Santiago 1:19 - Chuj San Sebastian Bible

¹⁹ Ex wu'tac, ex wanab', chamc'ojlb'ilx wu'uj. Eyojc xon jun tzo'n̈ tic tzwal tic. Yuj cha, caw lista tzeyutj e b'a eyab'xni. Man̈ comnoc tzeyal eyic muc'uc. An̈jtona', man̈ comnoc tzcot eyowal.

Chuj San Mateo Bible

¹⁹ Ex xajanab'il vuuj, ojtaquejequel jun sval tic. Lista tzeyutej e b'a eyab'ani. Man̈ comonoc tzeyal eyic d'a elan̈chamel. An̈ejtona' man̈ comonoc tzeyac'cot eyoval,

Santiago 1:19 ပူးပေါင်းရင်းမြစ်များ

Nehemías 8:18

'Ix yawtj Esdras ch'an̈ libro yic ley 'a junjn c'u, schaj 'el 'a b'ab'l c'u masnto 'aj tzlajw uque c'u niwn q'uin̈ cha. Ax 'a junx c'u, 'ix syamn pax sb'a eb' yic tz'och eb' 'emmquilal 'a Jehová, 'icha yaln ley cha.

Nehemías 9:17

Ma'ix yal sc'ojl eb' yab'ni, man̈xtoc 'ix sna cot eb' jun tzo'n̈ tas to satjub'tac xa b'o yuj swach'loc eb'. A yic eb' to pit 'ix yutj sb'a eb', 'ix ya'n 'och eb' jun syajlil yuj man̈ nab'enal, yic tz'ijx pax meltzjoc eb' jun 'ejm xo yuj 'a Egipto, yic tz'ochx eb' mosoal ta yalni. Palta ach xo tic ach qui Diosal on̈, caw 'ay a niwnc'ojlal, wach' a nab'en, tz'o'ch a c'ojol, teb'il tzcot owal, caw niwquil a chamc'ojlal, yuj wal cha, ma'ix actjcan eb'.

Nehemías 9:3

Ya' sb'a lin̈n chan̈ eb' 'a yet'l cha, 'oxe hora 'ix 'awtx ch'an un̈ yic sley Jehová Dios 'a sat eb', ax 'a junx 'oxe hora, ata xyal q'uet eb' smul, xyaln sb'a' eb' 'a Jehová.

Job 32:16

palta an tic man̈ sictacoc 'oj waji, wach'xam a eb' tic sictac x'aj eb', yujto man̈x 'a tas wach' yaln eb', man̈xtzac nachj yuj eb' tas tzyutj eb' spacni.

Pr 10:19

A eb' niwn tas tzyala, tz'och smul eb' 'a scal spaxti cha; ax eb' jab' wal tas tzyala, caw 'ay snab'en eb'.

Pr 13:3

Toto tzqui nac qui b'a qui paxtini, mun an̈ tzqui tan̈wjec qui b'a; ax toto tz'e'x 'a yib'n̈ qui paxtinec, mun an̈ec tzquixtj 'el qui b'a.

Pr 14:17

Toto c'un scot cowlec, caw man̈ wach'c tas tzqui b'oc 'ixta'; an̈jtona', toto si'mb'il wal tzqui na'ec yic tzqui b'onec tas tu 'a junc quit 'anma'il, caw wal tz'och eb' 'anma 'ajc'ojlal 'ayn̈ec.

Pr 14:29

Toto 'ay qui niwnc'ojlalec, tzyal 'el'chi jeln on̈ec; palta toto c'un scot cowlec, tzyal 'el'chi to may qui nab'enec.

Pr 15:18

Toto c'un scot cowlec, cojn owl tzq'ue wan cujec; ax toto niwn qui c'ojlec, tzca'c tup owal.

Pr 15:2

A yic tzpaxtin eb' 'ay snab'en, caw tzchaj eb' 'anma yab' sjelnal eb' cha; a pax yic tzpaxtin eb' may snab'en, cojn tas may yel'ch tzlaj yal eb'.

Pr 16:32

Yel xo wach' niwn tzcutjec qui c'ojol, 'a yib'n̈ pax to c'un scot cowlec. Yel xo pax wach' mun tzqui yamc 'och wan qui b'a, 'a yib'n̈ pax to tzcan junc chon̈b'al 'anma 'a yaln̈ cu'uj.

Pr 17:14

'Icha junc a a tzmacx 'och wa'an, jab'jnal yel a 'a yet'l cha, palta ax tz'aji tzjacw 'el secn̈joc a smasnil, 'ixta wal junc owl jab'jnal tz'aj yel yich. Yuj cha, yel xo wach' tzyac' junc mach niwnc'ojlal yic mantzac 'el yich junc owl cha.

Pr 17:27

Toto jab' wal tas tzcalec, caw 'ay qui nab'enec, caw jeln on̈ec toto tzqui yamc 'och wan qui b'a.

Pr 18:13

Toto tzqui comn pacjec junc paxti', yic mantzac cham wal cab'nec tas yaji, ata tzqui ch'oxlc 'eli to may qui nab'enec, tzca'nec pax qui q'uixwloc.

Pr 18:21

A qui paxti'ec, tztac' yi'n cot chamel mto q'uinl 'a quib'n̈ec, yuj cha, wach' tzcham wal qui nanec tas tzcala, sec wach' tzon̈ 'elc c'ochi.

Pr 19:11

Toto tzqui yamc 'och wan qui b'a yet' yowl qui c'ojol, 'ay qui nab'enec 'ixta'; tzon̈ alxec wach'il toto tzca'c niwnc'ojlal 'a eb' tz'och smul 'ayn̈ec.

Pr 19:19

A mach c'un scot yowal, scha cab' spac 'icha wal tas smoj schani; toto tzqui col 'a yol sc'ab' syailal cha, 'oj sb'eylb'ocn̈ej yowl cha.

Pr 21:23

A mach tztan̈wj sb'a yet' tas tzyala, wan scoln sb'a 'a yailal.

Pr 25:28

Toto matz uj qui yamnec 'och wan qui b'a yet' qui nab'en, lajn on̈c 'icha junc chon̈b' lan̈chjnacx 'ejm smuroal, to 'ay xo smay yilxi.

Pr 29:20

A junc may snab'en, wach' to yic 'a yib'n̈ junc amancotn spaxtini.

Nm 22:27

'Ix yiln pax sb'a no 'axna chi 'a jun yángel Jehová cha. 'Ix 'em lachn no 'a sat lu'um, yujto man̈x 'a 'aj wach' sc'och no'. Yuj cha, caw 'ix cot yowl Balaam, syamn 'och win sma'n no yet' sc'ococh.

Mt 5:22

Palta an tzwal 'ayex, tzann̈j mach tzchichn 'och 'a junc yit 'anma'il, yowlal 'oj b'eyc'ojlaxoc. Tzann̈j mach tzb'uchwj 'a junc yit 'anma'il, 'oj b'eyc'ojlaxc yuj eb' sat yajal. Tzann̈j mach tzb'aj junc yit 'anma'il, 'ay smay tz'at 'a infierno 'a scal c'ac'.

Mr 12:37

'Ixta yutjnac David yalni, chajtlto a Cristo, Yajl yaj 'a 'a, yuj cha, ¿tom yintln̈ej David chi yajchi? xchi Jesús 'a eb'. Til wal eb' 'anma x'ab'n jun tic, caw stzalj eb' yab'ni.

Mr 2:2

yuj cha, til wal 'anma 'ix syam sb'a mu'c 'a jun n̈a cha. Man̈x 'a 'aj tz'aj eb', ax Jesús 'ix yaln spaxti Dios 'a scal eb'.

Lc 15:1

Smasnil eb' tecm 'el tumin, yet' jun tzo'n̈ xo eb' maysch'olnil sb'eyb'al, 'ix jaw eb' 'a Jesús yic tz'ab'xni eb' 'a 'a.

Lc 19:48

Palta ma'ix nachj yuj ewinac, tas tzyutj eb', yujto 'aych sc'ojl smasnil 'anma yab'xni 'a 'a.

A Tas Sc'ulejnac Eb' Schecab' Jesús Hechos 1:15

A 'a yic jun tiempoal cha, 'aym junc 120 eb' creyente 'ix syam sb'a. Ax Pedro xq'ue wan lin̈n 'a scal eb'. 'Ix yaln 'ixtic:

A Tas Sc'ulejnac Eb' Schecab' Jesús Hechos 10:33

Xlajwn̈ej cha, xin checn 'at eb' in checb' ach sayq'ui. Yuj wal dios 'ayach, caw xa yiclj a jawi. A ticnec, 'ayn̈ec 'ec' qui masnil 'a sat Dios. Yuj cha, tzqui nib'j tzcab' on̈, jantcn̈ej tas alb'il yuj Cajlilec 'ayach, al 'ayn̈ on̈, xchi 'a 'a.

A Tas Sc'ulejnac Eb' Schecab' Jesús Hechos 13:48

Ax eb' man̈ israeloc, caw stzalj eb' yab'n jun tzo'n̈ tic. 'Ix syamn 'och eb' yalni, to caw wach' spaxti Cajlil. Ax eb' sic'b'il xon 'el yuj Dios, yic 'oj scha eb' sq'uinl 'a jun 'ejmn̈ej, 'ix ya'ch eb' sc'ojl 'a 'a.

A Tas Sc'ulejnac Eb' Schecab' Jesús Hechos 17:11

A eb' israel 'aj Berea cha, yel xo wach' snab'en eb' 'a yib'n̈ eb' 'aj Tesalónica, yujto xcham wal yab'n eb' spaxti Dios. Ax 'a junjn c'u, scuy eb' Ch'an̈ Un̈ 'aj tz'ib'b'il can spaxti Dios cha, yic tzyiln eb', toto yel tzyal Pablo yet' Silas cha.

A Tas Sc'ulejnac Eb' Schecab' Jesús Hechos 2:42

Caw xya'ch eb' snab'en 'a jun tzo'n̈ cuynb'il xyac' eb' schecb' Jesús. Junxn̈ej xlaj yutc eb' snab'en smasnil. Tzyamn sb'a eb', yic tzleslwi eb'. Tzwan eb' 'ixm pan, yic snanb'il cot Cajlil.

Ef 4:26

Toto 'ay 'aj tzlaj cot eyowal, man̈ e b'o junc maysch'olnil yuj jun eyowl cha. Matz tac' an̈j 'ijnoc 'ay cot eyowal tz'ejm c'u.

Ef 4:31

Caw tzeyactj can smasnil e chichnc'ojlal, e c'a'lc'ojlal. Man̈ comnoc tzchacb' e sat scot eyowal. An̈jtona', man̈ comnoc tzq'ue eyaw e tumwji. Caw tzeyactj can e b'on jantcn̈ej tas maysch'olnil.

A Scarta San Pablo D'a Eb' Aj Colosas 3:15

A Dios a 'awtjnacn̈ec 'och yico'oc, sec junc'ojlal tzon̈ 'ajc qui masnil, yujto junxn̈ej cajc 'a yol sc'ab' Cristo. Yuj cha, caw wach' tzlaj cutquec qui b'a 'a qui cal, sec tzyac' Cristo sjunc'ojlal 'a qui pixnec. An̈jtona', tzca'nec yuj diosal 'a 'a.

A Scarta San Pablo D'a Eb' Aj Colosas 3:8

Ax ticnec, yowlal 'oj e wach' 'actc can pax jun tzo'n̈ xo tic 'oj walb't tic: Atn owal, chichnc'ojlal, tu'al, b'ajwal, yet' tzann̈j tu paxti'al.

1 Ts 2:13

A yic caln 'el spaxti Dios 'a e cal on̈, yajn̈ej eya'n 'och 'a e c'ojol, chajtlto yel yic Dios, man̈ yico'oc 'anma'. Yuj cha, caw tzca'n̈j yuj diosal 'a Dios eyuj on̈. A spaxti tic, caw yel yico'. Caw 'ay yopiso sb'on qui nab'en an̈ creyente on̈c tic.

Santiago 1:16

Ex wu'tac, ex wanab', chamc'ojlb'ilx wu'uj. Caw man̈ e cha 'ixtxoc paxti e b'a.

Santiago 1:2

Ex wu'tac, ex wanab', a yic tzjaw jun tzo'n̈ tzann̈j prowalil 'ayex, caw tzaljan̈c si'mb'il.

Santiago 1:26

Toto 'ayn̈ec tzqui na'a, to 'aych qui c'ojl 'a Dios, palta matz qui tench wan qui b'a 'a tas tzcala, nab'an̈ej tzqui na'a, to 'aych qui c'ojl 'a 'a. Mun tzquixtj paxti qui b'a qui nan 'ixta'.

Santiago 2:1

Ex wu'tac, ex wanab', toto yel 'aych qui c'ojl 'a Cajlil Jesucristo, atn jun caw niwn yel'chi, yowlal jun lajnn̈ej tzcutjec qui nab'en 'a smasnil 'anma'.

Santiago 2:5

Ex wu'tac, ex wanab', chamc'ojlb'ilx wu'uj. 'A'c 'och e chicn 'a junx tic. A eb' meb'a 'a yolyib'n̈q'uinl tic, atn eb' tzsi'x 'elt yuj Dios, sec wach' tzya'ch eb' sc'ojl 'a 'a. Yuj cha, 'icha to rico tz'aj eb' 'a sat, yujto a 'oj 'i'nc 'at eb' 'a yol sc'ab'. A ya'jnac sti', chajtlto 'ixta 'oj yutc eb' 'ay schamc'ojlal 'a 'a.

Santiago 3:10

Junn̈j qui ti tzqui c'anlb'ej caln wach' paxti 'a Dios, tzqui c'anlb'an pax 'a maysch'olnil. Palta ex wu'tac, ex wanab', caw man̈ smojc qui b'onec 'ixta'.

Santiago 4:11

Ex wu'tac, ex wanab', man̈x eyal-lac e peclal. Toto tzcalc speclal junc quit creyenteal, mto tzqui b'eyc'ojlej, tzyal 'el'chi, a sley Dios tzcalc speclal, mto wan qui b'eyc'ojlani. Palta toto tzqui b'eyc'ojlejc sley Dios, man̈xtzac qui yicljec sley cha, wan ca'nec 'och qui b'a juezal.

Santiago 5:12

Palta ex wu'tac, ex wanab', 'ay wal junx tas 'oj walb't 'ayex, yowlal 'oj eyicloc. Man̈ e comn locc sb'i Dios 'aj satcha'an̈, mto junc tas 'ay 'a yolyib'n̈q'uinl tic, man̈ e comn locc sb'i junc xo mach, mto junc xo tas. A yic tzex laj paxtini, N', xe chi, toto yel. Ma'ay, xe chi, toto man̈ yeloc. Cojxn jun tzo'n̈ tic tzeyala, sec wach' ma'oj 'ajxc 'och eyailal.

Santiago 5:19

Ex wu'tac, ex wanab', toto 'ay eb' 'a e cal, tzya'lj yi'n 'el snab'en 'a jun cuynb'il caw yel, comnoc 'ay ex, tze montj eb', sec tzya'ch wal eb' snab'en 'a jun 'ejm xo.

1 Jn 2:21

May junc ex man̈ eyojcoc jun yel cha. Yuj cha, tzin tz'ib'n 'at 'ayex. Eyojc xon paxi, toxn may junc 'es 'a scal jun cuynb'il caw yel cha.