Salmos 85:4 - Chuj San Sebastian Bible

⁴ Ach qui Diosal on̈, qui Colmal aji, colwjan̈ pax quet' jun 'ejm xo on̈. 'Ij 'och wan yowl a c'ojl 'a quib'n̈ on̈.

Chuj San Mateo Bible

⁴ Ach co Diosal, co Columal, ochan̈ qued'oc junelxo, yechelocxob' ste cot yoval a c'ol d'ayon̈.

Salmos 85:4 ပူးပေါင်းရင်းမြစ်များ

Salmos 25:2

Ach in Diosal tzach wa'ch wal yipc in c'ojol, man̈ a cha wac' in q'uixwloc, sec matz in stzetzj eb' 'ajc'ojl yajch 'ayin.

Salmos 27:1

A Jehová tz'a'n sacq'uinl 'ayin, in Colmal paxi. A 'a tzin col in b'a, yuj cha, man̈x 'a in xiwc'ojlal. Man̈x 'a mach 'aj tzin xiwi.

Salmos 78:38

Palta a Dios, caw tz'o'ch sc'ojl 'a eb', tzyac' lajwc smul eb', matz satx 'el eb' yu'uj. Til wal 'ejm tzyij 'ec' yowl sc'ojl 'a yib'n̈ eb', matz yac' 'el'choc yowl sc'ojl 'a eb'.

Salmos 80:19

Mamin Jehová qui Diosal ach on̈, caw tzta'n̈j oj smasnil. Colwjan̈ quet' on̈ sec tzon̈ q'uex c'och 'icha xon caj on̈. 'O'ch pax cab' a c'ojl 'ayn̈ on̈ sec tzon̈ colchj pax on̈.

Salmos 80:3

Ach qui Diosal on̈, colwjan̈ quet' on̈, sec tzon̈ q'uex c'och 'icha xon caj on̈. 'O'ch cab' pax a c'ojl 'ayn̈ on̈, sec tzon̈ colchj pax on̈.

Salmos 80:7

Ach qui Diosal on̈, caw tzta'n̈j oj smasnil, colwjan̈ quet' on̈, sec tzon̈ q'uex c'och 'icha xon caj on̈. 'O'ch cab' pax a c'ojl 'ayn̈ on̈, sec tzon̈ colchj pax on̈.

Is 10:25

Yujto jaye xoj wal c'u, ax yoch wan yowl in c'ojl 'a eyib'an̈, ax 'a yib'n̈ eb' 'aj Asiria 'oj jawc can paxi sec tzsatl eb', xchi Dios.

Is 12:1

A 'a jun tiempoal cha, ata 'oj eyal 'ixtic: Mamin Jehová, tzcal yuj diosal 'aych on̈; wach'xam xcot wal yowl 'a c'ojl 'a quib'n̈ on̈, ax ticnec tox x'ec' jun cha, to wan a'n pax sniwnal qui c'ojl on̈.

Jeremías 31:18

'Ix wab' wal sc'acw eb' 'aj Efraín yuj cusc'ojlal, tzyaln eb' 'ixtic: An̈ tic on̈, on̈ a cuy 'icha tz'aj scuyx junc no quelm wacx man̈ yojcoc smunlji, on̈ c'ay o'oj. 'Ij on̈ meltzjoc et'oc, scha cab' a c'ojl tzon̈ meltzji, yujto ach tic, Jehová qui Diosal ach.

Lm 5:21

Mamin Jehová, 'ij on̈ meltzjoc pax 'aych jun 'ejm xo on̈, caw tzqui nib'j tzon̈ meltzj paxi. Comnoc wach' tz'ec' cuj jun 'ejm xo, 'icha xon caj 'a yic yaln̈tax on̈.

Dn 9:16

Mamin, cojc wal si'mb'il on̈, to tza b'on̈j tas tzala. Yuj cha, 'el cab' wal 'a a c'ojol, to tzej 'el yailal yet' yowl a c'ojl 'aych 'a yib'n̈ chon̈b' Jerusalén, yujto a chon̈b' yaji, ecn̈ej yaj lum tzaln Sión. Smasnil nacion̈ 'ay 'a stz'ey, caw tzb'uchwj eb' 'a jun chon̈b' tic. Yuj wal qui mul on̈, yet' yuj smul eb' qui mam quichm on̈, 'ixta tz'aji.

Os 11:9

Ma'oj in b'o 'icha wal yaj yowl in c'ojl 'a eyib'an̈. Ma'oj ex in satli, yujto an tic Dios in, man̈ in 'anma'oc. An tic, 'ayn 'ec' eyet'oc, Cojxn in Dios in, yuj cha, man̈ yujoc ex in satn 'eli, tzin jawi.

Miqueas 7:7

Palta an xo pax an tic, a Jehová 'aych yipc in c'ojol. Cojn Dios in Colmal yaji, a yipc'ojlal yaj wu'uj, yujto 'oj yab' tas 'oj wala'.

Malaquías 4:6

A Elías cha, a 'oj 'a'nc 'och eb' mamb'il yet' eb' 'unnab'il 'a junc'ojlal. Toto ma'oj sna sb'a eb', ax yic 'oj in jawi, ax in satn 'el eb' in chon̈b' 'a jun 'ejmn̈ej, xchi Dios.

Jn 4:22

Ax 'aj Samaria ex tic, tzcob' eyal e b'a 'a Dios, palta man̈ eyojcoc Dios cha. Aln̈ an̈ israel on̈ tic on̈, caw cojc qui Diosal 'aj tzcal qui b'a on̈. A 'a qui cal on̈, ata 'oj 'eltc jun Colwjum.

Josué 7:26

Xlajw cha, 'ix si'n can eb' syam sb'a q'uen q'uen chi 'a yib'n̈ eb'. 'Ix q'uecn b'uln̈ q'ue'en. A jun b'uln̈ q'uen q'uen cha, 'ix cann̈j q'uen ta'. Yuj cha, a jun niwn 'a'lic cha, an̈j 'ijnoc Acor sb'i. 'Ixtnta wal 'ix 'aj yoch wan yowl sc'ojl Jehová 'a yib'n̈ chon̈b' Israel 'a jun tiempoal cha.