Salmos 7:3 - Chuj San Sebastian Bible

³ Mamin Jehová in Diosal ach, may 'aj 'ix 'och in mul, toc 'ay eb' xwa'ch chaml 'a yib'an̈.

Chuj San Mateo Bible

³ Ach Jehová in Diosal, ¿tocval ix in c'ulej icha juntzan̈ tas syal eb' d'a in patic? ¿Tocval ay in mul d'a jun chi'?

Salmos 7:3 ပူးပေါင်းရင်းမြစ်များ

Job 11:14

Toto 'ay a mul 'aych 'a eb'an̈, wach' to tzej 'el a b'a 'a yalan̈; man̈ e'ch jun tzo'n̈ maysch'olnil chi 'a yol atut.

Salmos 22:12

Tox 'ix 'och oynjoc eb' 'ajc'ojl 'ayin, 'icha wal no wacx caw ow 'a yol yic lum Basán, 'ixta 'eb'.

Salmos 22:20

Man̈ in a cha tzu'xoc cham yuj eb' maysch'olnil cha. Man̈ in ac' milxoc cham yuj eb' 'icha tz'i cha.

Salmos 59:3

Mamin Jehová 'ay eb' 'anma caw jelan, tzlaj in smac eb' 'aj tzin 'eq'ui yic tzin smiln cham eb' snani. Palta may in mul 'a eb', may tas tu tzin b'o'o.

Salmos 66:18

Q'uinloc ma'ix in na in b'a yuj in mul, to 'ixta', ma'ix schaj sc'ojl am Cajlil yab'n tas xwala.

Josué 22:22

—Tzyil Jehová Dios, jun tztac' yuj smasnil, chajtlto a jun yet'l xajmb'al xqui b'o tic on̈, man̈ yujoc qui meltzj 'och 'ajc'ojlal 'a 'a, xqui b'on on̈, man̈ yujoc pax qui patquiln can 'eli. Caw wal yojtac tas yaj jun tic, comnoc tzeyojquej 'el jun tic e masnil. Palta toto yuj qui b'on tas tu' xqui b'on on̈, man̈ on̈ eyac' cab' niwnc'ojlal on̈.

A Ch'an̈ B'ab'el Libro Samuel 20:8

Yuj cha, 'o'ch cab' wal a c'ojl 'ayn an a checb' in tic, ya' sb'a tox 'ix cac' qui ti qui chawn̈il 'a yojltac Jehová. Palta toto 'ay in mul jun, tztac' ach tzin a mil cham xon ticnec, man̈x yowlalc tzin ej 'at 'a yojltac a mam cha, xchi David.

A Ch'an̈ B'ab'el Libro Samuel 22:13

—¿Tas yuj ach 'och yet' win yunnal Isaí yic tzach 'och 'ajc'ojlal 'ayin? Ach 'ix ac' 'ixm pan swa winac, xa'n pax jun q'uen espada 'a 'a, 'ix a c'anb'n 'a Dios yu'uj, sec tz'och 'ajc'ojlal 'ayin, yic tzin smacn 'aj tzin 'eq'ui, 'icha wan yutn tic, xchi.

A Ch'an̈ B'ab'el Libro Samuel 22:8

¿Tom yuj cha, tzex 'och 'ajc'ojlal 'ayn e masnil? May junc mach tzaln 'ayin, toto a win wunnal, tox 'ix yac' win strato yet' win yunnal Isaí cha. May junc ex tzex 'och 'il jac wu'uj. May tas tzeyala toto a win wunnal, wan ya'n win sc'ojloc win in checab', sec tz'och 'ajc'ojlal 'ayin, yic tzmacn in sat 'aj tzin 'eq'ui, 'icha wan yutn tic, xchi.

A Ch'an̈ B'ab'el Libro Samuel 24:11

Mamin rey, 'ilt nab'n sti a jucn pichl 'ayc' 'a yol in c'ab' tic. Q'uinloc to xyal in c'ojol caw wal may syaloc ach in miln chamoc. A yet' jun tic tzojquej 'eli chajtlto may junc maysch'olnil tzin na 'a a patquil. May 'aj x'och in mul, may 'aj xwij chan̈ in b'a 'ayach, palta ach tic tzin 'a sayq'ui yic tzin 'a'n milxoc.

A Ch'an̈ B'ab'el Libro Samuel 24:9

'Ix yaln David chi 'ixtic: —Mamin rey, ¿tas yuj tza chaj ab' 'a eb' 'anma tzalni to maysch'olnil tas tzwij cot 'a eb'an̈?