Salmos 48:3 - Chuj San Sebastian Bible

³ 'Ayc' Dios 'a yol sdespacho, 'ix yac' 'ojcaxc 'eli to cojn 'aj wach' qui colnec qui b'a.

Chuj San Mateo Bible

³ A Dios ayec' d'a juntzan̈ palacio d'a tzalan Sion tic. Ojtacab'il to a Dios ayoch co columaloc.

Salmos 48:3 ပူးပေါင်းရင်းမြစ်များ

A Ch'an̈ Schab'l Libro Samuel 5:7

A 'a yic jun tiempoal cha, ata xyal David 'a eb' soldado 'ixtic: E masnil ax 'oj eyoch a owal, b'eyn̈ec 'och 'a yojl 'aj tzb'ey a a tz'o'ch 'a yol chon̈ab'. Tzlajw cha, tze miln cham eb' cob' tzyalch sb'a to matz uj yilni, yet' smasnil eb' tz'em sb'eyi. A jun tzo'n̈ eb' cha, caw wal tzin yajl eb', xchi. Yuj cha, yalx can jun paxti 'ixtic: A eb' matz 'uj yilni, yet' eb' tz'em sb'eyi, matz tac' yoch eb' 'a yol sdespacho win rey, xchi. Ax x'aji, x'ejm jun niwquil cuartel 'a Sión chi yuj David, yuj cha, scuchn can Schon̈b' David.

2 Cr 12:7

Ax yic 'ix yiln Jehová to caw 'emmquilal 'ix yutj sb'a eb', 'ix yaln pax 'a Semaías chi 'ixtic: Yujto caw 'emmquilal 'ix yutj eb' snan sb'a, yuj cha, ma'oj in satl eb'. Jab'xoj tiempo ax in coln eb'. Man̈x 'oj in c'anlb'oc Sisac yic tzwa'n cot smasnil yowl in c'ojl 'a yib'n̈ chon̈b' Jerusalén.

Salmos 125:1

A eb' tzya'ch wal sc'ojl 'a Jehová, lajn eb' 'icha lum tzaln Sión matz 'ib'x 'a yet'ul, junn̈j yet'l 'aj 'ayc' 'a smasnil tiempo.

Salmos 135:21

¡A 'a lum tzaln Sión a cab' ta tzalx wach' paxti 'a Jehová, atn jun cajn 'ec' 'a Jerusalén! ¡Alx cab' wach' paxti 'a Jehová!

Salmos 46:7

A Jehová tztac' yuj smasnil, a 'ayc'n̈ej quet'ec. A qui Diosalec an̈ yin̈tl on̈c Jacob tic, ata tzqui colc qui b'a.

Salmos 50:2

A Dios tzch'ox stzictznil 'a tzaln Sión, jun chon̈b' caw wal wach' yilxi.

Cantares 6:4

Ach cob's 'ix to chamc'ojlb'il wu'uj, caw wal wach' elxi, nib'jub'tac elx 'icha lum chon̈b' Tirsa, yet' chon̈b' Jerusalén to 'ay xo smay yilxi, 'icha nan̈loc eb' soldado 'aych 'a yol b'e.

Lm 2:15

A yic tz'ilx chon̈b' Jerusalén yuj eb' tzlaj b'ey 'a b'e, tzlaj spo'nc can eb' sc'ab' yu'uj, yic tzb'uchwj can eb' 'a 'a. Tzlaj xulmj eb', tzlaj syucnc eb' sjolom yuj sb'uchn eb', tzlaj yalnc eb' 'ixtic: ¿Am jun chon̈b' tic til wal sb'inax 'a sat lum lum tic, tolab' yel xo wach' yilxi? xchi eb'.