Salmos 4:1 - Chuj San Sebastian Bible

¹ Ach in Diosal, ach tzin a b'oyaj 'a stojlal, ta'wj in yic tzin 'awj 'ayach. A yic ya waji, ach xo in ac' b'oxoc. 'O'ch cab' wal a c'ojl 'ayn ticnec, tzab'n in lesl tic.

Chuj San Mateo Bible

¹ Ach in Diosal, a ach tza b'o yaj in lolonel, tac'vej in ayic tzin avaj d'ayach. Ayic ay in och d'a syaelal ix in a colani. Oc'ocab' a c'ool d'ayin ticnaic, ab' tas sval d'a in lesal tic.

Salmos 4:1 ပူးပေါင်းရင်းမြစ်များ

Job 36:16

'Ixta ach yutj ach tic, ach scoln 'el 'a tas 'ay smay, 'ix ya'n smasnil tas 'a yol a c'ab', 'ix cot wal ch'ucn tas wach' sc'uxx 'a sat a mexa.

Salmos 11:7

Caw tojl snab'en Jehová, tzchamc'ojlej smasnil tas tojol; a eb' wach' snab'en, 'oj yil-lac 'och eb' sat yet'oc.

Salmos 116:16

A Jehová, yel ton b'i'an, schecb' waji, yune 'in 'ix schecb' Dios cha. A 'in coln 'elt 'a yol sc'ab' tas jaljnac in.

Salmos 116:6

A Jehová a tztan̈wni eb' 'emmquilal yeq'ui. A yic caw man̈x 'a wip, ax in coln 'eli.

Salmos 119:132

'Ilt in 'och Mamin, 'o'ch cab' a c'ojl 'ayin, 'icha tzac' yet' eb' tzach chamc'ojlani.

Salmos 143:2

Man̈ in a b'eyc'ojloc an a checb' in tic, yujto may junc 'anma tojl 'a ojltac.

Salmos 17:6

Ach in Diosal tzin tew wal 'ayach, yujto wojtac to tzab' tas tzwala. Mamin, 'a' cot a chicn 'a tas tzwala.

Salmos 22:1

Ach in Diosal, ach in Diosal, ¿tas yuj tzin actj can in ch'ocoj? ¿Tas yuj matz in a colo yic tz'el waw yuj in yailal?

Salmos 24:5

A eb' cha, 'oj scha eb' syaxilal Jehová Dios, ax schan pax eb' scolnb'il 'a 'a.

Salmos 25:16

'Ilt in cot Mamin, 'o'ch cab' a c'ojl 'ayin, yujto a in ch'ocoj, caw 'ay in somc'ojlal.

Salmos 31:8

Ma'in a'cn 'och 'a yol sc'ab' eb' 'ajc'ojl yajch 'ayin; palta ata in a'cn 'och lin̈n 'a 'aj may tas tzin 'i'ni.

Salmos 41:12

An xo pax tic, wach'n̈j xwutj in b'a 'a ojltac. Quetzn chan̈ Mamin, 'aynn̈ej cab' 'ec' et'oc.

Salmos 42:1

Ach in Diosal caw wal tzin nib'j to junn̈j in et'oc 'icha wal snib'n junc no c'ultquil chej yuc' a a yuj tacn̈ti'al, 'ixta waj et'oc.

Salmos 45:1

'Ay wal paxti caw wach' 'ayc' 'a in nab'en. A chi tzin c'anlb'ej yic tzwaln in wach' paxti 'a win rey. A 'in paxti', lajn 'icha spaxti junc mach jeln stz'ib'ni.

Salmos 56:1

Ach in Diosal 'o'ch cab' a c'ojl 'ayin, yujto 'ay eb' 'anma tzin pechn b'eyc'oc. Junjn c'u tzya'n eb' owl wet'oc, tzin yixtn eb'.

Salmos 57:1

Ach in Diosal, 'o'ch cab' a c'ojl 'ayin. A 'aych tzin col in b'a masnto tz'ec' jun yailal tic 'a wib'an̈. Tzin nib'j tzin col in b'a 'aych 'icha tzyutj scoln sb'a no yune caxtiln̈ 'a yaln̈ sc'axl snun.

Salmos 6:1

Mamin Jehová man̈ in a tumc yet' yowl a c'ojol, man̈ a'ch in yailal yet' yowl a c'ojol.

Salmos 67:1

Ach Cajlil on̈, 'o'ch cab' a c'ojl 'ayn̈ on̈, 'a' cot a yaxilal 'a quib'n̈ on̈. Scha cab' a c'ojl on̈ eln coti,

Salmos 76:1

'Ojcab'il Dios 'a Judá, caw niwn yel'ch sb'i 'a smasnil yol yic Israel.

Is 45:24

'Oj yaln eb' 'ixtic: Caw yel ton b'i'an, cojn 'a Jehová 'ay tojlal, caw 'ay pax yip, 'oj xchic eb'. Ax smasnil eb' 'ajc'ojl yajch 'ayin, 'oj q'uixwc can 'el eb'.

Jeremías 23:6

A 'a yol stiempoal yic 'oj ya'nc reyl cha, caw 'oj colchjoc can 'el eb' 'aj Judá, yet' pax eb' 'aj Israel, man̈x 'a tas 'oj sna eb'. Atn jun b'i tic 'oj 'ajxoc sb'ioc: A Jehová Tzon̈ B'onyajec 'A Stojlal, 'ixta 'oj sb'ioc, xchi.

Habacuc 3:19

Mamin Jehová Wajlil, ach tzac' wip. Tzac' yip woc sec tztac' in b'ey 'icha no c'ultquil chej, tzin e'n q'ue 'a cha'an̈, 'a 'aj wach' in colchji. B'itnaxc cab' jun b'it tic yuj win tzjucb'tzan b'it, yet' jun tzo'n̈ yamc'ab ch'an̈ 'aych 'a 'a.

1 Co 1:30

Yujto a on̈ 'i'nec 'och yico'oc Cristo Jesús. Atn sjelnal Cristo tzyac' 'ayn̈ec. Yuj Cristo, tzyalni to wach'n̈ec 'a sat, tzon̈ yi'nec pax 'och Cristo yico'oc. An̈jtona' yujto colchjnacn̈ec xo 'el yu'uj.

2 Co 1:10

Jab'xoj wal man̈toc caw chamnc on̈ yuj jun niwn yailal chi 'on̈, ax Dios coljnacn̈ 'el 'a yol sc'ab' on̈. Wan on̈ scoln pax 'el ticnec on̈. 'Aych yipc qui c'ojl on̈, to an̈ja 'oj on̈ scol-l 'a jun tzo'n̈ yailal chi 'on̈.

2 Co 1:8

Ex wu'tac, ex wanab', tzqui nib'j on̈, to tzeyojquej 'eli jantc wal syal 'ec' cab'jnac 'a yol yic Asia on̈. Yujto caw niwn yailal 'ec' cab'jnac ta 'on̈, 'ijn wal ma'ix techj cuj on̈. Qui nan on̈, man̈x 'oj qui colchj 'el 'a yol sc'ab' on̈.

A Ch'an̈ B'ab'el Libro Samuel 17:37

A Jehová in coln 'el 'a yol sc'ab' no león, yet' 'a yol sc'ab' no oso, an̈jtona a pax 'oj in coln 'el 'a yol sc'ab' win filisteo tic, xchi David. —'Ixc 'an, a cab' Jehová tz'och et'oc, xchi Saúl 'a David.