Salmos 128:2 - Chuj San Sebastian Bible

² A yic 'oj 'el-loc sat tas 'awb'il yuj eb', 'oj sc'ux eb' 'a tzaljc'ojlal. Caw wach' 'oj 'ec' tiempo yuj eb'.

Chuj San Mateo Bible

² D'a tzalajc'olal ol yab'lej sat tas syavej, te vach'n̈ej ol elc'ochoc.

Salmos 128:2 ပူးပေါင်းရင်းမြစ်များ

Gn 3:19

'Oj 'el yalil snan̈l a sat, ax yilchj tas 'oj a c'uxu', masnto 'oj a meltzj 'a lum lum tic jun 'ejm xo, yujto a 'a lum ach coti, yuj cha, 'oj a meltzj can pax 'och lumal jun 'ejm xo, xchi Dios.

Salmos 1:3

Smasnil tas tzb'o eb', caw wach' tz'aj 'el'chi. A eb' cha, lajn wal eb' 'icha junc te te 'ayc' 'a sti junc a a', tzyac' sat 'a stiempoal, may pax b'a'n̈ tzpucl xi'il.

Salmos 109:11

A win tz'a'n q'uen tumn majnil, a cab' win tz'i'n can smasnil tas 'ay 'a eb', ax eb' chuc 'anma'il, a cab' eb' tz'i'n can 'ec' smasnil jac tas tz'el-l 'a smunljel eb'.

Ec 8:12

Wach'xam 'ay 'anma 'ipn ya'n 'och smul, palta najtl pax tzyila, cojn tas wojtac, to a eb' 'ay yel'ch Dios 'a sat, caw wach' 'oj 'el'choc eb' 'a yib'n̈ eb' maysch'olnil cha.

Is 3:10

Al yab' eb' 'anma wach' snab'en, to caw wach' yic eb', yujto 'oj tzaljoc eb' yiln 'och spac tas tzb'o'o.

Is 62:8

Yuj cha, yet' wal spoder Jehová xya'n can sti 'ixtic: Man̈x 'a wal b'a'n̈ 'oj wac' swa eb' 'ajc'ojl e trigo, ax wa'n yuc' eb' chuc chon̈b'al eyal uva tzeyij 'a e munljel.

Is 65:13

Palta tzwal 'ayex, to a eb' in checab' 'ay tas 'oj sc'ux eb', ax xo tic, 'oj e cham yuj wejel. 'Ay tas 'oj yuc' eb', ax xo, 'oj e cham yuj tacn̈ti'al. 'Oj tzaljoc eb', ax xo, to 'oj e q'uixw can 'eli.

Jeremías 22:15

¿Tom tza na'a, to yujn̈ej 'aych 'ec' 'a yol junc n̈a nab'a c'ute 'aych 'a 'a, yuj cha, ax a b'inax reyl si'mb'il? A 'a mam, caw 'ix yac' tzaljoc sc'ojol, yujto tojl xyutj sb'a, wach'n̈j tas sb'o'o, yuj cha, wach' 'ix 'aj 'el'chi.

1 Co 15:58

Yuj cha, ex wu'tac, ex wanb' chamc'ojlb'il wu'uj, caw te'n tzeyutj e b'a. Man̈ e choyb'tzoc e b'a. Yet' smasnil e c'ojol, tzex munlj 'a yic Cajlil 'a smasnil tiempo, yujto eyojc xoni, a jun munljel tzqui b'o 'a yol sc'ab' Cajlilec, caw man̈ nab'an̈ejoc.

Ef 6:3

Yujto tzyal pax 'ixtic: Toto 'ixta', caw tzaljc'ojlal eyico'. 'Oj najtxb'oc e q'uinl 'a yolyib'n̈q'uinl tic, xchi jun checnb'il cha.

Dt 28:11

A Jehová caw 'oj sch'ox swach'c'ojlal 'ayex, til wal 'oj 'aj eyunnal. Til wal 'oj 'aj yune e cajb'en noc'. Til wal pax 'oj 'aj sat eyawb'en 'a sat lum lum 'aj ya'jnac sti ya'n 'a eb' qui mam quichmec.

Dt 28:39

'Oj eyawc cob' te uva, ax e tan̈wni yel-l cob'i', palta may xon sat te uva chi 'oj e molo', may xon yal uva 'oj eyuc', yujto an̈j sc'ocholal sat lum lum chi 'oj c'uxnc 'ejmi.

Dt 28:4

'Oj 'ajxoc yaxilal 'a yib'n̈ eb' eyunnal, 'a yib'n̈ smasnil eyawb'en, 'a yib'n̈ e cotc wacax, e cotc calnelu, e cotc chiwo yet' 'a yib'n̈ yune smasnil jun tzo'n̈ xo e cajb'en noc'.

Dt 28:51

'Oj schi eb' yune smasnil e cajb'en noc', ax sc'uxn eb' sb'al sat e lu'um, masnto 'oj e lajw 'el yuj eb'. Man̈x 'a e trigo 'oj yactc can eb', e yal uva, yet' eyaceite. Man̈x 'a pax e cotc wacax, e cotc calnelu mto e chiwo 'oj can yuj eb'. Yuj cha, 'oj e cham yuj wejel.

Dt 28:8

A Jehová 'oj ya' cot syaxilal 'a yib'n̈ e c'un̈a yet' 'a yib'n̈ smasnil tas tze b'o'o. 'Ixta wal 'oj yutc ya'n e tzaljc'ojlal 'a sat lum lum 'oj yac' 'ayx cha.