Salmos 85:3 - Chuj San Sebastian Bible

³ Yelc'ojlal 'ix ej 'och wan yowl a c'ojl 'a quib'n̈ on̈ yet' a c'a'lc'ojlal.

Chuj San Mateo Bible

³ Ix a yamoch vaan yoval a c'ool yed' a c'ac'alc'olal.

Salmos 85:3 ပူးပေါင်းရင်းမြစ်များ

2 Cr 6:39

to 'ixta', a 'a satchan̈ 'aj cajn ach cha, tzab' tas tzcal 'ayach, tza pacn tas tzqui c'an 'aych on̈, tza'n lajwc qui mul an̈ a chon̈b' on̈ tic tz'och 'aych cha.

Salmos 106:23

Xa nalb'ej a satn 'el eb' qui mam quichm on̈, palta ax Moisés win sic'b'il 'el o'oj, 'ix tew 'aych yuj eb'; yuj cha, 'ix 'ec' yowl a c'ojl 'a yib'n̈ eb', man̈x 'ic a satl eb'.

Salmos 78:38

Palta a Dios, caw tz'o'ch sc'ojl 'a eb', tzyac' lajwc smul eb', matz satx 'el eb' yu'uj. Til wal 'ejm tzyij 'ec' yowl sc'ojl 'a yib'n̈ eb', matz yac' 'el'choc yowl sc'ojl 'a eb'.

Ex 32:22

'Ix ta'w Aarón 'ixtic: —Mamin, comnoc matz cot owl 'ayin. 'In ojc wal snab'en eb' 'anma tic, caw wal tznib'j eb' sb'o maysch'olnil.

Is 12:1

A 'a jun tiempoal cha, ata 'oj eyal 'ixtic: Mamin Jehová, tzcal yuj diosal 'aych on̈; wach'xam xcot wal yowl 'a c'ojl 'a quib'n̈ on̈, ax ticnec tox x'ec' jun cha, to wan a'n pax sniwnal qui c'ojl on̈.

Is 40:1

A Jehová qui Diosalec, a tzaln 'ixtic: 'Ac' sniwnal sc'ojl eb' in chon̈ab'.

Is 40:2

Wach' tzeyutj paxtinc e b'a 'a eb' 'aj Jerusalén, tzeyaln 'a eb' chajtlto man̈x b'a'n̈ 'oj 'och eb' mosoal, tox 'ix stuplajwc eb' stenmtaquil yet' smaysch'olnilal, tox 'ix schaj eb' syailal 'a 'ayn an Jehová in, xchi Dios.

Is 6:7

'ix squiln 'och 'a in ti', xyaln 'ayn 'ixtic: A jun stzac'ac' xin quilch 'a a ti tic, a x'i'n can 'el a mul, 'ix 'ajx can lajwc smasnil a tu'al, xchi 'ayin.

Jeremías 50:20

An Jehová in, an tzwala: To a 'a yic jun tiempoal cha, 'oj in col 'elt jaywn̈ocx eb' 'aj Israel, yet' eb' 'aj Judá. 'Oj wi'l smasnil smul eb', yuj cha, man̈x 'a 'aj 'oj 'ilchjoc, 'oj wac' sat smasnil smul eb' cha, xchi Dios.

Ez 16:63

'Oj wac' niwnc'ojlal 'a yuj tas sb'o cha, palta 'oj sna coti, man̈x 'a wal b'a'n̈ 'oj sb'an̈ sb'a, to an tzwala, xchi Dios, xa chi 'a yib'n̈ Jerusalén, xchi 'ayin.

Jonás 3:9

Toq'ue tzat tztac' sjeln Dios snab'en 'a q'uib'n̈ec, yic tz'och wan yowl sc'ojol, toto 'ixta', matz on̈ chamec, xchi win rey 'a jun ley cha.

Miqueas 7:19

'Oj 'o'ch a c'ojl 'ayn̈ jun 'ejm xo. A qui mul on̈, 'icha to 'oj a muccn 'ejm 'a yol lu'um. A qui maysch'olnilal on̈, 'icha to 'oj a julcn 'at 'a xab'l yich a mar.

Jn 1:29

Ax 'a junx c'u, 'ix yiln sb'a Juan to wan sc'och Jesús 'a 'a, yuj cha, xyaln 'ixtic: —'Iltec, a jun wan sjaw tic, 'icha yopiso junc quelm calnelu, 'ixta yopiso yuj Dios, yujto a tzwul 'i'nc 'el qui mulc qui masnil 'a yolyib'n̈q'uinl tic.

Dt 13:17

Ax xo tic, man̈ eyi'cn jac eyic 'a jun tzo'n̈ tz'ajx lajwc cha, sec ma'oj cot yowl Jehová 'a eyib'n̈ yuj jun tzo'n̈ cha. Yujto caw 'ay schamc'ojlal 'ayex, yuj cha, 'oj yac' q'uib' e b'isl 'a yol e chon̈ab', 'icha wal yaj yaln can 'a eb' qui mam quichmec.

Dt 32:43

Ex nacion̈ tzaljan̈c yet' jun schon̈b' Dios tic, yujto 'oj spactzoc Jehová schamlil eb' schecab'. 'Oj yac' spac 'a eb' 'ajc'ojl yajch 'a eb', ax ya'n lajwc smul eb' schon̈b' cha, xchi Moisés.