Salmos 64:4 - Chuj San Sebastian Bible

⁴ C'ultacl tzb'o eb' junc tas 'a spatc eb' to may jac tas tztac' yu'uj, may xon jac xiwc'ojlal eb'.

Chuj San Mateo Bible

⁴ D'a c'ub'eltaquil sjulvajb'at eb' d'a eb' malaj smul. Max xivlaj eb' sjulvajb'ati ayic man̈ naanoc.

Salmos 64:4 ပူးပေါင်းရင်းမြစ်များ

A Ch'an̈ Schab'l Libro Samuel 15:14

Yuj cha, 'ix yaln David 'ixtc 'a smasnil eb' 'aych yajlil yet' 'a Jerusalén cha: —Coyc 'elc muc'uc, yujto man̈x 'oj techjoc qui colnec qui b'a 'a win Absalón cha. Qui c'olc quip muc'uc, sec man̈x 'oj qui yamchjec yu'uj. Toto ma'ay, caw wal niwn tas 'oj juwc yuj winac, ax stzu'n cham win eb' 'anma 'a yol chon̈b' tic, xchi 'a eb'.

Nehemías 4:11

Am wal snan eb' 'ajc'ojl yajch 'ayn̈ chi 'on̈, to ma'oj nachj 'el cu'uj, yic matz quil yoch eb' 'a qui cal yic tzon̈ smiln cham eb', ax yoch wan jun munljel tic yaln eb'.

Salmos 11:2

'Ilt nab'n eb' maysch'olnil tas tzb'o'o; tzya'ch eb' sjul-lab' 'a yojl ch'an̈ ch'an̈ yic sjul-lab', caw sin̈mtac tzyutj eb'. Ax 'a junc lugar 'aj c'ultac yaji, ata tzjulwj eb' 'a eb' wach' snab'en.

Salmos 55:19

A Dios Yajl 'a jun 'ejmn̈ej, 'oj yab' tas 'oj wala', ax 'oj 'i'nc 'ejm eb' 'ajc'ojl cha, yujto matz jel eb' sb'eyb'al, matz xiw pax eb' 'a Dios.

Salmos 55:22

'A'ch smasnil a somc'ojlal 'a yol sc'ab' Jehová, ax 'oj 'a'nc a te'nal. A mach yiclum 'a 'a, may xon b'a'n̈ 'oj chaxc telwc yu'uj.

Salmos 57:5

Ach in Diosal, 'ijx cab' chan̈ a b'i 'a yib'n̈ satcha'an̈, ch'oxx cab' a tzictznil 'a smasnil yolyib'n̈q'uinl tic.

Salmos 64:7

A Dios 'oj 'a'nc lajwc eb' yet' sjul-lab', satc'ojlal wal yaj eb', ax slajw 'el eb'.

Habacuc 3:14

A eb' yajl yaj 'a scal eb', mun a syamc'ab' eb' yic owal, a 'ix ac' milnc chamoc yic xjaw lemnjoc eb' cob' wul on̈ satli. Caw 'ix tzalj eb', 'icha junc mach tznib'n milnc cham junc 'oltac 'anma tzc'ub'j 'el sb'a.

Jn 19:6

Ax ewin sat ya'mal 'och sti eb' israel 'a Dios, yet' eb' stan̈mal yatut Dios cha, yic 'ix yiln eb' yel-l 'a sti cha, 'ix q'ue b'uynjoc eb' yaln 'ixtic: —'Och cab' win 'a spenc culus, 'och cab' win 'a spenc culus, xchi eb'. Palta 'ix yaln pax win Pilato chi 'ixtc 'a eb': —'Ijec 'at winac, tzeya'n 'och win 'a spenc culs chi e ch'ocoj. Aln tic, may jac smul win tz'ilchj wu'uj, xchi win 'a eb'.

A Ch'an̈ B'ab'el Libro Samuel 18:11

'ix sjuln 'och 'a David. A wal 'a snab'en to tzjulcn 'och ch'apn win 'a yich sdespacho cha, palta ax x'aji, scol sb'a David cha'ejm 'a 'a.

A Ch'an̈ B'ab'el Libro Samuel 19:10

'Ix sjuln 'och 'a David, sec tzcancn ch'apn David 'a yich sdespacho chi snani. Palta scol sb'a win 'a q'ue'en, ax 'a sat yich sdespacho chi 'ix 'ochcn pajn q'uen lanza cha. Yuj cha, 'ix 'at David chi 'elc 'a yatut 'a jun 'ac'wl cha.