Salmos 135:9 - Chuj San Sebastian Bible

⁹ A wal 'a yol chon̈b' Egipto, ata 'ix sch'ox 'ilxoc spoder to satjub'tac yilxi, yic xya'n 'och syailal win sreyl Egipto chi yet' smasnil eb' 'aych yajlil yet'oc.

Chuj San Mateo Bible

⁹ A d'a snan̈al chon̈ab' Egipto chi', ay juntzan̈ tas te satub'tac sc'ulejnac yic syac'an syaelal vin̈ rey yed' pax eb' schecab' vin̈.

Salmos 135:9 ပူးပေါင်းရင်းမြစ်များ

Nehemías 9:10

Ach 'ix a b'o jun tzo'n̈ niwc milagro satjub'tac yilx 'a sat win sreyl Eigpto, 'a sat smasnil eb' schon̈b' 'a yol snacion̈ cha, yujto ojtac chajtl wal xyutj eb' yixtn eb' qui mam quichm on̈. Caw niwquil tz'aj sb'inax a b'i 'icha 'a jun c'u tic.

Salmos 136:15

A 'ix 'a'n can 'at win faraón yet' eb' soldado 'a yich a Chac Mar. A schamc'ojlal Dios 'ayn̈j 'a smasnil tiempo.

Salmos 78:12

A Dios 'ix sb'o tas satjub'tac yilx 'a yojltac eb' qui mam quichmec, atn 'a Soán 'a yol yic Egipto.

A Tas Sc'ulejnac Eb' Schecab' Jesús Hechos 7:36

Atn Moisés chi x'i'n 'elt eb' quit chon̈b' 'a Egipto. Chawinc ab'il 'ix sch'ox jun tzo'n̈ milagro 'a Egipto cha, yet' 'a a Chac Mar sb'i, yet' pax 'a lum cusltac lu'um.

Dt 4:34

¿Tom 'ay junc xo dios, tox x'i'n 'elt junc schon̈b' 'a scal junc xo chon̈ab' 'icha wal on̈ yutj Jehová on̈ yi'nec 'elt 'a Egipto? Til wal tas ujnac ta'. Eyiljnac milagro, xiwc'ojlal, owal. Yet' wal sjelnal on̈ yi'nec 'elt 'a Egipto cha.

Dt 6:22

An̈ tic on̈, 'ix quil wal jun tzo'n̈ niwc milagro caw satjub'tac yilxi, 'ix sch'ox Jehová yil win rey cha, yet' pax 'a smasnil eb' yit chon̈b' winac.