Salmos 27:9 - Chuj San Sebastian Bible

⁹ Ach in Diosal, man̈ a c'ub'c 'el a b'a 'ayin. Man̈ in a patquilc can 'el yet' yowl a c'ojol, yujto cojxn̈ej ach in Colmal aji. Man̈ in actc can in ch'ocoj, colwjan̈ 'ayin.

Chuj San Mateo Bible

⁹ Man̈ a c'ub'ejel a b'a d'ayin. Man̈ in a chec meltzaj yed' yoval a c'ool. A achtaxon tzin a colo'. Ach in Diosal in Columal ach, man̈ in actejcan in ch'ocoj.

Salmos 27:9 ပူးပေါင်းရင်းမြစ်များ

1 Cr 28:9

Ach xo tic ach wunnal Salomón, 'ojquej 'el wal qui Diosal, 'ac' servil 'a smasnil a pixan, mun cab' wal tz'el 'a a c'ojol, yujto a Jehová yojc smasnil tas 'ay 'a qui pixan, tznachj 'el pax yu'uj tas 'ay 'a qui nab'en. Toto 'oj al a b'a 'a 'a, 'oj ta'wc 'ayach, palta toto 'oj e'cn 'el a b'a 'a 'a, 'oj ach spatquilc can 'el 'a jun 'ejmn̈ej.

Salmos 102:2

Man̈ e'l a sat 'ayin, yic 'ayn 'och 'a in cusc'ojlal. Comnoc tz'el 'a a c'ojl ab'n tas tzwala. A yic tzach wawtni, tza pacn pax 'ayn muc'uc.

Salmos 102:3

Yujto lajn yec' in q'uinl 'icha tz'aj satchan̈ te tab', ax in b'aquil, caw wal tzn̈ilchj chan̈ sc'a'l tzwab'i, 'icha to wan stz'a'i.

Salmos 119:121

A tas wach' yet' tas tojol, a chi tzin b'eylb'ej, yuj cha, man̈ in ac' 'a yol sc'ab' eb' 'ajc'ojl yajch 'ayin.

Salmos 13:1

Mamin Jehová, ¿b'a'n̈ wal 'oj in a na coti? ¿Toc wal 'oj in 'atcn satc'ojlal oj 'a smasnil tiempo? ¿B'a'n̈ wal 'oj a ch'ox a b'a 'ayin?

Salmos 143:7

Mamin Jehová ta'wj in muc'uc, yujto wan yel wip tzwab'i. Man̈ e'l a sat 'ayin, colwjan̈ wet'oc, sec man̈ lajnoc tzin 'ajcn 'icha eb' chamnac.

Salmos 24:5

A eb' cha, 'oj scha eb' syaxilal Jehová Dios, ax schan pax eb' scolnb'il 'a 'a.

Salmos 44:24

¿Tas yuj tza c'ub'j 'el a b'a? ¿Tas yuj tzac' sat a c'ojl 'ayn̈ 'a scal qui yailal on̈?

Salmos 51:11

Man̈ in e'cn 'el 'a ojltac, man̈ e'l wal Espíritu to ecn̈ej yaj 'aych 'ayin.

Salmos 69:17

Man̈ in a patquilc can 'el an a checb' in tic, ta'wj in muc'uc, yujto 'ayn 'ec' 'a scal tas 'ay smay.

Salmos 69:18

Cotn̈ 'a in tz'ey, coln 'el 'a eb' 'ajc'ojl yajch 'ayin.

Salmos 88:1

Mamin Jehová in Diosal ach, in Colmal aji, sc'ual yac'wlil in c'ann a colwal 'a wib'an̈.

Is 50:1

A Jehová a tzaln 'ixtc 'a schon̈ab': Ex Israel, ¿tzam e na to an pechjnacx 'el 'icha junc winc tzpechl yistzil? Toto 'ixta' ¿'ajtil 'ay yun̈al pojjb'al 'a in cal eyet'oc? ¿Tzam e na'a to an tzex in chon̈b't yuj in b'oc yic tzex 'och mosoal? Ax tic yuj e mul eyijx 'at 'icha presoal, yuj e maysch'olnilal ex in pechn 'eli.

Is 59:2

¡Palta man̈ 'ichc ta'! A tas maysch'olnil tze b'o'o, a chi 'ayc' 'a e nan̈l yet' Dios. A jun tzo'n̈ e mul cha, a tz'ec' jen̈n 'a e nan̈l yet'oc, yuj cha, man̈xtzac snib'j yab' tas tzeyala.

Jeremías 32:40

'Oj in b'o jun in trato yet' eb' 'a jun 'ejmn̈ej, to man̈x b'a'n̈ 'oj woch wan in b'on tas wach' 'a eb'. 'Oj wa'ch in b'a 'a snab'en eb' yic wach' caw 'ay wel'ch 'a sat eb', sec man̈x 'a b'a'n̈ 'oj yi'l sb'a eb' 'a in tz'ey.

A Ch'an̈ Carta D'a Eb' Hebreo 13:5

Man̈ cojxnoc 'a tumn 'aj tzca'c 'och qui nab'en qui sayni. Tzalj coyc cab'n̈ej yet' tas 'ay 'ayn̈ junjn on̈ec, yujto yaljnac Dios 'ixtic: Ma'oj ex wactc cani, may b'a'n̈ 'oj e can e ch'ocoj, xchi.

A Ch'an̈ B'ab'el Libro Samuel 7:12

Xlajw cha, 'ix yi'n cot Samuel jun q'uen niwquil q'ue'en, 'ix ya'n can 'ejm 'a snan̈l Mizpa yet' Sen. 'Ix ya'n can scuch Eben-ezer, xyaln 'ixtic: 'Ix colwjn̈ej Jehová quet'ec masnto 'a jun c'u tic, xchi.