Salmos 66:3 - Chuj San Sebastian Bible

³ Calc 'a Dios 'ixtic: A wal a munljel Mamin, caw satjub'tac yilxi. Yuj wal a jelnal, caw tz'ib'x chan̈ eb' 'ajc'ojl 'a ojltac.

Chuj San Mateo Bible

³ Alec d'a Dios icha tic: Mamin a tas tza b'o'o, te satub'tac. A val d'a ichan̈ stelvican eb' ayoch ajc'olal d'ayach, yujto te nivan a poder.

Salmos 66:3 ပူးပေါင်းရင်းမြစ်များ

Job 25:2

A Dios caw wal 'ay spoder; smoj tzon̈ xiwc 'a 'a; a tz'a'n 'ejm junc'ojlal 'a scal eb' 'ay 'a satcha'an̈.

Salmos 18:44

A yic tzyab'n eb' tas tzwala, yiclum tzyutj sb'a eb' 'ayin, ax eb' chuc chon̈b'al, tzya'ch sb'a eb' in checb'oc.

Salmos 18:45

A eb' chuc chon̈b'al cha, xlaj xiw chan̈ eb', caw tz'ib'x eb' yic x'elt eb' 'a yol yet'l 'aj tzcob' scol sb'a.

Salmos 47:2

Yujto a Jehová caw niwn yel'chi, 'ay pax smay; Yajl yaj 'a yib'n̈ smasnil lum lum tic.

Salmos 65:5

Ach qui Diosal on̈, qui Colmal aji, ach tzon̈ a ta'wej, tzon̈ a b'onyaj yet' tas satjub'tac yilxi. Smasnil eb' 'anma cajn 'a sat lum lum tic, yet' eb' cajn 'a sc'axpil 'ec' a mar, 'oj ach ya'ch eb' yipc sc'ojol.

Salmos 68:30

Tench wan jun b'uln̈ eb' 'anma 'et'jnac syamc'ab' yic owl tzcot 'a Egipto. Yujto lajn eb' 'icha jun tzo'n̈ no mam wacx caw ow, 'icha pax no quelmtac wacax. A jun tzo'n̈ chon̈b' cha, cojxn̈ej ricoal tznib'j eb', yujn̈ej snib'b'en eb' cha, tzya'n eb' owal. Sactzic cab' can 'at eb' 'anma tznib'j yac' owl cha.

Salmos 76:12

Yujto a tz'i'n 'ec' sq'uinl eb' yajal, caw tzxiw eb' rey yic yolyib'n̈q'uinl tic 'a 'a.

Salmos 81:15

Ax 'a eb' matz in nib'ni, 'ix wac' 'em wotz'n am eb' xiwi, ax syailal eb', 'ix cann̈j am 'a yib'n̈ eb' 'a smasnil tiempo.

Ex 15:21

'Ix b'itn 'ix 'a yojltac eb' 'ix 'ixtic: B'itncoyec, qui'c chan̈ sb'i Jehová, yujto caw satjub'tac yilx xyutj ya'n ganar owal. 'Ix mucchj can 'ejm no chej 'a yol a', yet' smasnil eb' 'anma 'ay q'ue 'a yib'n̈ no', xchi María 'a sb'it.

Is 2:19

A yic 'oj ya'n Jehová 'ib'xoc yolyib'n̈q'uinl tic, 'oj laj xiw chan̈ eb' 'anma', ax laj sc'ub'n 'el sb'a eb' 'a yol n̈aq'ue'en, 'a yojl eb' lum xab'. Ata 'oj sc'ub'c 'el sb'a eb', yujto caw 'ay smay yilx Jehová yet' stzictznial.

Is 25:3

Yuj cha, a eb' nacion̈ caw 'ay yip, 'ayx el'ch 'a sat eb' ticnec, ax eb' may sniwnc'ojlal, 'oj xiw eb' 'ayach.

Is 40:26

Q'uen̈ec q'ueln 'a satcha'an̈, ¿tom man̈oc Dios xb'on smasnil jun tzo'n̈ cha? A xb'on 'och junjn eb' c'anal 'a yet'ul. Tzb'isn smasnil junjn c'aj eb', tz'awtx sb'i junjn eb' yu'uj. May junc eb' tzsati, yujto caw niwn yel'ch Dios chi yet' spoder.

Is 64:3

Comnoc tza b'o 'icha tas a b'ojnac 'a pecti', a yic eml cha, xa b'on tas man̈ nanoc cu'uj, caw satjub'tac yilxi, ax eb' lum niwc witz, c'uxn 'ix 'ib'x eb' lum 'a ojltac.

Jeremías 10:10

A Jehová, atn jun Dios pitzan, caw Rey 'a jun 'ejmn̈ej. A yic tzcot yowal, caw tz'ib'x lum lum tic yu'uj. Man̈xtzac stac' ste'wtzan sb'a jun tzo'n̈ nacion̈ 'a yowl sc'ojl cha.