Salmos 83:3 - Chuj San Sebastian Bible

³ 'Ix laj smol alc eb', to 'ay tas tu wan snan eb' 'a yib'n̈ eb' a chon̈b' tan̈b'il o'oj.

Chuj San Mateo Bible

³ C'ub'eltac sna eb' to ol sc'ulej chucal eb' d'a co patic, a on̈ a chon̈ab' on̈ tan̈vab'il on̈ tic uuj.

Salmos 83:3 ပူးပေါင်းရင်းမြစ်များ

Salmos 10:9

'Icha junc no león 'aych 'a yol sn̈aq'ue'en, tz'em lachan, tzb'in sb'a, tz'e'x lin̈n̈oc, 'ixta wal tzyutj eb' sc'ub'n 'el sb'a 'a yic tzmacn eb' yec' eb' 'emmquilal yeq'ui. Ax yic tzyamchj eb' yuj eb', tzyi'n 'at eb'. 'Ixta tz'aj syamchj eb' matz tac' scoln sb'a cha.

Salmos 2:1

¿Tas yuj caw tzq'ue 'awjoc eb' chuc chon̈b'al? ¿Tas yuj a jun tzo'n̈ may jac yel'ch 'aj tzya'ch eb' snab'en?

Salmos 27:5

Yujto a yic 'oj jawc yailal 'a wib'an̈, a 'oj in c'ub'n 'el 'a yatut. 'Icha to 'oj in yac' q'ue 'a sjolm junc niwquil tenam, yic tzin colchji.

Salmos 31:20

Colcn 'el eb' wach' 'a ojltac 'a stu nab'en eb' maysch'olnil, yujto a 'a atut, ata tza molcn eb' 'a stu paxti eb' 'ajc'ojl cha.

Salmos 56:6

Tzan 'ajtil tzyam sb'a eb', tzlaj sc'ub'nc 'el sb'a eb' yic tzin smacn eb', tzin stan̈wni eb', ax yec' a janic' tzin smiln eb' snani.

Salmos 64:2

C'ub'j in 'el 'a eb' maysch'olnil tas tzb'o'o, yet' 'a tas c'ultac tzna eb' 'a in patic. Coln 'el 'a eb', yujto cojxn̈ej tas tu tznib'j eb' sb'o'.

Salmos 91:1

A eb' tzcol sb'a 'a yaln̈ spoder Jehová, atn jun caw niwn yel'chi, tztac' yuj smasnil,

Ex 1:10

Yuj cha, a ticnec, yowlal tzqui na'ec tas tz'aj eb', sec ma'oj 'ec' sb'isl eb' 'ayn̈ec, toq'ue 'ay b'a'n̈ 'ay junc owl tzjaw 'a qui calec, ax am tz'aji tzya'ch sb'a eb' yet' ewin 'ajc'ojl cha, tzya'n eb' owl quet'ec, ax yel am ewin 'a qui chon̈b'ec tic, xchi win rey cha.

A Scarta San Pablo D'a Eb' Aj Colosas 3:3

yujto chamnc on̈c xo yet' Cristo 'a sat Dios. Ax qui q'uinlec, molb'il yet' 'a 'aj junn̈j yaj yet' Dios.

A Ch'an̈ B'ab'el Libro Samuel 13:19

A 'a smasnil yol yic chon̈b' Israel, may xon junc eb' tzb'on q'uen hierro 'ay ta', yujto yaljnac eb' filisteo 'ixtic: May cab' junc eb' hebreo tic tztac' sb'on q'uen espada, mto q'uen lanza, xchi eb'.