Salmos 53:3 - Chuj San Sebastian Bible

³ Palta c'uxn on̈ juwc 'el qui masnil. Jun lajnn̈ej on̈ juwc 'eli, toc 'ayt junc on̈ tzqui b'o tas wach', man̈x 'a xon wal junoc.

Chuj San Mateo Bible

³ A juntzan̈ b'eyb'al chuc sb'eyb'alej eb' smasanil. Junlajanxon̈ej tz'aj sjuvib'at eb'. Man̈xalaj junoc mach tzato b'eyb'alan vach' b'eyb'al. Toton man̈xa val junoc.

Salmos 53:3 ပူးပေါင်းရင်းမြစ်များ

A Ch'an̈ Schab'l Libro Samuel 20:2

Smasnil eb' israel cha, 'ix yactjcan eb' rey David, ax yet' Seba yunnal Bicrí 'ix 'at eb'. Palta ax eb' soldado 'a yin̈tl Judá, tza'n eb' yuj sreyal, 'ix b'ey cot eb' 'a sti a Jordán masnto 'a Jerusalén.

Job 15:16

An̈ xo an̈ 'anman̈ec tic, caw yajb'entacn̈ec, yel xo wal a maysch'olnil tzqui b'o'ec, lajn wal maysch'olnil chi 'ayn̈ec 'icha swach'l yu'x a a'.

Salmos 14:3

Palta c'uxn on̈ juwc 'el qui masnil. Junlajnn̈ej on̈ juwc 'eli. Toc 'ayt junc on̈c tzqui b'o tas wach', man̈x 'a xon wal junoc.

Is 53:6

On̈ sactzic qui masnil 'icha no calnelu, mun xoj xqui na junjn on̈ 'aja b'el 'aj tzon̈ laj 'atcni, palta ax Jehová, 'ix ya'ch jun tzo'n̈ qui mulc chi 'a yib'n̈ jun schecb' cha.

Is 64:6

Qui masnil on̈, lajn quilx 'icha junc mach man̈ wach'c yaji. Smasnil tas wach' xlaj cob' qui b'o 'on̈, lajn xoj yilx 'icha junc nip yajb'entac yilxi. Yuj tas maysch'olnil xlaj qui b'o 'on̈, yuj cha, lajn on̈ xoj 'icha te xil te tzpucli, c'un xoj s'at yuj 'ic'.

Ez 36:25

'Oj ex in sacb'tzoc can yuj smasnil tas maysch'olnil 'ix e b'o'o, 'icha tzyac' junc tas tzb'icx 'el yet' a a caw wal yaxt'ujnac yilxi. 'Oj wi'cn 'el e mul 'aych 'ayex, atn yic xeya'n 'ejm e b'a 'a jun tzo'n̈ comn dios.

Sofonías 1:6

An̈jtona 'oj in satl pax eb' tzyij 'el snab'en 'ayin, atn eb' matz jaw 'ayn an Jehová in tic, yic tzwul sc'anb'noc eb' junc snab'en.

Ro 3:12

Palta c'uxn xjuw 'el eb' smasnil. Junlajnn̈ej xjuw 'el eb'. Toc 'ayt junc mach tzb'on tas wach', man̈x 'a xon wal junoc.

2 Co 7:1

Ex chamc'ojlb'il wu'uj, atn jun tzo'n̈ tic yaljnac can Dios, yic ya'n can sti 'ayn̈ec. Yuj cha, caw qui wach' 'actquec can jantcn̈ej tas tz'i'n 'at qui niwnal yet' qui nab'enec 'a maysch'olnil. Yowlal tzqui wach' tojlb'tzejc qui nab'en si'mb'il, yuj qui xiwc'ojlalec 'a 'a.

1 Jn 2:29

Cojquec xoni to a Jesucristo, caw tojl snab'en. Yuj cha, tznachj pax 'el cujec, toto tojl tzcutjec pax qui nab'en yet'oc, to 'ixta', yunnaln̈ec xo Dios.

3 Jn 1:11

Ach chamc'ojlb'il wu'uj, man̈ a b'eylb'oc sb'eyb'al eb' maysch'olnil. Cojn sb'eyb'al eb' wach' tza b'eylb'ej. Toto wach' tzcutj qui b'eyb'al, yic on̈ xo Dios. Palta a eb' maysch'olnil sb'eyb'al, toxn man̈ yojcoc eb' Dios.

Apoc 22:11

A ticnec, a eb' an̈ja sb'on maysch'olnil, swach' b'oc cab' eb' maysch'olnil cha. Yet' eb' an̈ja sb'on jun tzo'n̈ tas yajb'entac, swach' b'oc cab' eb'. Ax eb' tzb'on tas wach', swach' b'oc cab' eb' wach'l cha. Yet' eb' 'aych snab'en 'a Dios, swach' 'a'c cab' 'och eb' snab'en 'a 'a, xchi.