Salmos 26:2 - Chuj San Sebastian Bible

² 'Ilt in wal Mamin, 'a'lj in prowal. Say el in nab'en yet' in pixan.

Chuj San Mateo Bible

² Mamin, ilin, b'eytzitej in pensar yed' tas tzin nib'ej.

Salmos 26:2 ပူးပေါင်းရင်းမြစ်များ

Job 13:23

Al 'ayin 'ajtil xlaj 'och in mul, 'ajtil 'ay tas tu xwutej. 'Ajtil 'ay chi 'aj in 'ec' 'a yib'an̈.

Salmos 17:3

Ach tic Mamin, caw ojtac tas 'ayc' 'a in nab'en. 'A junjn 'ac'wal tzwul in a b'eyc'ojlani, tzin a'n prowal, palta may in mul tz'ilchj o'oj. May 'aj 'ix wal jun tzo'n̈ paxti to man̈ smojc walni.

Salmos 66:10

Ach qui Diosal on̈, ach on̈ a'lj prowal, on̈ a sacb'tzej 'icha tz'aj sacb'tzax q'uen plata.

Salmos 7:9

Yujto Dios ach, caw tojln̈ej a nab'en; ojtac tas yaj snab'en eb' 'anma', yet' tas c'ultac yaj 'a snab'en eb'. Sat cab' 'el eb' maysch'olnil sb'eyb'al, palta ax eb' wach' sb'eyb'al, 'ac' ste'nal eb'.

Jeremías 20:12

Mamin Jehová, tztac' oj smasnil, ach tza b'eyc'ojlej eb' tojl sb'eyb'al, tzel tas tzna eb'. Ch'ox wal wila', tas 'oj otc a'n 'och syailal jun tzo'n̈ 'anma tic, yujto tox 'ix wa'cn 'ab'enal in b'a 'a yol a c'ab'.

Zacarías 13:9

A eb' 'oj can cha, 'oj wac' yab' eb' syail yic tz'elcn smaysch'olnilal eb', 'icha tz'aj yel slumal q'uen plata 'a scal c'ac', 'icha pax tz'aj sb'o q'uen oro. 'Oj lajwc cha, ax yaln sb'a eb' 'ayin, ax in ta'w 'a eb'. 'Oj walch eb' in chon̈b'oc, ax yaln eb' 'ixtic: A Jehová, atn qui Diosalec, 'oj xchic eb', xchi Dios.