Salmos 82:1 - Chuj San Sebastian Bible

¹ A Dios 'ayc' 'a scal syamnil eb' 'ay yopiso, xb'eyc'ojlwi 'a scal eb'.

Chuj San Mateo Bible

¹ C'ojanec' Dios b'aj molanec' eb' dios. Van sch'olb'itaj eb' dios chi' yuuj.

Salmos 82:1 ပူးပေါင်းရင်းမြစ်များ

Salmos 138:1

Mamin Jehová, wal 'a smasnil in c'ojol tzwaln wach' paxti 'ayach. 'Oj ach in b'itnoc 'a yojltac eb' ángel.

Salmos 50:1

A Dios Cojxni, atn Jehová, a xpaxtini yic xyawtn eb' 'anma cajn 'a sat lum lum tic; eb' 'ay 'a stojlal 'aj tzq'uel c'u, yet' eb' 'ay 'a stojlal 'aj tz'em c'u.

Salmos 58:11

'Ixta to b'i'an ax yalx 'ixtic: Caw wal wach' yic eb' te'n xyutj sb'a sb'on tojlal. Caw yel 'ay jun Dios tzb'eyc'ojlan yolyib'n̈q'uinl tic, 'oj schioc.

Salmos 58:2

Ocxo jun, tze b'oyaj eb' yet' e tu nab'enal. 'I'm ex b'ey maysch'olnil 'a yol chon̈ab'.

Ex 18:21

A jun tas 'oj a b'o ach tic, sic' 'elt jaywn̈oc eb' winc to 'ay xiwc'ojlal 'a Dios 'a scal eb' et israelal tic, eb' caw tojl snab'en, eb' man̈ comnoc tztecl tumn 'a eb' 'anma', tza'n 'och yopiso eb' yiln eb' 'anma tic. 'Ay eb' tza'ch yajlil 'a junc mil 'anma', 'ay pax eb' tza'ch yajlil 'a junc ciente, 'ay pax eb' 'a junc cincuenta, 'ay pax eb' cojn junc lajn̈wan̈ 'aj tza'ch yajlil,

Ex 21:6

toto 'ixta', ax win spatron̈ win cha, ax win tz'i'n 'at win 'a yojltac eb' juez. Tznitzx 'och win 'a stz'ey smarcoal smac sdespacho eb' juez cha, axta tzolx can schicn win yet' junc q'uen niwquil 'acxa', sch'oxnb'il yic tzcancn win yet' spatron̈ chi 'a jun 'ejmn̈ej.

Ex 22:28

Man̈ eyal tu paxti 'a yib'n̈ eb' juez, mto 'a yib'n̈ eb' yajl yaj 'a yol e chon̈ab'.

Ec 5:8

Man̈ sat qui c'ojlec quiln tz'aj yixtx eb' meb'a 'a 'aj matz yiclx tojlal, yujto a eb' 'ay yopiso, tzcolx eb' yuj jun tzo'n̈ xo eb' niwc yopiso. Ax eb' cha, tzcolx eb' yuj jun tzo'n̈ xo eb' yel xo niwc yopiso 'a yib'n̈ eb'.

Is 3:13

A Jehová 'ayc' 'a sdespacho yic tzb'eyc'ojlan eb' schon̈ab', lista yaj ya'n syailal eb'.

Jn 10:35

Cojquec, a tas tz'ib'b'il can 'a Ch'an̈ Un̈ cha, matz tac' ton̈j tzqui ma'c 'eq'ui. A Dios aljnac cani, to a eb' yab'jnac spaxti cha, dios pax eb' yet'oc.