Salmos 2:7 - Chuj San Sebastian Bible

⁷ Ax Yunnal Dios a tzaln 'ixtic: 'Oj walcn 'el tas sna Jehová, yujto xyalcn 'ixtc 'ayin: A 'a jun c'u tic, 'ix wac' checljoc 'eli to Wunnal ach.

Chuj San Mateo Bible

⁷ Axo Vin̈ Rey Sic'b'ilel chi' tz'alani: Svalcanel tastac ix sna Jehová. Ix yal d'ayin: A d'a jun c'u tic, tzin ch'oxeli to Vuninal ach.

Salmos 2:7 ပူးပေါင်းရင်းမြစ်များ

A Ch'an̈ Schab'l Libro Samuel 7:14

An 'oj woch mamb'il-l 'a 'a, ax 'oj 'och 'unnab'ilal 'ayin. Toto 'ay 'aj 'oj 'och smul, 'oj wa'ch syailal, 'icha tzyac' junc mamb'il tz'a'n 'och tz'um 'a junc yunnal,

Job 23:13

Toto 'ay tas tznib'j Dios tzb'o'o, toc 'ay mach tztac' stenn 'och wa'an, tzb'on̈j 'icha tas tzna cha.

Salmos 148:6

A 'ix b'on smasnil jun tzo'n̈ tic, sec 'ayc' 'a smasnil tiempo. 'Ix yaln can paxi, to may tz'aj sjelmj eb'.

Salmos 89:27

An xo 'oj wac' yopiso 'icha win b'ab'l 'unnab'il, 'ec'b'al 'oj 'aj 'a yib'n̈ smasnil eb' rey 'ay 'a yolyib'n̈q'uinl tic.

Is 46:10

A 'a yictax pecti', waln cani tas 'oj ujc 'a slajb' c'ual. Waln cani to 'oj ujc tas nab'il wu'uj, 'oj in b'o smasnil tas tzin nib'ej.

Mt 16:16

Yuj cha, 'ix ta'w Pedro 'ixtc 'a 'a: —Ach tic Cristo ach, Yunnal ach Dios pitzan, xchi 'a 'a.

Mt 17:5

Wanto spaxtin Pedro cha, 'ix 'eml jun 'asn caw tzictzni yilx 'a yib'n̈ eb'. Xlajw cha, 'ix alx 'emt jun paxti 'a scal 'asn cha, 'ix yaln 'ixtic: —Atn jun Wunnal tic chamc'ojlb'il wu'uj, caw tzin tzalj yet'oc. 'A'c 'och e chicn 'a tas tzyala, xchi.

Mt 3:17

'Ix yab'n eb' yalx 'emt jun paxti 'a satcha'an̈, 'ix yaln 'ixtic: —Atn jun tic Wunnal, caw chamc'ojlb'il wu'uj, caw wal tzin tzalj yet'oc, xchi.

Mt 8:29

'Ix q'ue yaw eb' yaln 'ixtc 'a Jesús: —Jesús, ach Yunnal Dios, ¿tas aln ec 'ayn̈ on̈? ¿Tom tzach jaw on̈ wul extc mu'c on̈, yic mantzac jaw stiempoal? xchi eb' 'a 'a.

Jn 1:14

A jun Spaxti Dios sb'i cha, 'ochnc 'anma'il. Wulnc 'ec' 'a qui calc jun tiempoal. A jun cha, caw yel. Niwn swach'c'ojlal Dios xwul sch'ox 'ayn̈ec. 'Ix quil on̈ caw niwn yel'chi, yujto cojxn jun chi Yunnal Dios, checb'il cot yuj Smam.

Jn 1:18

May junc mach 'ix 'iln Dios jun 'ejmoc. Palta a jun c'otn̈ Yunnal to Dios paxi, a ch'oxjnac 'eli. A Yunnal tic caw chamc'ojlb'il yu'uj.

Jn 3:16

Man̈ jantcoc schamc'ojlal Dios 'a eb' 'anma 'a yolyib'n̈q'uinl tic. Yuj cha, wach'xam jun c'otn̈ in an Yunnaln tic, in ya' coti, sec wach' jantcn̈ej eb' tzin 'a'n 'och 'a sc'ojol, ma'oj satcn 'el eb', palta 'ay sq'uinl eb' 'a jun 'ejmn̈ej.

A Tas Sc'ulejnac Eb' Schecab' Jesús Hechos 13:33

Ya'jnac can pax sti 'ayn̈ec, yujto yin̈tl on̈ec eb' qui mam quichmec cha. Yic 'ix pitzw pax Jesús, 'ix 'el'ch tas yaljnac can cha, yic ya'n can sti'. 'Icha yaj stz'ib'x can 'a ch'an̈ schab'l Salmo, 'aj tzyal 'ixtic: Ach tic Wunnal ach. A 'a jun c'u tic, 'ix wac' checljoc 'eli to 'ixta aji, xchi Dios.

A Tas Sc'ulejnac Eb' Schecab' Jesús Hechos 8:36

Yic wan s'at eb' 'a yol b'e, 'ix c'och eb' 'a jun a a'. 'Ix yaln win 'aj Etiopía chi 'a Felipe 'ixtic: —Yaj jun a 'a tic. ¿Mamtzac stac' tzin a'cn bautisar ticnec? xchi winac.

Ro 1:4

Ax Yespíritu Dios, a ch'oxni to yel Yunnal Dios, to caw 'ay spoder, yujto 'ix 'ajx pitzwc 'a scal eb' chamnac.

A Ch'an̈ Carta D'a Eb' Hebreo 3:6

Palta ax Cristo, yiclum yutjnac sb'a, yujto Yunnal Dios. A 'aych Yajlil 'a yib'n̈ eb' yunnal xo Dios yet'oc. Toto te'n tzcutjec qui b'a ca'n 'och qui c'ojl 'a 'a, toto tzon̈ tzalji, tzca'nec 'och yipc qui c'ojol, [masnto 'a slajb' qui q'uinal,] to 'ixta', yunnaln̈ec xo Dios tzyal cha.

A Ch'an̈ Carta D'a Eb' Hebreo 5:5

An̈jtona', 'ixta pax Cristo. Ma'ix scomn 'a'j 'och sb'a sat ya'malc 'och qui tic 'a Dios. Yujto a Dios 'a'jnac yopiso, 'icha yaj yaln 'ixtc 'a 'a: A 'a jun c'u tic, 'ix wac' checljoc 'eli to Wunnal ach, xchi.

A Ch'an̈ Carta D'a Eb' Hebreo 5:8

Wach'xam Yunnal, palta yuj jun tzo'n̈ yailal yab'jnac, snachj 'el yu'uj, chajtl yutj syiclni.