Salmos 69:24 - Chuj San Sebastian Bible

²⁴ 'A' cot yowl a c'ojl 'a yib'n̈ eb', yamchj cab' eb' yuj a c'a'lc'ojlal.

Chuj San Mateo Bible

²⁴ Ac'cot yoval a c'ol d'a yib'an̈ eb'. Yamchajocab' eb' yuj a c'ac'alc'olal.

Salmos 69:24 ပူးပေါင်းရင်းမြစ်များ

Salmos 79:6

A jun a c'a'lc'ojlal cha, 'at cab' can 'a yib'n̈ eb' chuc chon̈b'al, yet' 'a yib'n̈ eb' yajl may 'aj tzyac' 'ejm sb'a 'ayach.

Ex 15:15

A eb' syajlil eb' 'aj Edom, toxn̈ej 'oj sat sc'ojl eb'. Ax eb' syajlil eb' 'aj Moab, 'oj laj 'ib'xoc eb' yuj xiwlal cha. 'Ixta pax eb' cananeo, 'oj laj sc'ub'c 'el sb'a eb'.

Is 13:8

Ton̈j 'oj sat sc'ojl eb'. A xiwlal, cusc'ojlal yet' yailal, a chi 'oj yic' yip 'a scal eb'. Caw 'oj yab' eb' syal jun tzo'n̈ chi 'icha tzyac' eb' 'ix 'ix tz'alj yune'. Toxn̈ej 'oj laj yil-lac 'och sb'a eb', ax schacb' chan̈ sat eb' soldado chi yuj q'uixwc'ojlal.

Os 5:10

An Jehová in, an tzwala: A eb' yajl yaj 'a chon̈b' Judá, lajn eb' 'icha eb' 'anma tzt'un̈n smon̈jonal lum lu'um, yuj cha yelc'ojlal 'oj in satl eb' yet' yowl in c'ojol.

Zacarías 1:6

Palta ax in paxti', yet' in checnb'il wa'jnac yal-l eb' in checb' cha, 'ix 'el'ch 'a eb' e mam eyichm cha. Yuj cha, 'ix snan sb'a eb', 'ix yaln eb' 'ixtic: A Jehová tztac' yuj smasnil, tox 'ix ya'ch qui yailal, 'icha wal tas snalb'ej ya'n 'och 'a quib'n̈ec yuj qui tu b'eyb'alec, yet' yuj pax maysch'olnil tzqui b'o'ec, xchi eb', xchi Dios.

Lc 21:22

Yujto a wal 'a jun tiempoal cha, 'oj jawc jun niwn yailal yuj yowal sc'ojl Dios. Ata 'oj 'el'choc jantcn̈ej tas tz'ib'b'il can 'a Ch'an̈ U'un̈.

Dt 31:17

Yuj wal cha, 'oj cot wowl 'a eb', ax wactn can eb' sch'ocoj. Man̈x 'oj in na cot eb', man̈x yalnb'ilc yailal yet' pax b'ilc'ojlal 'oj jawc 'a yib'n̈ eb', masnto 'oj yal eb' 'ixtic: ¿Tas wal yuj tzcab'c syail, yuj am to man̈x 'ayc 'ec' qui Diosalec quet'oc? 'oj schic eb'.

Apoc 16:1

Xlajw cha, xwab'n yoch jun paxti 'a jun Lugar caw yicn̈ej Dios yaj sch'ocoj. Caw 'ip yaln 'ixtc 'a eb' ángel chi yucwn̈il: —'Ixquec, 'at secc 'ejm sb'al uque vaso chi 'a yolyib'n̈q'uinal. A sb'al cha, atn yowl sc'ojl Dios, xchi.