Santiago 1:12 - Chuj San Sebastian Bible

¹² Toto tzca'c techjoc, yic tzon̈ 'ajxec prowal, caw wach' quiquec. Yujto a yic tox xlajw cajxec prowal, 'oj qui chac spac, atn qui q'uinlec 'a jun 'ejmn̈ej. Ya'jnac can Dios sti', chajtlto 'oj yac' jun tic 'a jantcn̈ej eb' 'ay schamc'ojlal 'a 'a.

Chuj San Mateo Bible

¹² Tato scac' techajoc ayic tzon̈ ac'ji proval, te vach' quico', yujto ayic toxo ix lajvi cac'ji proval chi', ol co cha spac, aton co q'uinal d'a juneln̈ej. Aton jun yalnaccan Dios to ol yac' d'a masanil eb' xajanani.

Santiago 1:12 ပူးပေါင်းရင်းမြစ်များ

Gn 22:1

'Ix 'ec' jun tiempoal, 'ix 'ajx prowal win Abraham yuj Dios, toto caw yel tzya'ch win sc'ojl 'a 'a, x'awtx cot win yuj Dios, 'ix ta'w win 'a 'ixtic: —Waj 'a tic Mamin, xchi.

Nehemías 1:5

Xwaln 'a 'ixtic: Tzin tew 'aych Mamin Jehová, Dios ach, ach 'ay ec satcha'an̈, caw 'ay ep, niwn el'chi, smoj tzxiw eb' 'anma 'ayach, tzac' 'el'choc a trato, caw tz'o'ch a c'ojl 'a eb' tzach chamc'ojlani, eb' tzyiclni a checnb'il.

Job 2:10

Yuj cha, xyaln win 'ixtic: —Ach 'ix, a wal tzwab'i, lajn a paxtin yet' eb' 'ix 'ix may xon jac snab'en. An̈ tic, tox xqui chaj smasnil syaxilal Dios. ¿Tom at wal yailal ma'oj qui cha'? xchi winac. Wach'xam 'aych syailal Job, palta may tas tu 'ix yal 'a spatc Dios.

Job 5:17

Caw wach' yic junc mach tz'ajx cuenta yuj Dios. Man̈ a patquilc can 'el tas tzach yutj ach ya'n cuenta Dios to tztac' yuj smasnil.

Salmos 11:5

A tzb'eyc'ojlan eb' wach', ax eb' tu sb'eyb'al, caw tzyajx 'el eb' yu'uj.

Salmos 119:67

A yic mantzac 'och in yailal, til wal tas maysch'olnil xlaj in b'o', palta ax ticnec, a 'a paxti tzin yiclej.

Salmos 119:71

'Ay swach'il yic in 'och 'a in yailal, yujto ata xin cuy a checnb'il.

Salmos 119:75

Wojc wal si'mb'il, to a jun tzo'n̈ a ley tic caw tojl eb', yujto 'ay wal yel'chi, yuj cha, tzin a'n 'och 'a in yailal.

Salmos 5:11

Palta ax smasnil eb' tzach 'a'n 'och yipc sc'ojol, 'ac' stzaljc'ojlal eb'. Ya'l cab' eb' yaw ach sb'itnan yet' stzaljc'ojlal 'a smasnil tiempo, yujto ach tza tan̈wj eb'. A eb' tzach chamc'ojlani, a 'aych tzyij eb' stzaljc'ojlal.

Salmos 94:12

Mamin Jehová, caw wach' yic eb' to ach tza' cuenta, tza'n pax yojcoc 'el eb' a cuynb'il,

Ex 20:6

Ax pax eb' tzin chamc'ojlani, eb' tzyiclni in checnb'il, 'oj in chamc'ojloc eb' yet' yin̈tl b'aq'uin̈.

Pr 17:3

A q'uen oro yet' q'uen plata, a c'ac' tz'a'lni prowal toto wach' q'ue'en; ax pax qui nab'enec an̈ 'anman̈ec tic, a Jehová a tzb'eyc'ojlani.

Is 64:4

'A yictax pecti cha, mant 'a xon 'aj tz'ab'xi, may 'aj tz'ilx junc xo dios to lajn et'oc; junc to tzb'on 'icha tas tza b'o'o, yic tz'och swach'loc eb' tzya'ch sc'ojl 'ayach.

Zacarías 13:9

A eb' 'oj can cha, 'oj wac' yab' eb' syail yic tz'elcn smaysch'olnilal eb', 'icha tz'aj yel slumal q'uen plata 'a scal c'ac', 'icha pax tz'aj sb'o q'uen oro. 'Oj lajwc cha, ax yaln sb'a eb' 'ayin, ax in ta'w 'a eb'. 'Oj walch eb' in chon̈b'oc, ax yaln eb' 'ixtic: A Jehová, atn qui Diosalec, 'oj xchic eb', xchi Dios.

Mt 10:22

Smasnil 'anma 'oj chichnc 'och 'ayx wu'uj. Palta a eb' 'oj 'a'nc techjoc smasnil jun tzo'n̈ cha masnto 'a slajub', 'oj colchjoc eb'.

Mt 25:34

An Rey in tic, 'oj wal 'ixtc 'a eb' 'ayc' 'a in wach' c'ab': Ax tic, ya'jnac in Mam swach'c'ojlal 'ayex, 'ochn̈ec wet' 'a 'aj tzwac' Yajlil, yictax sb'on Dios yolyib'n̈q'uinl tic, sb'on can jun tic eyico'oc.

Lc 6:22

Wuj an 'Ochnc in 'Anmal tic, 'oj chichnc 'och eb' 'anma 'ayex, 'oj ex spech 'elt eb' 'a scal, 'oj ex sb'uch pax eb'. Caw maysch'olnil 'oj yal eb' 'a e patc wu'uj. Palta 'a yic 'ixta 'oj ex yutc eb', caw wach' eyico'.

Ro 5:4

Yuj wal qui te'nalec tic, tzalj Dios quet'ec. Yuj cha, tztac' ca'nec 'och Dios yipc qui c'ojol.

Ro 8:28

Cojquec, jantcn̈ej jun tzo'n̈ tas tzjaw 'ayn̈ec, a Dios a tz'a'n coti, sec caw wach' quiquec an̈ 'ay qui chamc'ojlalec 'a 'a, an̈ec 'awtb'iln̈ xo yu'uj, sec tzon̈ 'ochc 'icha snajnac.

1 Co 2:9

Palta tzyal 'ixtc 'a Ch'an̈ U'un̈: 'Ay wal jun tas sb'ojnac Dios, yic tzya'n 'a eb' 'ay schamc'ojlal 'a 'a. Mant 'a junc mach tz'iln junc chi 'ixta', mant 'a mach tz'ab'ni. May pax junc mach xnan 'el jun cha, xchi 'a Ch'an̈.

1 Co 8:3

Palta a eb' tzchamc'ojlan Dios, 'ojcab'il xon eb' yu'uj.

1 Co 9:25

Jantcn̈ej eb' tz'och 'a tajnel cha, caw tzyac' cuenta sb'a eb' 'a smasnil tas maysch'olnil. 'Ixta tzyutj sb'a eb', sec toq'ue 'oj scha eb' spac. Palta a jun spac chi tzchaj eb' cha, ton̈j 'e'lb'a yec' muc'uc. Ax jun spac quic 'oj qui chac an̈ec tic, may b'a'n̈ 'oj lajwc 'eq'ui. Yuj cha, yowlal caw tzca'c cuenta qui b'a jun xo.

Dt 13:3

man̈ e cha eyab' jun tzo'n̈ chi 'a 'a. A Jehová qui Diosalec, a tzex 'a'n prowal, sec tzyila toto yel tze chamc'ojlej yet' smasnil e c'ojol, yet' smasnil e nab'en.

Dt 7:9

A ticnec, tzeyojquej 'eli to a Jehová qui Diosalec, to cojni. A eb' 'ay schamc'ojlal 'a 'a, tzyac' 'el'choc strato yet' eb'. A eb' tzyiclni schecnb'il, tz'o'ch sc'ojl 'a eb', yet' 'a yin̈tl eb' b'aq'uin̈.

Dt 8:2

Nac cot wal si'mb'il, chajtlto chawinc ab'il on̈ b'eyc cot 'a lum cusltac lum yuj Jehová qui Diosalec. 'Ix yac' quilc yailal, on̈ ya'lni prowal yet' qui nab'en, toto yel tzqui yicljec schecnb'il tic, mto ma'ay.

2 Ti 2:15

Caw tzac' 'ip a munlj 'a yic Dios, sec tzyila, to wach' a munljel, caw tojl tzotj aln 'el spaxti Dios caw yel. Toto 'ixta tzotj a b'a, may yuj 'oj a q'uixw 'a sat Dios.

2 Ti 4:8

Al ticnec, 'ay jun spac wic molb'il xo, yujto tojl tzwutj in b'eyb'al. A Cajlil, caw tojl snab'en, a 'oj b'eyc'ojlanc smasnil 'anma'. A 'a yic jun c'u cha, 'oj in cha spac wic 'a 'a. Man̈ cojnoc in 'oj in cha spac wico'. Jantcn̈ej eb' caw tznib'j jawc Cajlil 'a scha'ejmal, 'oj scha eb' yic jun xo.

A Ch'an̈ Carta D'a Eb' Hebreo 10:32

Palta nac cot tas 'ajnc ex 'a yic yalan̈, yic e b'ab'l chan sacq'uinl 'a e pixan. Caw te'n eyutjnac e b'a, yic eyab'n syail, eya'n eyip.

A Ch'an̈ Carta D'a Eb' Hebreo 11:17

A Abraham, caw ya'jnac 'och Dios 'a sc'ojol. Yuj cha, yic yajx prowal yuj Dios, yijnac 'at Isaac, yic tz'at ya'nc xajmb'al-l yalni. Wach'xam ya'jnac Dios sti yuj Isaac cha, palta caw schaj sc'ojl Abraham ya'n jun c'otn̈ yunnal chi xajmb'alil.

A Ch'an̈ Carta D'a Eb' Hebreo 12:5

Tecn 'ix sat e c'ojl 'a tas yaljnac can Dios 'ayn̈ec, yic ya'n qui nab'enec, yujto yunnaln̈ec xo. Yaljnac 'ixtc 'a Ch'an̈ U'un̈: Ach wunnal, a yic tzach ya'n cuenta Jehová, man̈ a na' to may yel'chi. Man̈ ach tzactzjoc, yic tzach stenn 'och wa'an.

A Ch'an̈ Carta D'a Eb' Hebreo 6:15

Ax Abraham cha, caw ya'jnac techjoc stan̈wni. Yuj cha, schajnac jun 'aj ya'jnac Dios sti yu'uj.

Santiago 2:5

Ex wu'tac, ex wanab', chamc'ojlb'ilx wu'uj. 'A'c 'och e chicn 'a junx tic. A eb' meb'a 'a yolyib'n̈q'uinl tic, atn eb' tzsi'x 'elt yuj Dios, sec wach' tzya'ch eb' sc'ojl 'a 'a. Yuj cha, 'icha to rico tz'aj eb' 'a sat, yujto a 'oj 'i'nc 'at eb' 'a yol sc'ab'. A ya'jnac sti', chajtlto 'ixta 'oj yutc eb' 'ay schamc'ojlal 'a 'a.

Santiago 5:11

Cojtac, a eb' ya'jnac techjoc, caw tzaljc'ojlal yaj eb' ticnec. 'Ay 'aj xeyab' yab'xil win Job. Caw te'n yutjnac sb'a yab'n syailal. Eyojtac, chajtl yutjnac pax Cajlil win 'a slajub'. Yujto a Cajlilec, caw tz'o'ch sc'ojl 'ayn̈ec. Caw tz'och pitz'n cusc'ojlal 'a cujec.

A Sb'ab'el Carta San Pedro 3:14

Palta toto tzcab'c syal yuj qui wach' b'eyb'al, caw wach' quiquec. Yuj cha, man̈ ex xiw 'a junc mach. Man̈ eyac' somchjc 'el e nab'en.

A Sb'ab'el Carta San Pedro 4:13

Palta caw tzalj coyec, yujto junxn̈ej tzon̈ 'ajc cab'n syal yet' Cristo. Toto 'ixta tzcutjec qui b'a, a yic 'oj quilnec sjaw Cristo 'a scal stzictznial, caw 'oj wach' 'ajxc qui tzaljc'ojlalec.

A Sb'ab'el Carta San Pedro 4:14

Toto 'ay eb' tzon̈ b'uchnec, yujto 'aych qui nab'enec 'a Cristo, caw tzaljc'ojlal quiquec. Yujto a Yespíritu Dios, atn jun caw niwn yel'chi, a cajn 'och 'ayn̈ec. [A eb' cha, tu tzyal eb' 'a spatc Cristo. Palta an̈ec xo tic, niwn yel'ch 'a qui satec.]

A Sb'ab'el Carta San Pedro 5:10

A 'a yic 'oj lajwc cab'nec syal jab'oc tiempoal, ax Dios 'oj on̈ swach' tz'acb'tzoquec, 'oj swach' 'a'c qui te'nalec, yet' quipec. Caw 'oj on̈ smolc ta'. Yujto a Dios, man̈ jantcoc swach'c'ojlal tzyac' 'ayn̈ec. A on̈ 'awtnec 'och yico'oc, sec wach' a jun caw swach'il, a 'oj yac' 'ayn̈ec 'a jun 'ejmn̈ej, yujto junxn̈ej cajc yet' Jesucristo.

A Sb'ab'el Carta San Pedro 5:4

Toto 'ixta tzeyutj e b'a, ax yic 'oj jawc jun Quilmalec Niwn Yel'chi, 'oj e cha jun spac caw niwn swach'il. A jun cha, may b'a'n̈ 'oj lajwoc.

1 Jn 4:19

'Ay qui chamc'ojlalec 'a Dios ticnec, yujto a on̈ b'ab'l chamc'ojlanec.

Apoc 2:10

Man̈ ex xiw yuj jun tzo'n̈ yailal 'oj jawc 'a eyib'an̈. 'Ayx 'oj eyajx 'och 'a preso yuj win diablo. 'Ixta 'oj ex yutc win ex ya'n prowal. Lajn̈e c'u 'oj eyab' syail. Palta yiclumn̈ej tzeyutj e b'a, masnto 'oj e chami. Toto 'ixta 'oj eyutc e b'a, 'oj wac' spac 'ayex, atn e q'uinl 'a jun 'ejmn̈ej.

Apoc 3:19

Jantcn̈ej eb' chamc'ojlb'il wu'uj, tzin tench wan eb', tzwa'n syailal eb'. Yuj cha, caw nac e b'a, tzeya'n pax 'och e nab'en 'ayin.

Apoc 3:21

A eb' 'oj 'a'nc ganar ya'n techjoc, 'oj wac' 'em wocn eb' 'a 'aj 'ay in despacho, 'icha wutjnac wa'n ganar wa'n techjoc, wem wocn yet' in Mam 'a 'aj 'ay sdespacho.