Salmos 40:4 - Chuj San Sebastian Bible

⁴ Caw wach' yic eb' to a Jehová tzya'ch yipc sc'ojol: Matz ya'ch sb'a eb' 'a scal eb' tzb'on maysch'olnil, matz ya'ch pax sb'a eb' yet' eb' tzyac' 'ejm sb'a 'a jun tzo'n̈ comn dios.

Chuj San Mateo Bible

⁴ Te vach' yic eb' tz'ac'anoch Jehová yipoc sc'ool, max yac'och spensar eb' d'a eb' syic'chaan̈ sb'a, aton eb' tz'och tzac'an d'a spatic juntzan̈ comon dios.

Salmos 40:4 ပူးပေါင်းရင်းမြစ်များ

Salmos 119:21

Ach xa tench wan eb' 'e'nc 'a yib'an̈, yet' eb' maysch'olnil snab'en, atn eb' xyij 'el snab'en 'a a checnb'il.

Salmos 125:5

Palta ax eb' tz'atcn 'a scal tu b'eyb'al, 'at cab' can eb' yet' eb' maysch'olnil sb'eyb'al chi 'a scal yailal. ¡'Ay cab' junc'ojlal 'a qui calc an̈ israel on̈c tic!

Salmos 15:4

Eb' tzpatquiln can 'el eb' patcab'il can 'el o'oj, palta yiclum tzyutj sb'a eb' 'a eb' 'ay xiwc'ojlal 'ayach. Matz jel eb' tas tzyala, palta tzyac' 'el'choc eb' sti', wach'xam tzcan eb' 'a yaln̈ yu'uj.

Salmos 2:12

'Emn̈ec n̈ojn 'a yojltac Yunnal Dios yet' e xiwc'ojlal. Man̈ eyi' cot yowl sc'ojl 'a eyib'an̈, sec matz ex satl yu'uj, yujto yajn̈j wal cha, tzcot yowal. ¡Caw tzaljc'ojlal yic eb' to a Dios tzya'ch yipc sc'ojol!

Salmos 33:3

B'itnejec yet' 'ac' b'it, wach' tzeyutj eya'n 'och sjajl b'it yet' e yamc'ab' yic b'it cha,

Salmos 34:8

'A'ljec prowal, ax eyilni chajtlto wach' snab'en Jehová. Caw wach' yic eb' to a 'a Dios tzya'ch sc'ojol.

Salmos 71:6

Yic 'aynto 'ec' 'a yol sc'ojl in nun, toxn a 'aych tzwij wip. Ach in ac' 'aljoc. 'Oj ach in b'itnoc 'a smasnil tiempo.

Jonás 2:8

A eb' tzlaj 'och tza'n yuj jun tzo'n̈ yechl tzalx 'och diosal, tzpatquilj can 'el eb' a wach'c'ojlal.