Salmos 76:7 - Chuj San Sebastian Bible

⁷ Yel xo wal caw 'ay a may. ¿Toc 'ay mach 'oj stac' yoch lin̈n 'a ojltac, yic tox 'ix cot owal?

Chuj San Mateo Bible

⁷ Te ay a may. ¿Mach val ol yal yoch lin̈an d'a ichan̈ ayic aycot oval?

Salmos 76:7 ပူးပေါင်းရင်းမြစ်များ

1 Cr 16:25

yujto a Jehová caw niwn yel'chi, smoj wal yalx wach' paxti 'a 'a. Yel xo 'ay smay 'a yib'n̈ jun tzo'n̈ comn dios.

Esdras 9:15

Mamin Jehová, qui Diosal ach an̈ israel on̈ tic on̈, caw wach' a nab'en 'ayn̈ on̈. 'Ix 'el 'a a c'ojol, to pitzn on̈ jaywn̈ xo on̈ colchj can 'el tic. Yuj cha, tzcaln q'uet qui mul 'a ojltac on̈, caw wal man̈ smojc tzon̈ 'och 'a ojltac yuj jun tic, xchi Esdras 'a slesal.

Salmos 130:3

Q'uinloc a qui mul tza say el on̈, ¿mach wal junc 'oj ste'wtzoc sb'a 'a ojltac Mamin Jehová?

Salmos 2:12

'Emn̈ec n̈ojn 'a yojltac Yunnal Dios yet' e xiwc'ojlal. Man̈ eyi' cot yowl sc'ojl 'a eyib'an̈, sec matz ex satl yu'uj, yujto yajn̈j wal cha, tzcot yowal. ¡Caw tzaljc'ojlal yic eb' to a Dios tzya'ch yipc sc'ojol!

Salmos 89:7

Dios ach ton Mamin, caw niwn el'chi, 'ay smay a b'inaxi, oyn 'och eb' ángel 'a a tz'ey.

Salmos 90:11

¿Tom 'ay junc mach 'ojtnac jantc wal yipl yowl a c'ojol? ¿Toc cojc on̈ jantc wal smay a c'a'lc'ojlal cha?

Ex 15:1

Xlajw cha, 'ix sb'itnan Moisés jun b'it yet' smasnil eb' israel 'a yojltac Jehová, xyaln eb' 'ixtic: Caw wal tzon̈ b'itnec 'a Jehová yic tzqui'nec chan̈ sb'i, yujto caw wal satjub'tac 'ix yutj ya'n ganar owal. 'Ix mucchj can 'ejm no chej 'a yojl a mar yet' ewin 'et'jnac e no'.

Ex 15:4

A scaruaje win sreyl Egipto, eb' soldado yet' eb' 'aych yajlil yet' winac, 'ix mucchjcan 'ejm eb' yet' jun tzo'n̈ chi 'a yojl a Chac Mar yuj Jehová. A eb' capitan̈ niwn yel'ch yet' yopiso, 'ix 'atcn eb' 'a yojl a mar cha.

Nahúm 1:6

May junc mach tztac' ste'wtzan sb'a 'a yowl sc'ojl Dios. May mach tztac' stenn 'och wa'an. A yowl sc'ojl cha, caw lajn sn̈ilchj 'icha te c'ac', tzpoj q'uen niwc tenm 'a yojltac.

Mt 10:28

Man̈ ex xiw 'a eb' tztac' smiln e niwnal tic, yujto a e pixan matz tac' smiln eb'. Palta a 'a Dios tzex xiwi, yujto a tztac' satn 'el e pixn yet' e niwnal, tz'at 'a infierno yu'uj.

1 Co 10:22

¿Tom tzqui nib'j tzquijec cot yowl sc'ojl Cajlilec 'a quib'an̈? ¿Tom tze na'a, to yel xo 'ec'b'al qui poder 'a yib'an̈?

Apoc 14:7

Caw 'ip yaln 'a eb' 'ixtic: —Xiwn̈ec 'a Dios. Alc wach' paxti 'a 'a, yujto tox xjaw stiempoal ex sb'eyc'ojlani. Alc e b'a 'a 'a, yujto a b'ojnac satcha'an̈, sat lu'um, a mar, yet' jun tzo'n̈ spac'b'a', xchi.

Apoc 15:4

Toc 'ay junc mach ma'oj xiw 'aych Mamin. Toc 'ay junc ma'oj alnoc wach' paxti 'ayach. Yujto cojxn ach caw wach'chn̈ej. 'Oj cot eb' 'anma 'a junjn nacion̈, 'oj wul yal sb'a eb' 'ayach. Yujto xlaj yil eb', chajtlto caw tojl tzotj a b'eyc'ojlwi, xchi eb'.