Salmos 69:23 - Chuj San Sebastian Bible

²³ 'Och cab' 'a sat eb' yuj 'a jun 'emn̈ej. 'Icha cab' junc winc tzquilx 'ejm n̈ojn yuj tas tzcuchu, 'ixta cab' tz'ajcn eb' 'a smasnil tiempo.

Chuj San Mateo Bible

²³ Mocxob' yal-laj yilan eb' uuj. Luclonocab' xub' eb' yuj man̈ ipal d'a masanil tiempo.

Salmos 69:23 ပူးပေါင်းရင်းမြစ်များ

Jeremías 30:6

¿Tom 'ay 'aj tz'alj 'unn 'a eb' winac? ¿Tas yuj toxn̈ej la'n 'och sc'ab' eb' winc chi 'a sc'ojol, 'icha to 'oj 'aljoc 'el junc 'unn 'a eb'? ¿Tas yuj caw tzsacb' 'el sat eb' xiw smasnil?

Dn 5:6

caw sacb'el win yuj xiwlal. Yuj wal jun xiwlal x'och 'a win cha, syamn 'och win yib'x sniwnal smasnil, caw x'el yip winac.

Ro 11:10

'Och cab' 'a sat eb' yuj 'a jun 'emn̈ej. 'Icha cab' junc winc tzquilx 'ejm n̈ojn yuj tas tzcuchu, 'ixta cab' tz'ajcn eb' 'a smasnil tiempo, xchi David cha.

Ro 11:25

Ex wu'tac, ex wanab', a jun tzo'n̈ tzwalb't 'ayx tic, may wal mach 'ojtnac 'a yic pecti'. Palta ticnec tzin nib'j tzeyojquej 'eli, sec ma'oj e b'an̈ e b'a yuj e jelnal. A eb' wit israelal cha, niwn eb' pitb'nac 'eli. 'Oj cann̈j eb' 'ixta', masnto 'oj tz'acwc 'och nan̈l eb' man̈ israeloc.

2 Co 3:14

Palta ax eb' cha, ma'ix nachj 'el yuj eb', tas chi xalx 'a eb', yujto pit eb'. An̈jtona ticnec, a yic tz'awtx jun 'ichm trato 'a eb' israel, matz nachj 'el yuj eb'. Yujto 'icha wal a jun nip chi potn 'och 'a sat eb', 'ixta yaj 'a eb'. A wal jun 'icha nip cha, matz 'eli, palta yujn̈ej Cristo tztac' yeli.