Salmos 83:18 - Chuj San Sebastian Bible

¹⁸ sec 'oj 'ojcaxc 'eli to cojn ach Jehová ach, to cojn ach niwn el'ch 'a yib'n̈ lum lum tic.

Chuj San Mateo Bible

¹⁸ yic vach' masanil eb' anima d'a yolyib'an̈q'uinal tic tz'ojtacaneli to a ach Jehová ach, a achn̈ej ec'achto d'a yib'an̈ smasanil.

Salmos 83:18 ပူးပေါင်းရင်းမြစ်များ

Gn 22:14

Xlajw cha, xya'n can Abraham sb'ic jun lugar chi 'ixtic: A Jehová, a tz'a'n tasto yowlal tznib'xi, xchi. Yuj cha, an̈ja 'ixta yaln eb' 'anma ticnec: A 'a lum witz yic' Jehová, ata tzyac' tas yowlal tznib'xi, xchi eb'.

A Ch'an̈ B'ab'el Libro Yic Yab'ixal Eb' Rey 18:37

Ta'wan̈ 'ayn Mamin Jehová, ta'wj in, sec 'oj yojcoc 'el eb' 'anma tic, to ach tic Dios ach. Tze'n meltzjc pax 'och snab'en eb' 'ayach, xchi.

A Ch'an̈ Schab'il Libro Yic Yab'ixal Eb' Rey 19:19

Ax ticnec jun Mamin Jehová qui Diosal on̈, coln̈ 'el 'a yol sc'ab' jun rey chi on̈, sec tzyojquej 'el smasnil nacion̈ 'a yolyib'n̈q'uinl tic, to cojxn̈ej ach Jehová Dios ach, xchi Ezequías 'a slesal.

Salmos 18:13

Ach Jehová caw niwn el'chi, 'ix 'el aw 'icha wal sc'an̈ c'u 'a satcha'an̈, yajn̈ej 'ix cot sacb'at yet' stzac'ac'.

Salmos 35:4

A eb' tzin nib'n milnc chamoc, somchj cab' 'el eb' yuj q'uixwc'ojlal, ax eb' tznib'n tas tzin yutej, meltzj cab' eb' 'a spatc yuj xiwc'ojlal.

Salmos 59:13

Satcn 'el eb' yet' yowl a c'ojol, sat cab' 'el eb' sec man̈x 'aj 'oj checljoc chan̈ eb'. 'Ac' yojcoc 'el eb' chajtlto ach tic Dios ach, yajl aj 'a quib'n̈ an̈ yin̈tl on̈ Jacob tic on̈, yet' 'a 'aj tzlajw c'och yolyib'n̈q'uinl tic.

Salmos 9:16

Mamin Jehová, ach 'ojcax 'el yuj tas wach' tza b'o'o. Mun tzyalej sb'a eb' tzb'on maysch'olnil.

Salmos 9:2

Cojxn̈ej ach niwn el'chi. Ojn̈ej wali tzwa'n 'el waw yuj tzaljc'ojlal, tzin b'itnan pax a b'i.

Salmos 92:8

Ach xo tic Mamin Jehová, smasnil tiempo caw niwn el'chi.

Salmos 97:9

Mamin Jehová, Yajl ach 'a yib'n̈ smasnil yolyib'n̈q'uinl tic, 'ec'b'al el'ch 'a yib'n̈ jun tzo'n̈ tzalx 'och diosal.

Ex 6:3

An in ch'oxjnac in b'a 'a Abraham, 'a Isaac yet' 'a Jacob, Dios in, tztac' wuj smasnil. Cojn to ma'ix wac' yojcoc 'el eb' in b'i tic: TO AN JEHOVÁ IN.

Is 42:8

An tic Jehová in, atn in b'i tic. Ma'oj in cha alxoc wach' paxti 'a junc xo mach yuj tas in b'ojnac, ma'oj in cha 'ijxoc chan̈ jun tzo'n̈ yechl chi in jeloc.

Is 5:16

A Jehová tztac' yuj smasnil, 'oj sch'ox 'ilxoc to niwn yel'ch sb'eyc'ojlal. A Dios yel xo wal wach', 'oj sch'ox 'ilxoc to tojl snab'en.

Is 54:5

A jun mach ex b'oni, a 'icha 'ichmilab'il yaj 'ayex, atn Jehová tztac' yuj smasnil; qui colmal an̈ israel on̈ tic, qui Diosalec; sDiosal pax smasnil tas 'ay 'a sat lum lum tic.

Jeremías 16:21

'Ix yaln Jehová 'ixtic: Yuj cha, jun 'ejmn̈ej 'oj wac' yojcoc 'el eb' in poder. 'Ixta 'oj 'aj snachj 'el yuj eb', to an ton Jehová in, xchi Dios.

Ez 30:19

'Oj wa'ch wal yailal 'a yib'n̈ eb' 'aj Egipto, 'ixta to b'i'an ax yojcan 'el eb', to an Jehová in, to cojn in ton Dios in, xchi Dios.

Ez 38:23

'Ixta wal 'oj wutc in ch'oxn in poder yet' in jelnal 'a sat jun tzo'n̈ nacion̈ 'oj 'ilnoc jun cha. 'Ixta to b'i'an, ax yojcan 'el eb' to an Jehová in, to cojn in ton Dios in, xchi Dios.

Dn 4:25

To 'oj a pechx 'el 'a scal eb' 'anma tic, ax yet' no calte'al noc', ata 'oj aj cajan. A te c'ultc 'oj a lo 'icha no wacax, 'oj 'em chicb'chan̈ 'a eb'an̈. 'Ixtan̈ej 'oj 'aj yec' uque ab'il o'oj, masnto 'oj nachjoc 'el o'oj chajtlto a jun Dios yel xo niwn yel'chi, a yajl yaj 'a yib'n̈ eb' 'anma tz'a'n yajlil, a tz'a'n 'och yajlil eb' tznib'j tzya'chi.

Dn 4:32

'Oj a pechx 'el 'a scal eb' 'anma', ax yet' no calte'al noc' 'oj a c'och cajan. Uque ab'il 'oj a lo te c'ultc 'icha e no wacax, masnto 'oj nachjoc 'el o'oj, to a jun Dios yel xo niwn yel'chi, a tz'a'n yajlil 'a yib'n̈ smasnil 'anma', yet' 'a yib'n̈ smasnil nacion̈ 'ay 'a sat lum lum tic. A tz'a'n 'och eb' yajl tznib'j ya'ch yajlil, xchi jun paxti cha.

Miqueas 4:13

Ex 'aj Sión, q'uen̈ec wa'an, te'c 'ejm jun tzo'n̈ nacion̈ cha, yujto tzyal Jehová 'ixtic: An 'oj wac' eyip e te'n 'ejm jun tzo'n̈ nacion̈ cha, 'icha junc no quelm wacx nab'a hierro sch'a'ac, nab'a pax bronce yech to te'm trigo. Ax eyi'n can 'ec' sricoal jun tzo'n̈ nacion̈ ya'jnac ganar 'a spatc maysch'olnil, ax eya'n 'ayn an Jehová in tic, an tic Yajl waj 'a smasnil yolyib'n̈q'uinal, xchi Dios.

Zacarías 4:14

'Ix yaln 'ayn 'ixtic: Atn chab' tic tzch'oxn cot chawn̈ eb' sic'b'il 'el yuj Yespíritu Jehová yic tzya'n servil eb' Dios, atn Yajl yaj 'a smasnil yolyib'n̈q'uinal, xchi jun ángel cha.