Salmos 38:2 - Chuj San Sebastian Bible

² Yujto 'ix 'och tz'apnjoc a jul-lab' 'ayin; 'ix a quil 'emt pax a c'ab' 'a wib'an̈.

Chuj San Mateo Bible

² Toxo ix och tzolan a jul-lab' d'ayin, ix ac'och in yaelal.

Salmos 38:2 ပူးပေါင်းရင်းမြစ်များ

Job 6:4

Yujto a Dios tztac' yuj smasnil, 'icha to 'ix 'och sjul-lab' 'a in niwnal. A jun sjul-lab' cha, caw 'ay svenenoal sti', yuj cha, caw wal tzyab' in niwnal syail. A Dios 'ix yoych wal tas 'ay smay 'ayin.

Salmos 21:12

A yic tza tojlb'tzan 'och a jul-lab' 'a eb', tza xib'tn can 'at eb'.

Salmos 32:4

Ach in Diosal, sc'ual, yac'wlil scot yowl a c'ojl 'a wib'an̈. 'Icha wal tz'aj stacj te nichte yuj cuaresma, 'ixta 'in 'aji.

Salmos 6:2

'O'ch cab' wal a c'ojl 'ayin, yujto man̈x 'a wip tzwab'i. 'Ac' jawc in c'ojl Mamin. Smasnil in niwnal, caw tz'el yip tzwab'i.

Salmos 64:7

A Dios 'oj 'a'nc lajwc eb' yet' sjul-lab', satc'ojlal wal yaj eb', ax slajw 'el eb'.

Lm 3:12

'Icha wal to stojlb'tzej 'och Dios chi sjul-lab' 'ayin, in slin̈n 'och 'a sat sjul-lab' cha, sjuln 'och 'ayn xwab'i, 'icha to xc'axw 'ec' 'a in niwnal.

Dt 2:15

Yujto a yowl sc'ojl Jehová xjaw 'a yib'n̈ eb', yuj cha, 'ix cham eb' smasnil.

Rt 1:13

palta ¿tom 'oj e tan̈wc to sq'uib' eb'? ¿Tom yujn̈ej e tan̈wni eb', yuj cha man̈x 'oj eya'x 'och eyichmil? May ex walib', ma'oj stac' 'ixta'. An tic, wan wiln yailal 'ix ya' cot Jehová 'a wib'an̈, palta yel xo wal 'oj in cus eyu'uj, 'a yic 'oj wilnc eyab'n syal wet'oc, xchi 'ix.

A Ch'an̈ B'ab'el Libro Samuel 5:11

'Ix ya'n 'at eb' schecb' 'a eb' syajlil eb' filisteo cha, 'ix yaln eb' 'a eb' 'ixtic: 'Ijec 'el te scaxail strato sDiosal Israel tic 'a qui calec, tz'at eya'nc can pax 'a yet'l 'aj 'ay, sec ma'oj qui chamc qui masnil yu'uj, xchi eb'. Yujto xniwtj jun yab'il chi 'a scal eb' yuj Dios, yuj cha, 'ix xiw chan̈ eb'.

A Ch'an̈ B'ab'el Libro Samuel 5:6

Xlajw cha, 'ix ya'n cot Jehová jun yab'il 'a yib'n̈ eb' 'aj Asdod, yet' pax 'a yib'n̈ smasnil 'anma 'a yol slugar eb' cha. 'Ix laj mal chan̈ sniwnal eb' yuj jun yab'il cha.

A Ch'an̈ B'ab'el Libro Samuel 6:9

Si'mb'il wal tzeyila: Toto tojln̈ej s'at e no yet' te caruaje chi 'a sb'el Bet-semes yic tzpax te 'a slu'um, toto 'ixta', a Jehová a 'ixtc tzon̈ 'utnec yet' jun tzo'n̈ yailal tic. Toto ma'ay, tecn man̈oc tz'a'n 'och yailal tic 'a quib'n̈ec, comn yab'il tzon̈ 'ixtnec ama, xchi eb'.