Salmos 4:8 - Chuj San Sebastian Bible

⁸ Mamin Jehová, a yic tzin 'ec' c'otan, tzaljc'ojlal tzcot in wayan̈, yujto ach 'aychn̈ej 'och wet'oc, yuj cha, may tas tzin 'i'ni.

Chuj San Mateo Bible

⁸ Malaj tas tzin na' ayic tzin ec' jichan, te junc'olal tzin vayi. Mamin Jehová, a ach ton ayach och ved'oc, yuj chi' malaj tas tzin ic'ani.

Salmos 4:8 ပူးပေါင်းရင်းမြစ်များ

Salmos 16:11

'Ix ac' wojcoc 'el jun b'e yic q'uinl 'a jun 'ejmn̈ej. Caw niwn tzaljc'ojlal 'oj ac' 'ayin, yic 'oj in c'och 'a ojltac. 'Ay tzaljc'ojlal 'a a tz'ey 'a jun 'ejmn̈ej.

Salmos 3:5

Tzq'uic'b'i, tzin 'e'x can c'otn in wayi, ax yic tzsacb' pax 'eli tz'elx in wayn̈ 'a tzaljc'ojlal. Tzin q'uex wa'an yujto ach tzin a tan̈wej.

Pr 3:24

A yic 'oj elji, may junc tas 'aj 'oj a xiwi, caw tzaljc'ojlal 'oj a wayi.

Is 9:2

A eb' 'anma cha, wan sb'ey eb' 'a scal q'uic'q'uinal, 'oj yil eb' sjaw jun niwquil sacq'uinl 'a scal. A jun sacq'uinl cha, 'oj c'och tzicnjoc yoc 'a scal eb' 'icha to chamnc 'a scal q'uic'q'uinl cha.

Ez 34:25

'Oj in b'o jun in trato yet' eb', ax scan eb' 'a junc'ojlal wet'oc, ax wi'n 'el smasnil tas 'ay smay 'a sat lum lum tic, sec tzaljc'ojlal 'oj scajx eb' lu'um, ax sway eb' 'a junc'ojlal.

Os 2:18

A 'a jun tiempoal cha, 'oj wac' in trato yet' e no calte'al noc' yuj swach'loc eb' in chon̈ab', e no ch'ic, yet' e no chan, sec man̈x 'a 'oj yutc e no eb', ax wi'n 'el jun tzo'n̈ jul-lab' 'a jun nacion̈ tic, atn lanza, yet' espada yic owal, sec 'oj 'iljoc eb' in chon̈b' tic 'a tzaljc'ojlal.

Lv 26:5

An̈j 'ijnoc e te'w trigo ax yelx wul sat te uva. 'Ayt pax sch'inchj te uva cha, ax sjapx stiempoal yawx e trigo jun 'ejm xo, 'oj e wa si'mb'il, masnto 'oj e b'ut'ji. Caw wal 'oj eyac' tzaljoc e c'ojl 'a sat lum lum cha.

Dt 12:10

A yic 'oj e c'axw can 'ec' 'a yojl a Jordán cha, ax e cajn lum lum 'oj yac' Jehová 'ayex, tzyal 'el'chi to ex colchj 'el 'a yol sc'ab' eb' 'ajc'ojl yajch 'ayex, man̈x 'a e xiwc'ojlal 'a jun lugar cha.

1 Ts 5:10

A Cristo 'ix cham qui jelquec. Yuj cha, toxn̈ej pitzn on̈ec, toxn̈ej chamnc on̈ xo, ax sjawi, palta junn̈j 'oj cajc yet' qui masnil.

Apoc 14:13

Xlajw cha, xwab'n yoch jun paxti 'a satcha'an̈, 'ix yaln 'ixtc 'ayin: —Tz'ib'j junx 'oj wal tic: A ticnec, caw wach' yic eb' an̈ja 'aych 'a yol sc'ab' sYajlil yic tzchami, xchi jun paxti cha. Xyaln Yespíritu Dios 'ixtic: Caw yel yujto 'oj 'iljc eb' 'a smunljel. Ax jun ch'an̈ un̈ 'aj tz'ib'b'il can tastc wach' tzb'o eb', 'oj c'och yet' eb' 'a satcha'an̈, xchi.