Salmos 48:9 - Chuj San Sebastian Bible

⁹ Ach qui Diosal on̈, tzqui na cot wal a niwquil chamc'ojlal 'ayn̈ 'a atut.

Chuj San Mateo Bible

⁹ Ach co Diosal, ayic ayon̈ec' d'a a templo, sco nacot a nivan vach'c'olal.

Salmos 48:9 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 10:6

yuj cha, xyaln 'ix 'a win rey chi 'ixtic: A tas xwab' 'a in chon̈ab', yuj jun tzo'n̈ tas tza b'o'o, yet' yuj a jelnal tzb'inaxi, a jun tzo'n̈ tic, caw wal yel.

A Ch'an̈ B'ab'el Libro Yic Yab'ixal Eb' Rey 10:7

Caw wal matz in chaj cob' wab'i', palta at in jaw 'a tic, 'ix wiln 'och yet' in sat. A ticnec caw tzwa'ch 'a in c'ojol. A tas 'ix alx cha, may spacl 'ix alx wab'i'. A wal a jelnal, yet' smasnil tas 'ay 'ayach, yel xo 'ec'b'al 'a yib'n̈ tas 'ix alx wab'i'.

Salmos 104:34

Comnoc wach' jun in nab'en tic tzela, yujto cojn 'ayach, ata tz'ilchj in tzaljc'ojlal.

Salmos 26:3

Yujto may 'aj tzwac' sat in c'ojl 'a a chamc'ojlal, caw yiclumn̈ej tzwutj in b'a 'ayach.

Salmos 40:10

May 'ajtil xin c'ub'j 'el a tojlal. A wico', to 'ix walcn 'eli chajtlto tzac' 'el'choc tas tzala, yet' pax colnb'il tzac'a. May xon wal 'aj xin c'ub'j 'el a chamc'ojlal, yet' a wach'l 'a sat eb' a chon̈b' 'a 'aj tzyam sb'a eb'.

Salmos 87:5

'Ixtc wal 'oj 'aj yalx yuj chon̈b' Sión: A jun tic yet' junx chon̈b' cha, ata 'elncta eb' 'a Sión, 'oj schic eb'. Ax Dios yel xo wal niwn yel'chi, a 'oj wach' b'onc jun chon̈b' tic.

Cantares 1:4

'Ij in 'at 'a atut ach rey, c'olep, con̈ muc'uc, xchi 'ix. Caw 'oj cac' tzaljoc qui c'ojl et'oc; 'oj qui na cot a chamc'ojlal cha, yujto 'ec'b'al swach'l 'a yib'n̈ te yal uva. 'Into yuj cha, tzach snib'n eb' 'ix 'ix tic, xchi eb'.

Is 26:8

Mamin Jehová, an̈ tic on̈ caw wal tzqui b'eylb'ej jun tzo'n̈ b'eyb'al tzyal a ley. A wal tas tzqui nib'ej, to nab'ilchn̈ej cuj on̈.

Jeremías 31:40

Smasnil lum pan̈n 'aj tzmucx eb' chamnc 'anma', yet' 'a 'aj tzjulx 'el stan̈il c'ac', yet' smasnil span̈nil yib'n̈ q'ue sti a a tzcuch Cedrón, masnto 'a junx schicn 'a 'aj 'ay jun puerta 'aj tz'och e no chej, 'a stojlal 'aj tzq'uel c'u, a jun cha, wic 'oj 'ajcni. A smasnil jun tzo'n̈ tic, man̈x 'a b'a'n̈ 'oj satli, man̈x 'a pax b'a'n̈ 'oj lajwc 'eli, xchi Dios.