Salmos 51:9 - Chuj San Sebastian Bible

⁹ Najt tzejcan 'el in mul 'a ojltac, suc sat smasnil in maysch'olnilal.

Chuj San Mateo Bible

⁹ Man̈xo a nacot in mul chi', tza sucan sat masanil in chucal.

Salmos 51:9 ပူးပေါင်းရင်းမြစ်များ

Job 9:30

Wach'xam tzcob' in b'icl in b'a yet' sawon mto yet' yal ta'an̈,

Salmos 51:1

Caw 'ay a chamc'ojlal ach in Diosal, 'o'ch cab' wal a c'ojl 'ayin, suc sat in paltail.

Is 1:18

Xlajw cha, xyaln pax Jehová 'ixtic: An Jehová in, an tzwala. Cotn̈ec, b'ocyaj e b'a. Wach'xam a 'e mul caw wal tu eyilx yu'uj, palta 'oj ex in b'icli, ax e sacb' can 'icha yilx q'uen sacb'acum. Toxn̈ej lajn eyilx yuj e mul chi 'icha junc te q'uic'mucnac nip matz 'el yan̈il, palta 'oj ex wac' b'icxc 'eli, ax e sacb' can 'icha yilx sac lana.

Is 38:17

Caw niwquil in yailal 'ix 'eq'ui, palta 'ix 'och in wach'loc. 'Ix 'el pax 'a a c'ojl in a coln can 'el 'a yol sc'ab' chamel, yujto 'ix ac' niwnc'ojlal smasnil in mul.

Jeremías 16:17

Yujto tzwil smasnil tas tz'el sb'on eb'. May junc mach tztac' sc'ub'n 'el sb'a 'a in sat, matz tac' xon sc'ub'n 'el smul 'a in sat.

Ez 36:25

'Oj ex in sacb'tzoc can yuj smasnil tas maysch'olnil 'ix e b'o'o, 'icha tzyac' junc tas tzb'icx 'el yet' a a caw wal yaxt'ujnac yilxi. 'Oj wi'cn 'el e mul 'aych 'ayex, atn yic xeya'n 'ejm e b'a 'a jun tzo'n̈ comn dios.

Nm 19:18

Tzlajw cha, ax junc winc wach' yaj 'icha yaln ley, a tz'i'n cot junc te sc'ab' hisopo, tzlab'n 'ejm 'a scal jun a a cha, tzicn 'och 'a yib'n̈ jun mantiado cha, tzicn 'och 'a smasnil lum chen mto lum xalu, yet' pax 'a smasnil eb' 'anma 'ay 'a yojl jun mantiado cha, an̈jtona tzicx 'och 'a jun mach tzyamn sniwnal junc chamnc cha, mto sb'acl junc 'anma milb'il chamoc mto mun chamnac, mto junc yet'l chamnc cha.

A Scarta San Pablo D'a Eb' Aj Colosas 2:14

'Ay jun 'icha b'oc 'aych 'a quib'n̈ec 'a yic yalan̈, yujto ma'ix qui yicljec jun tzo'n̈ ley. Palta a Dios 'ix sucn sat jun 'icha qui b'occ cha. 'Ix yij 'el 'a quib'n̈ec. 'Icha to xlawxax 'och 'a spenc te culus.