Salmos 69:20 - Chuj San Sebastian Bible

²⁰ Yuj wal jun tzo'n̈ b'uchwal paxti cha, yuj cha, a tzwutj wab'ni to xjat in pixn yab'n syail; man̈x in 'anma'oc, man̈x 'a pax wip. Nab'an̈ej 'ix in say mach tz'a'n sniwnal in c'ojol, yet' mach tz'o'ch sc'ojl 'ayin.

Chuj San Mateo Bible

²⁰ Ix ixtaxb'at in pensar yuj b'uchval lolonel. Man̈xo animaoc vaji, man̈xalaj vip svab'i. Nab'an̈ej ix in say mach tz'ac'an snivanil in c'ool yed' mach tz'oc' sc'ool d'ayin.

Salmos 69:20 ပူးပေါင်းရင်းမြစ်များ

Job 16:2

Til wal 'ejm xwab' yalx jun tzo'n̈ paxti 'icha jun tzo'n̈ wan eyaln 'ayn tic. A tzeyutj eyalni to tzcob' eyac' sniwnal in c'ojol, palta ton̈j tze wach' 'ij cot yailal 'a wib'an̈.

Salmos 123:4

Caw wal tzcab' syal on̈ sb'uchn eb' rico 'a chuc chon̈b'al on̈, ax eb' b'an̈quintac, tzon̈ laj stzetzj eb' on̈.

Salmos 142:4

'Ilt nab'n 'a in wach' c'ab', toc 'ay mach 'ayc' wet'oc, yujto may mach 'ojtnac in. May xon mach tzin colni, toc 'ay mach tz'och 'il wu'uj.

Salmos 42:10

Caw wal tzwab' syal si'mb'il, 'icha to tzma'x poj in b'aquil, yujto tzlaj in yixtc eb' 'ajc'ojol. 'A junjn c'u tzlaj sc'anb'noc eb' 'ixtc 'ayin. ¿'Ajtil 'ay jun a Diosal cha? xchi eb'.

Salmos 42:6

Ach in Diosal caw wal 'ay in cusc'ojlal, yuj cha, til wal 'ejm tzach in na cot 'a lum lum 'ay 'a sti a Jordán yet' 'a lum switzl Hermón yet' lum Misar.

Is 63:5

In cob' 'ec' q'uel-loc, may xon mach 'ix colwj jac wet'oc; yuj cha, caw 'ix sat in c'ojl wiln jun tic, yujto may xon mach x'och wet'oc. Yuj wal yowl in c'ojol, x'och wip, atn yuj cha, sta'n in coln in chon̈ab'.

Mt 26:56

Palta 'ixtn tic tz'aji, sec tz'el'ch tas tz'ib'b'il can yuj eb' schecb' Dios 'a Ch'an̈ U'un̈, xchi 'a ewinac. Ax eb' scuywum cha, xyactj can eb' sch'ocoj, 'ix 'at eb' 'elc smasnil.

Mr 14:37

Xlajw cha, xjapx 'a eb' 'oxwn̈ cha, palta ax xyilni wayn̈c eb'. Yuj cha, xyaln 'ixtc 'a Pedro: —Simón, ¿tom wayn̈c ach? ¿Tom matz tac' tza pitzl a wayn̈ wet' junc hora?

Mr 14:50

Ax smasnil eb' scuywum Jesús cha, 'ix yactj can eb' sch'ocoj, 'ix 'at eb' 'elc smasnil.

Jn 12:27

A ticnec, caw tz'och pitz'n cusc'ojlal 'a in pixan. ¿Palta tas 'oj wutc walni? ¿Tom 'oj wal 'ixtc 'a Dios: Mamin, coln 'elt 'a yol sc'ab' jun yailal 'oj jawc 'a wib'n̈ tic, tom 'oj in chioc? Palta yuj wal jun tic 'ayn cot yu'uj.

Jn 16:32

Palta wan xo sjaw stiempoal 'oj e sactziqui. 'Oj e 'at 'elc junjn ex, ax in eyactn can in ch'ocoj. Palta man̈ in ch'ocjoc 'oj in cani, 'ayc' qui Mam Dios wet'oc.

A Ch'an̈ Carta D'a Eb' Hebreo 11:36

'Ay jun tzo'n̈ xo eb' yab'jnac syal sb'uchxi, sma'xi. 'Ay eb' jalxjnac yet' q'uen cadena, yoch pax eb' 'a preso.