Salmos 3:8 - Chuj San Sebastian Bible

⁸ Caw wal colwjum ach, 'ac' a yaxilal 'a quib'n̈ an̈ a chon̈b' on̈ tic on̈.

Chuj San Mateo Bible

⁸ Mamin Jehová, a achton tzach colvajn̈ej. Ac' a nivan vach'c'olal d'a quib'an̈ a on̈ a chon̈ab' on̈ tic.

Salmos 3:8 ပူးပေါင်းရင်းမြစ်များ

A Ch'an̈ Schab'l Libro Samuel 23:12

Palta ax Sama, te'n xyutj sb'a, xcan lin̈n yac' owl yet' eb' 'a scal jun petn̈ te 'awb'ente cha, yuj scoln sb'a, 'Ix milx cham eb' filisteo chi yu'uj. A win xc'anlb'ax yuj Jehová yic tzya'n ganar jun owl cha.

Salmos 119:94

Coln Mamin, yujto ec waji, caw 'ix wa'ch in c'ojl 'a jun tzo'n̈ a checnb'il tic.

Salmos 29:11

Tzyac' yip eb' schon̈ab', tzya'n syaxil yet' sjunc'ojlal 'a yib'n̈ eb'.

Salmos 31:16

'Ochn̈ wal q'ueln 'ayn an a checb' in tic, coln 'el yet' a chamc'ojlal.

Salmos 58:7

Sat cab' 'ejm eb' 'icha tz'aj stup 'ejm a a tzb'eyi. Lajn cab' tz'aj eb' 'icha te c'ultc tzte'x yuj 'anma'.

Salmos 72:17

B'inax cab' sb'i win rey 'a smasnil tiempo, ya' sb'a 'ayt 'ec' c'u. Smasnil nacion̈ 'a yolyib'n̈q'uinl tic, scha cab' eb' yaxilal yuj winac, yal cab' eb', chajtlto wach' yic eb' yuj winac.

Salmos 9:20

'A'cn 'och eb' 'a xiwc'ojlal, tza'n yojcoc 'el eb' chajtlto nab'a 'anman̈ej eb'.

Pr 21:31

A eb' soldado, tzyac' lista eb' schej yic tz'at eb' 'a owal, palta cojn yuj Jehová tzya'n ganar eb'.

Is 43:11

Cojn in ton Jehová in, may junc xo mach tztac' scolwji.

Jeremías 3:23

Wal yel, nab'an̈ej on̈ xit'c ca'ch sq'uin̈l jun tzo'n̈ comn dios 'a lum jolmctac witz. Palta cojn 'aych Jehová qui Diosal on̈, ata 'ay qui colnb'il on̈.

Os 13:4

'Ix yaln Jehová eyuj 'ixtic: An Jehová e Diosal in, yictax 'ayc' eb' e mam eyichm 'a Egipto, may junc xo tas xya'ch eb' sdiosaloc, palta cojn in. Cojn in ton sColmal eb' waji.

Jonás 2:9

Palta an xo tic, tzwal yuj diosal 'ayach. 'Oj wac' in xajmb'al, ax in yiclni 'aj 'ix wac' in ti 'ayach. Cojn ach tztac' a colwj Mamin Jehová, xchi Jonás.

Nm 10:35

A yic tz'ijx b'ey te caxa cha, tzyaln Moisés 'ixtic: ¡Cotn̈ mu'c Mamin Jehová! ¡Sactzic cab' eb' 'ajc'ojl yajch 'ayach! A yic tzach yiln eb' matz ach nib'ni, 'at cab' eb' 'elc 'a ojltac, xchi.

A Tas Sc'ulejnac Eb' Schecab' Jesús Hechos 3:26

A yic xya'n Dios pitzwc pax Yunnal, a 'ayn̈ec 'ix sb'ab'l checj coti, sec tzon̈ colchjec, tzcactnec can qui maysch'olnil junjn on̈ec, xchi Pedro 'a eb' yit israelal cha.

A Tas Sc'ulejnac Eb' Schecab' Jesús Hechos 4:12

May junc xo mach 'aj wach' tzo'n̈ colchjec, yujto a 'a yolyib'n̈q'uinl tic, may junc xo mach 'ix yac' Dios yopiso ya'n qui colnb'ilec, cojxn Jesús, xchi Pedro.

Ef 1:3

Calc wach' paxti 'a qui Mam Dios, atn 'a Smam Cajlil Jesucristo. C'uxn xyac' jun tzo'n̈ wach'l yic Espíritu 'ayn̈ec, atn jun tzo'n̈ yic satcha'an̈, yujto junxn̈ej cajc yet' Cristo ticnec.

A Ch'an̈ Carta D'a Eb' Hebreo 6:14

Yaljnac 'ixtc 'a 'a: Wal yel, niwn in yaxilal 'oj wac' 'ayach. Til wal en̈tl 'oj wac' pitzwc can 'eli, xchi 'a 'a.

A Sb'ab'el Carta San Pedro 3:9

Toto 'ay eb' tu tzyutj sb'a 'ayex, man̈ tuc tzeyutj e b'a 'a eb' jun xo. Toto 'ay eb' tzex b'uchni, man̈ ex b'uchwjoc pax 'a eb'. Ton̈j tze c'an swach'c'ojlal Dios 'a yib'n̈ eb'. Yujto a Dios on̈ 'awtnec 'och yico'oc, yic tzya'n swach'c'ojlal 'ayn̈ec.

Apoc 19:1

Xlajw cha, xwab'ni, til wal xq'ue yaw eb' 'ayx 'ec' 'a satcha'an̈. Caw 'ip yaln eb' 'ixtic: ¡Calc wach' paxti 'a qui Diosalec! yujto a x'a'n qui colnb'ilec. Caw niwn yel'chi, caw niwn spoder.

Apoc 7:10

'Ix 'awj chan̈ eb' smasnil, 'ix yaln eb' 'ixtic: A qui Diosalec, wocn 'ejm 'a sdespacho, a x'a'n qui colnb'ilec. An̈jtona', yet' jun tzcuch Calnelu, locn x'a'n pax qui colnb'ilec, xchi eb'.