Salmos 71:10 - Chuj San Sebastian Bible

¹⁰ A eb' 'ajc'ojl yajch 'ayin, eb' tzin nib'n milnc chamoc, tzlaj say eb' yitb'eyum, junxn̈ej tz'aj eb', tzmol aln eb' tas tzin yutj eb'.

Chuj San Mateo Bible

¹⁰ A eb' ayoch ajc'olal d'ayin sgana in smilanchamoc, smol yetb'eyum eb', slajtian sb'a eb' d'a in patic.

Salmos 71:10 ပူးပေါင်းရင်းမြစ်များ

Salmos 10:9

'Icha junc no león 'aych 'a yol sn̈aq'ue'en, tz'em lachan, tzb'in sb'a, tz'e'x lin̈n̈oc, 'ixta wal tzyutj eb' sc'ub'n 'el sb'a 'a yic tzmacn eb' yec' eb' 'emmquilal yeq'ui. Ax yic tzyamchj eb' yuj eb', tzyi'n 'at eb'. 'Ixta tz'aj syamchj eb' matz tac' scoln sb'a cha.

Salmos 109:20

'Ixta cab' tzyutj Jehová ya'n in pac 'a smasnil eb' tzchichn 'och 'ayn cha, yet' pax 'a eb' tu tzaln 'a in patic.

Salmos 2:2

A eb' rey yet' eb' syajlil junjn chon̈ab', 'oj cot yowl eb', jun lajnxoj 'oj yutc eb' yaln 'a spatc Jehová, yet' pax 'a jun Rey sic'b'il 'el yu'uj.

Salmos 31:13

Tzwab' sajsni eb' 'anma 'a in patic. 'Ayxn̈ej in xiwc'ojlal 'a smasnil lugar. Jun lajn xoj tzyutj eb' snan 'a in patic, tzmol aln eb' tas tzyutj eb' yi'n 'ec' in q'uinal.

Salmos 56:6

Tzan 'ajtil tzyam sb'a eb', tzlaj sc'ub'nc 'el sb'a eb' yic tzin smacn eb', tzin stan̈wni eb', ax yec' a janic' tzin smiln eb' snani.

Salmos 83:3

'Ix laj smol alc eb', to 'ay tas tu wan snan eb' 'a yib'n̈ eb' a chon̈b' tan̈b'il o'oj.

Pr 1:11

Toq'ue tzyal eb' 'aych 'ixtic: Con̈ quet'oc, coyc macwjoc 'a yoltc b'e yic tz'at qui milnec cham junc 'anma tz'ec' ta', wach'xam may smul 'ayn̈ec.

Jeremías 20:10

Tzwab' sajsni eb' in sb'uchni, tzyaln eb' 'ixtic: Yaj win tzalni to 'ay xiwc'ojlal 'a smasnil lugar, xchi eb'. Tzyaln pax eb' 'ixtic: Coyec, qui pitzc chan̈ 'es 'a spatic, xchi eb'. An̈jtona eb' in wach'c'ojl cob'i', caw maclb'il yuj eb' 'aj tzin 'ejmi. Tzyaln eb' 'ixtic: Tecn 'oj ca'c ganar smontchj cujec. Toto 'ixta', 'oj ca'c ganar yejm cujec, ax ca'nec pax qui pacc 'a 'a, xchi eb'.

Mt 27:1

'Ax yic 'ix sacb'i, 'ix syamn sb'a smasnil eb' sat ya'mal 'och sti eb' 'anma 'a Dios, yet' ewin 'ichmtac winc 'ay yopiso. 'Ix laj yalnc ewinac, tas 'oj yutc ewin ya'n 'och chaml 'a yib'n̈ Jesús.

A Ch'an̈ B'ab'el Libro Samuel 19:11

Yajn̈j wal cha, 'ix schecn 'at Saúl chi eb' soldado 'a yatut David cha, yic tz'at stan̈wnoc eb', sec ax yic tzsacb' 'eli tzmilx chamoc. Palta ax 'ix yistzil David cha, 'ix yaln 'ix 'a win 'ixtic: —Toto ma'oj a col a b'a 'a jun 'ac'wl tic, q'uic'an chamnc ach xo, xchi 'ix 'a winac.