Santiago 1:27 - Chuj San Sebastian Bible

²⁷ Palta 'oj wal junx tic. Toto 'ay eb' 'unn chamnc smam snun, yet' eb' 'ix chamnc yichmil 'ay scusc'ojlal, yowlal tz'at quilc eb', tzon̈ colwjec 'a eb'. An̈jtona', yowlal tzquijec 'el qui b'a 'a tzann̈j maysch'olnil 'ay 'a yolyib'n̈q'uinl tic. Toto 'ixta tzcutjec qui b'a, ax qui Mam Dios, tzyila to caw yel 'aych qui c'ojl 'a 'a.

Chuj San Mateo Bible

²⁷ Palta svalan junxo tic: Tato ay eb' unin man̈xalaj smam, yed' eb' ix ix chamnacxo yetb'eyum ay stzapan smajanil, yovalil tzon̈ b'at quil eb', tzon̈ colvaj d'a eb'. An̈ejtona', squic'anel co b'a d'a chucal d'a yolyib'an̈q'uinal tic. Tato icha chi' scutej co b'a, d'a val yel van cac'anoch co pensar d'a co Mam Dios d'a stojolal icha val sgana.

Santiago 1:27 ပူးပေါင်းရင်းမြစ်များ

Salmos 119:1

Mamin Jehová, a eb' tojl sb'eyb'al 'a a sat, wach' yic eb', yujto tzb'eylb'ej eb' a cuynb'il.

Salmos 146:9

A tztan̈wni eb' 'anma chuc schon̈ab', a tz'a'n servil eb' meb'a 'unn chamnc smam yet' eb' 'ix 'ix chamnc yichmil, palta a tz'a'n pax somchjoc 'el eb' maysch'olnil sb'eyb'al.

Salmos 68:5

A Dios cajn 'ec' 'a yol scajnub', jun to yicn̈ej yaj sch'ocoj. A 'aych smamc eb' meb'a 'unn chamnc smam, scolmal pax eb' 'ix chamnc yichmil.

Is 1:23

A eb' eyajlil caw wal pit eb', yitb'eym sb'a eb' yet' eb' 'elc'um. Caw wal tzalj eb' yet' q'uen c'ultac tumin, tzlaj snib'nc eb' to 'ay tas tzlaj siyxc 'a 'a. Matz nib'j eb' tzlaj sb'o yaj eb' meb'a 'unin, yet' eb' 'ix 'ix chamnc yichmil.

Mt 12:32

Toto 'ay mach tzin b'uchn an 'Ochnc in 'Anmal tic, 'oj stac' yajx lajwc jun smul cha. Palta a mach tzb'uchwj 'a Yespíritu Dios, may b'a'n̈ 'oj lajwc jun smul cha. Wach'xam ticnec, wach'xam 'a jun tiempoal tot 'oj jawoc.

Mt 5:8

A eb' may jac maysch'olnil 'ay 'a spixan, caw wach' yic eb', yujto 'oj yil eb' Dios.

Lc 1:6

Caw tojl snab'en eb' schawn̈il 'a sat Dios. Caw yiclum eb' 'a jun tzo'n̈ schecnb'il Cajlil, yet' 'a jun tzo'n̈ xo sley, caw may spalta'il eb' 'a 'a.

Ro 12:2

Caw man̈x lajnoc tzcutjec qui b'eyb'al yet' eb' yic yolyib'n̈q'uinl tic. Yowlal tzqui chajec jelxc qui nab'en, sec 'oj wach' b'o qui b'eyb'alec 'a jun 'ejmn̈ej. Toto 'ixta tzcutjec qui b'a, 'oj wach' nachjc 'el cujec, tas tznib'j Dios 'ayn̈ec, atn tas wach', caw tzalj Dios yu'uj, may jac spaltail 'a 'a.

Ro 2:13

A eb' ton̈j tz'ab'n jun ley cha, man̈ wach'c eb' 'a sat Dios, ax eb' tzyiclni tas tzyala, atn eb' chi wach' 'a sat.

Gl 1:4

A Jesucristo wul ya'jnac cham sb'a, yic tzyi'n 'el qui mulec. 'Ixta 'on̈ yutjec on̈ scolnec 'el 'a yol sc'ab' maysch'olnil 'a yolyib'n̈q'uinl tic, yujto 'ixta x'el 'a sc'ojl Dios, atn qui Mamec.

Gl 3:11

Palta chequel to may junc mach wach' 'a sat Dios, yujn̈ej to tzyiclj jun ley cha. Yujto tzyal pax 'ixtc 'a Ch'an̈ U'un̈: Palta ax eb' tojl snab'en, pitznn̈ej eb' yujto tzin ya'ch eb' 'a sc'ojol, xchi Dios, xchi.

Gl 5:6

Toto junxn̈ej tzon̈ 'aj yet' Cristo Jesús, man̈x 'a yel'chi, toto 'ac'b'iln̈ec circuncidar, mto ma'ay. Cojxn wal jun tic 'ay yel'chi, to caw tzca'c 'och qui c'ojl si'mb'il 'a Cristo. Toto 'ixta', 'oj qui ch'oxc 'el qui chamc'ojlal.

Gl 6:14

Palta an xo tic, may junc tas 'aj tzin b'an̈ in b'a 'a spatic. Cojxn schamlil Cajlil Jesucristo 'a spenc culus a tzin b'an̈a. Yuj schamlil cha, man̈x 'a yaln yolyib'n̈q'uinl tic yic 'ayin, 'icha to chamnc xo 'a in sat. An xo tic, 'icha to chamnc in pax 'a yolyib'n̈q'uinl tic jun xo, yujto man̈x 'a waln wic 'a 'a.

Ef 2:2

yujto an̈j jun b'eyb'al yic yolyib'n̈q'uinl tic qui b'eylb'ejec. Qui b'ojnaquec 'icha tznib'j win 'ay yopiso ya'n mandar 'a scal 'ic'. A win cha, espíritu winac. An̈ja ya'n win sc'ojloc eb' man̈ yiclumoc 'a Dios.

Dt 14:29

Sec a yic 'oj c'och eb' levita 'ayex, eb' may xon slum 'oj scha eyet'oc, mto eb' chuc chon̈b'al cajn 'a e cal, mto eb' meb'a 'unn chamnc smam, yet' eb' 'ix 'ix chamnc yichmil, atn jun tzo'n̈ e diesmo chi 'oj sc'ux eb', sec b'ut'n sc'ojl eb' eyet'oc. 'Ixta 'oj yutc Jehová qui Diosalec ya'n yaxilal 'a eyib'n̈ yet' tas tze b'o cha, xchi Moisés.

1 Ti 1:5

Tzwalb't jun checnb'il tic 'ayach, sec 'oj wach' pitzwc schamc'ojlal eb' creyente ta'. Toto tztojlb'tzej sb'a eb', toto tztan̈wj sb'a eb' yet' snab'en, toto yel tzya'ch eb' sc'ojl 'a Dios, 'oj wach' pitzwc schamc'ojlal eb'.

1 Ti 5:4

Toto 'ay eb' 'ix 'ay yune', mto 'ay yixchiquin, yowlal tza cuy eb', chajtlto a eb' scuenta sb'ab'l colwj 'a smam snun, yic tzya'n eb' spac tas 'ix 'ajx 'a 'a. Toto 'ixta tzb'o eb', ax 'a sat Dios, caw wach'. Caw tzalj yet' eb'.

Tito 2:12

Yuj swach'c'ojlal tic, tznachj 'el cu'uj, to yowlal tzcactj can jantcn̈ej tas man̈ wach'c 'a sat Dios, yet' jantcn̈ej tas maysch'olnil tzqui nib'j 'och 'a yolyib'n̈q'uinl tic. Yowlal caw tzcac' cuenta qui b'a, caw wach' tzcutj qui b'eyb'al. Cojxn 'a Dios tzca'ch qui nab'en.

Santiago 3:17

Palta ax jun jelnal tzcot 'a satcha'an̈, man̈ 'ichcta tz'aji. Toto 'aych jun jelnal tic 'ayn̈ec, may qui paltailec 'a sat Dios, junc'ojlal xoj tzcutjec qui b'a. 'Emmquilal tzcutjec qui b'a. Yiclum on̈cn̈ej 'a junc tas. Caw tz'o'ch qui c'ojlec 'a eb' quit 'anma'il, 'ela tzlaj cutquec qui b'a 'a eb'. Man̈ qui chab'c'ojloquec eb' quit 'anma'il, man̈ chab'satoc tzcutjec pax qui b'a 'a eb'.

Santiago 3:9

A yet' qui ti'ec, tzcalc wach' paxti 'a Cajlil, atn qui Mam Dios. Palta a pax yet' qui ti'ec, tzqui c'anc cot yowl sc'ojl Dios 'a yib'n̈ eb' quit 'anma'il, palta a b'ojnac pax eb'. 'Icha wal Dios, 'ixta xyutj eb'.

Santiago 4:4

'Ay ex, 'icha junc 'ix, cojxn 'ajmulal tzsayq'ui, 'ixta 'ex 'a sat Dios. ¿Tom mant eyojcoc, to a yic tzqui chamc'ojlanec qui b'a yet' yolyib'n̈q'uinl tic, ax 'a Dios tzon̈ 'ochc 'ajc'ojlal? Yuj cha, tzann̈j mach tznib'j tz'och swach'c'ojloc yolyib'n̈q'uinl tic, ax 'a Dios tz'och 'ajc'ojlal.

A Schab'il Carta San Pedro 1:4

Yuj spoder cha, ya'jnac can sti 'ayn̈ec. A jun tzo'n̈ tas yaljnac can cha, caw niwn yel'chi, til wal swach'il. Yuj jun tzo'n̈ cha, tztac' tzon̈ colchjec 'el 'a yol sc'ab' jun tzo'n̈ maysch'olnil tznib'j 'och eb' 'anma 'a yolyib'n̈q'uinl tic. Toto 'ixta tzon̈ 'ajec, caw lajnn̈ej tz'aj qui nab'enec yet' Dios, yuj jun tzo'n̈ tas yaljnac can cha.

A Schab'il Carta San Pedro 2:20

A 'a yic ca'nec 'och qui c'ojl 'a Cajlil Jesucristo qui Colmal, ata colchjnacn̈ec 'elt 'a yol sc'ab' jun tzo'n̈ maysch'olnil 'a yolyib'n̈q'uinl tic. Palta toto tzat ca'c 'och qui b'a 'a yol sc'ab' jun tzo'n̈ chi jun 'ejm xo, toto tzon̈ canc 'a yaln̈ yu'uj, yel xo wal caw maysch'olnil quiquec 'icha 'a yic yaln̈taxi.

A Schab'il Carta San Pedro 3:14

Ex chamc'ojlb'il wu'uj, wan qui tan̈wniec sjaw jun tzo'n̈ cha. Yuj cha, caw ca'c 'ip, sec may jac qui mulc 'oj 'ilchjoc yu'uj, may jac qui paltail. Toto 'ixta', caw junc'ojlal 'oj cajc yet' ta'.

1 Jn 5:18

Cojquec, toto yel yunnaln̈ec xo Dios, man̈x 'oj qui b'eylb'oquec maysch'olnil, yujto a Yunnal tzon̈ tan̈wniec. Yuj cha, man̈xtzac stac' on̈ yixtnec win diablo.