Salmos 71:18 - Chuj San Sebastian Bible

¹⁸ Man̈ in actc can in ch'ocoj, wach'xam 'ichm in xo, sacx xil in jolom, palta an̈j 'ijnoc 'oj wal-l a jelnal, yet' a tojlal 'a eb' tot 'oj 'aljoc.

Chuj San Mateo Bible

¹⁸ Ach in Diosal, vach'chom icham inxo, sacxo xil in jolom, palta man̈ in actejcani yic ol yal valanel yab'ixal a poder d'a eb' toto ol aljoc.

Salmos 71:18 ပူးပေါင်းရင်းမြစ်များ

Gn 27:1

'Ix 'ec' tiempo, 'ix 'och win Isaac 'ichm wincal, man̈xtzac stac' yiln winac. 'Ay jun c'ual, 'ix yawtn cot Esaú atn win sb'ab'l 'unnal xyaln 'a 'ixtic: —¡Ach wunnal! xchi 'a winac. —¿Tas tzal 'ayn mamin? xchi 'a smam cha.

Salmos 22:31

A eb' 'oj 'aljoc 'a yic b'a'n̈ cha, 'oj alxoc yab' eb' a tojlal, yet' tas a b'ojnac.

Salmos 48:14

A sDiosal Sión, atn qui Diosalec 'a jun 'ejmn̈ej. A tzon̈ 'i'nec b'ey 'a smasnil tiempo, masnto 'a slajub'.

Salmos 71:9

Man̈ in a patquilc can 'eli, yujto 'ichm in xo. Man̈ in actc cani, yujto man̈x 'a pax wip.

Salmos 78:4

Ma'oj qui c'ub'quec 'el 'a eb' cunnalec, yet' 'a eb' tot 'oj 'aljoc. ¡'Oj calc wach' paxti 'a Jehová! 'Oj calc 'el sjelnal yet' smunljel to satjub'tac yilx b'ob'il yu'uj.

Salmos 78:6

sec wach' tzyojquej 'el eb' yin̈tl eb' b'aq'uin̈, atn eb' tot 'oj 'aljoc. Ax yunnal eb' tot 'oj 'aljoc cha, 'oj scuy pax eb' yunnal chi b'aq'uin̈,

Ex 13:8

A 'a jun tiempoal cha, 'oj calc 'a eb' cunnal 'ixtic: A jun q'uin̈ tzqui nac cot tic, snanb'il cot tas 'ix yutj Jehová sch'oxn swach'c'ojlal 'ayon̈, yic on̈ yi'n 'elt 'a Egipto, 'oj qui chic 'a eb'.

Is 46:4

'Ixtan̈ej 'oj in b'o eyet'oc, wach'xam 'ichmexx 'anma', mto sacx xil e jolom, palta 'oj ex wi'n̈j b'eyoc. An b'ojnac ex, yuj cha, 'aynn̈ej 'och eyet'oc, 'oj ex in coln̈ej.

Is 51:9

Mamin Jehová, colwjan̈ yet' a poder, q'uen̈ wan yet' yipl a c'ab', 'icha otjnac 'a yictax pecti'. Ach a ch'iychtejnac no Rahab, atn no dragón sb'i 'a yojl a mar.

Is 53:1

¿Toc 'ay mach xchan 'ab'nc tas 'ix calc 'eli? ¿Tom 'ay mach x'ojcan 'el spoder Jehová ch'oxb'il yu'uj?

A Tas Sc'ulejnac Eb' Schecab' Jesús Hechos 13:36

A David cha, ya'jnac servil eb' 'anma 'a jun tiempoal cha, 'icha snib'j Dios. Xlajw xoj cha, xchami, smucxi. Ax sniwnal cha, xc'a'i.

A Ch'an̈ B'ab'el Libro Samuel 4:15

Ax win Elí cha, 'ayx 98 ab'il sq'uinal, 'ochnc xo pax 'a sat, man̈xtzac uj xon yilni.

A Ch'an̈ B'ab'el Libro Samuel 4:18

A yic xyab'n win Elí yuj te scaxail strato Dios cha, 'ix 'at pa'njoc win 'a spatquil 'a sti spuertail chon̈b' cha. 'Ix stecn c'uychjoc sjaj yujto caw 'al sniwnal. Yuj cha, 'ix chami, yujto caw 'ichm winc xo. Chawinc ab'il 'ix yac' yajlil 'a yib'n̈ chon̈b' Israel.