Salmos 76:8 - Chuj San Sebastian Bible

⁸ A wal 'a satcha'an̈, ata xa ch'oxcn 'elt a b'eyc'ojlal, ax eb' 'anma 'ay 'a sat lum lu'um, caw sictac x'aj eb' yuj xiwlal.

Chuj San Mateo Bible

⁸ Ato d'a satchaan̈ ix alel tas ol utej a ch'olb'itan eb' anima. Ix xivb'at eb' anima chi', ix emcan numan eb'

Salmos 76:8 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 22:13

—'Ixquec, 'at c'anb'jec 'a Jehová wu'uj, yuj eb' chon̈ab', yet' pax yuj smasnil eb' 'aj Judá, tas yel'ch tas tzyal ch'an̈ libro 'ix chax cha. Caw am 'ay cot yowl sc'ojl Jehová 'a quib'n̈ec, yujto ma'ix schaj eb' qui mam quichmec yab' tas tzyal ch'an̈, xchi winac.

1 Cr 16:25

yujto a Jehová caw niwn yel'chi, smoj wal yalx wach' paxti 'a 'a. Yel xo 'ay smay 'a yib'n̈ jun tzo'n̈ comn dios.

1 Cr 16:30

'Ay cab' xiwc'ojlal smasnil 'anma 'a yojltac. A 'ix b'on yolyib'n̈q'uinl tic sec matz 'ib'xi.

Nehemías 1:5

Xwaln 'a 'ixtic: Tzin tew 'aych Mamin Jehová, Dios ach, ach 'ay ec satcha'an̈, caw 'ay ep, niwn el'chi, smoj tzxiw eb' 'anma 'ayach, tzac' 'el'choc a trato, caw tz'o'ch a c'ojl 'a eb' tzach chamc'ojlani, eb' tzyiclni a checnb'il.

Job 25:2

A Dios caw wal 'ay spoder; smoj tzon̈ xiwc 'a 'a; a tz'a'n 'ejm junc'ojlal 'a scal eb' 'ay 'a satcha'an̈.

Salmos 46:10

'Ix yaln Dios chi 'ixtic: 'Actjec eya'n owal, 'ojquejec 'eli chajtlto an ton Dios in. 'Oj alxoc 'el wab'xil 'a jun tzo'n̈ nacion̈ 'a smasnil sat lum lum tic, to cojn in niwn wel'chi, xchi.

Ex 19:10

Yuj cha, 'ix yaln Jehová 'ixtc 'a 'a: —'Ixic, 'at al 'a eb' chon̈b' cha, to tzb'o sb'a eb' ticnec, yet' q'uic'an, tzju'n pax 'el eb' spichul, yujto 'oj 'och eb' 'emmquilal 'ayin.

Jeremías 10:10

A Jehová, atn jun Dios pitzan, caw Rey 'a jun 'ejmn̈ej. A yic tzcot yowal, caw tz'ib'x lum lum tic yu'uj. Man̈xtzac stac' ste'wtzan sb'a jun tzo'n̈ nacion̈ 'a yowl sc'ojl cha.

Jeremías 49:19

'Icha wal junc no león tz'elt 'a swaymtacl sti a Jordán, wal 'a yajn̈ej tzc'och no 'a lum pan̈n 'a'lic 'aj tzwa no calnelu, tzsactzic can e no yu'uj, 'ixta wal 'oj waj in c'och 'a chon̈b' Edom. A eb' 'anma cajn ta', 'oj 'at eb' 'eloc, ax jun mach sic'b'il 'el wu'uj, a 'oj wa'cn 'och yajlilc ta'. ¿Mach wal junc 'oj stac' slajb'tzan sb'a wet'oc? ¿Mach wal 'oj stac' sten sb'a wet'oc? ¿Mach wal junc yajl 'oj stac' ste'wtzan sb'a 'a wojltac?

Nahúm 1:6

May junc mach tztac' ste'wtzan sb'a 'a yowl sc'ojl Dios. May mach tztac' stenn 'och wa'an. A yowl sc'ojl cha, caw lajn sn̈ilchj 'icha te c'ac', tzpoj q'uen niwc tenm 'a yojltac.

Habacuc 2:20

Palta an Jehová in, 'ayn 'ec' 'a yol watut to cojn in 'ay wico'. Yuj cha, smasnil tas 'ay 'a sat lum tic, sictac cab' tz'aj 'a wojltac, xchi Dios.

Zacarías 2:13

Sictac cab' tz'aj smasnil 'anma 'a yolyib'n̈q'uinl 'a yojltac Jehová, yujto tzjaw yuj eb' schon̈ab', spet 'a scajnub' to yicn̈ej yaj 'a satcha'an̈, xchi Zacarías.

Jueces 5:20

A c'anal 'ay 'a satcha'an̈, yet' jun tzo'n̈ xo tas 'ay 'a 'a, a eb' x'a'n owl yet' win Sísara.