Salmos 40:3 - Chuj San Sebastian Bible

³ 'Ix ya'n in b'itnoc jun 'ac' b'it, jun b'it yic alj wach' paxti 'a Dios. Til wal eb' 'oj sat sc'ojl yiln jun tic. 'Oj laj xiw chan̈ eb', ax laj ya'noc 'och eb' Jehová yipc sc'ojol.

Chuj San Mateo Bible

³ Ix yac' val jun b'it ac'to d'ayin, b'it yic aloj vach' lolonel d'a co Diosal. Comonoc sat sc'ol jantac eb' tz'ilan jun tic, yic syac'och Jehová eb' yipoc sc'ool.

Salmos 40:3 ပူးပေါင်းရင်းမြစ်များ

Salmos 119:133

Quetzn b'ey yet' a paxti', man̈ in a cha 'ajxoc ganar yuj maysch'olnil.

Salmos 142:7

Coln 'elt 'a scal in yailal, sec 'oj stac' waln in wach' paxti 'aych 'a scal eb' 'anma tojl snab'en. 'Oj 'och oyn eb' 'a in tz'ey yic 'oj yab'nc eb' to wach' tzin otej.

Salmos 144:9

Ach in Diosal, 'oj in b'itnoc jun 'ac' b'it 'ayach; 'oj in b'itn yet' in salterio.

Salmos 27:5

Yujto a yic 'oj jawc yailal 'a wib'an̈, a 'oj in c'ub'n 'el 'a yatut. 'Icha to 'oj in yac' q'ue 'a sjolm junc niwquil tenam, yic tzin colchji.

Salmos 33:3

B'itnejec yet' 'ac' b'it, wach' tzeyutj eya'n 'och sjajl b'it yet' e yamc'ab' yic b'it cha,

Salmos 35:27

Palta ax eb' tznib'j 'ilnoc tas tzin 'aj 'el'chi, tzalj cab' chan̈ eb', b'itn cab' eb' yet' tzaljc'ojlal. Nachji tzyaln cab' eb' 'ixtic: A Jehová caw niwn ton yel'chi, 'ay cab' stzaljc'ojlal yuj swach'l jun schecb' tic, xchi cab' eb'.

Salmos 37:23

A Jehová a tz'i'n b'ey eb' wach' snab'en, tz'ajx can 'och eb' yuj 'a yol jun b'e caw tojol.

Salmos 52:6

A yic 'oj yilnc eb' yiclum 'a Dios jun tic, caw 'oj xiw eb' yu'uj. 'Oj stzetzc eb' jun 'anma cha, ax yaln eb' 'ixtic:

Salmos 69:3

Caw 'ix poj yol in jaj wawji, xq'ue syal yol in jaj. Caw 'ix c'unb' c'och yol in sat yuj in macn wil a jaw ach in Diosal.

Os 3:5

'Oj lajwc cha, ax 'a yic slajb' tiempoal, 'oj yalx sb'a eb' wit israelal 'a Jehová qui Diosal jun 'ejm xo, ax schan pax sc'ojl eb' yoch junc yin̈tl David sreyloc. 'Ixta 'oj yutc yi'n 'ejm sb'a eb' 'a Jehová, ax schan eb' swach'c'ojlal.

A Tas Sc'ulejnac Eb' Schecab' Jesús Hechos 4:4

Palta a wal eb' x'ab'n spaxti Dios 'a scal eb' 'anma cha, til wal eb' xya'ch sc'ojl 'a 'a. Yuj cha, caw niwn x'aj eb' creyente. A sb'isl eb' winac, 'aym o'e'oc mil eb'.

Apoc 14:3

'Ay eb' tzb'itnan jun 'ac' b'it 'a yojltac sdespacho Dios, yet' 'a yojltac eb' querubín schan̈wn̈il, yet' pax 'a yojltac eb' 24 'ichmtac winac. May junc mach tztac' sc'ay jun b'it chi yu'uj. Cojxn eb' 144 mil colchjnac 'el 'a scal eb' 'anma 'a yolyib'n̈q'uinal, cojxn eb' tztac' sb'itnani.