot 'a satcha'an̈, man̈ 'ichcta tz'aji. Toto 'aych jun jelnal tic 'ayn̈ec, may qui paltailec 'a sat Dios, junc'ojlal xoj tzcutjec qui b'a. 'Emmquilal tzcutjec qui b'a. Yiclum on̈cn̈ej 'a junc tas. Caw tz'o'ch qui c'ojlec 'a eb' quit 'anma'il, 'ela tzlaj cutquec qui b'a 'a eb'. Man̈ qui chab'c'ojloquec eb' quit 'anma'il, man̈ chab'satoc tzcutjec pax qui b'a 'a eb'.

Santiago 5:16

Yuj cha, tzlaj eyal-lac e paltail 'ayx junjn ex. Tzex laj leslwi pax eyuj junjn ex, sec wach' 'oj laj b'oxc e c'ojol. A eb' tojl xon sb'eyb'al, a yic tzleslwi eb' 'a Dios, caw 'ay yel'ch slesl eb' cha. Til wal tas tztac' yuj eb'.

1 Jn 3:22

Toto 'ixta', tzann̈j tas tzqui c'anc 'a 'a, 'oj yac' 'ayn̈ec, yujto wan qui yiclniec jun tzo'n̈ schecnb'il, wan qui b'onec smasnil tas 'icha tznib'ej.