Salmos 143:2 - Chuj San Sebastian Bible

² Man̈ in a b'eyc'ojloc an a checb' in tic, yujto may junc 'anma tojl 'a ojltac.

Chuj San Mateo Bible

² Man̈ a c'anb'ej tas vaj a in a checab' in tic, yujto malaj junoc mach vach' yaj d'a a sat.

Salmos 143:2 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 8:46

Q'uinloc 'ay 'aj 'oj 'och qui mul 'aych on̈, yujto 'in may junc 'anma matz 'och smul, ax scot am owl 'ayn̈ on̈, ax am on̈ a'n 'a yol sc'ab' ewin 'ajc'ojl yajch 'ayn̈ on̈, ax on̈ yi'n can 'at ewin 'icha presoal 'a junc xo chuc chon̈b'al 'a najat, mto 'a lac'an.

Job 14:3

Ach tic Mamin, q'ueln ach 'ochn̈ej 'ayin, tza nib'j wal tzin a b'eyc'ojlej.

Job 15:14

Toc 'ay junc 'anma to caw wach', yic may jac smul tz'ochi.

Job 25:4

Toc 'ay junc 'anma may smul 'a sat Dios, toxn may xon mach wach'.

Job 4:17

A junc 'anma chamlb'a yaji, ¿tom tztac' yalni to caw tojl tzyutj sb'a 'a sat Dios? ¿Tom tztac' yalni to may jac smul 'a sat jun mach b'ojnac?

Salmos 130:3

Q'uinloc a qui mul tza say el on̈, ¿mach wal junc 'oj ste'wtzoc sb'a 'a ojltac Mamin Jehová?

Ex 34:7

Caw 'ay in chamc'ojlal 'a yib'n̈ smasnil 'anma'. 'Ay in niwnc'ojlal 'a yib'n̈ eb' yuj smaysch'olnilal. Niwn tzwutj in c'ojl 'a yib'n̈ eb' yuj smul tzlaj 'ochi, palta a eb' 'ay smul cha, matz cann̈j eb' 'ixta'. Yowlal 'oj jawc yailal 'a yib'n̈ eb' mamb'il yet' 'a yin̈tl eb' b'aq'uin̈, xchi Dios.

Ec 7:20

Palta may junc on̈ec caw tojl qui b'eyb'al 'a yolyib'n̈q'uinl tic, yic to may 'aj tz'och qui mulec.

Ro 3:20

May junc mach wach' 'a sat Dios, yujn̈ej tzyiclj tas tzyal jun ley cha. Yujto a jun ley cha, cojn 'ay yopiso sch'oxni to 'ajmul on̈c qui masnil.

Gl 2:16

Palta cojquec, may junc mach tz'och wach'l 'a sat Dios, yujn̈ej syiclni ley yic Moisés cha. Cojxn eb' tzya'ch sc'ojl 'a Jesucristo, an̈j eb' wach' 'a sat Dios. An̈jtona an̈ tic on̈, tzca'ch pax qui c'ojl 'a Jesucristo eyet' on̈, sec wach'n̈ pax 'a sat Dios on̈. Yujn̈ej ca'n 'och qui c'ojl 'a Cristo on̈, wach'n̈ 'a sat Dios on̈. Man̈ yujoc qui yiclni ley yic Moisés, wach'n̈ on̈. Yujto may junc mach wach' 'a sat Dios, yujn̈ej to tzyiclj tas tzyal jun ley cha.

1 Jn 1:10

Toto tzcalec to may 'aj tz'och qui mulec, wan calnec to a Dios tzyac' 'es. Ax spaxti', toxn matz ca'c 'och 'a qui c'ojol.