Salmos 69:14 - Chuj San Sebastian Bible

¹⁴ Coln 'el 'a yol sc'ab' eb' tzin chacn 'eli. A stu nab'enal eb', lajn 'icha b'iq'uich, mto 'icha junc a a caw xab' yich. Man̈ in a cha 'ijxoc 'at yu'uj.

Chuj San Mateo Bible

¹⁴ Colinel d'a yol sc'ab' eb' tzin chacaneli. Ichato van in b'at d'a scal lum soc'om, ma d'a scal a a' jul yich, yuj chi' man̈ in actejb'ati.

Salmos 69:14 ပူးပေါင်းရင်းမြစ်များ

Salmos 109:21

Mamin Jehová caw niwn el'chi, 'o'ch cab' a c'ojl 'ayin. Yuj a chamc'ojlal 'ayin, tzin a coln 'eli.

Salmos 109:3

A eb' tzchichn 'och 'ayin, tzyij eb' yip 'a in patquil tzwab'i, tznib'j eb' tas tzin yutej, palta toc 'ay in mul 'a eb'.

Salmos 144:7

'A' cot a c'ab' 'a satcha'an̈, tzin a coln 'a jun 'icha mar tic, atn eb' chuc chon̈b'al 'ajc'ojl yajch 'ayin,

Salmos 35:19

A eb' 'ajc'ojl yajch 'ayin, man̈ cab' comn tzaljc eb', man̈ tz'eynoc cab' tzin yutj eb' in yilni. May in mul 'a eb', palta tzcomn chichn 'och eb' 'ayin.

Salmos 42:2

Nab'ilchn̈ej wu'uj, yol a c'ab' 'ay in q'uinal. ¿B'a'n̈ wal tzin c'ochx 'a ojltac jun 'ejm xo?

Salmos 42:7

'Icha wal a niwc pajew tz'elt 'a sat pac'an, 'ixta wal jun tzo'n̈ niwc yailal 'ix 'ec' 'a wib'n̈ o'oj.

Salmos 69:15

Man̈ in a cha 'ijxoc 'at yuj jun 'icha a 'elmal a cha. Man̈ in a cha 'atcn 'a jun 'icha xab'l yich a', yic tzin satcn 'ejm ta'.

Salmos 86:5

Ach tic caw wal wach' a nab'en. 'Ay a niwnc'ojlal, 'ay pax a chamc'ojlal 'a smasnil eb' tzyal sb'a 'ayach.

Lm 3:55

Palta yajn̈ej xwaln in b'a 'aych Mamin Jehová, yic 'ayn 'ec' 'a xab'l yich jun oln cha.

Jonás 2:8

A eb' tzlaj 'och tza'n yuj jun tzo'n̈ yechl tzalx 'och diosal, tzpatquilj can 'el eb' a wach'c'ojlal.

Mr 15:34

Xlajwn̈ej cha, caw 'ip 'ix 'awj chan̈ Jesús: Eloí, Eloí, ¿lama sabactani?, xchi. Tzyal 'el'chi: Ach in Diosal, ach in Diosal, ¿tas yuj tzin actj can in ch'ocoj? xchi.

Lc 19:14

Ax eb' yit chon̈b' win cha, caw tzchichn 'och eb' 'a winac. Yuj cha, tza'n x'at chawn̈ 'oxwn̈ schecb' eb'. X'at yalnoc eb' 'ixtc 'a ewin tz'a'n yopiso winac: A wal jun winc cha, caw wal matz yal qui c'ojl tz'och win yajloc 'a qui chon̈b' chi 'on̈, xchi eb'.

Lc 19:27

A eb' 'ajc'ojl yajch 'ayin, eb' xnib'n ma'in 'och 'a wopiso tic, tzlaj 'at eyi' cot eb', ax yic tzjaw eb', tze miln eb' 'a wojltac tic, xchi winac, xchi Jesús.