Salmos 12:2 - Chuj San Sebastian Bible

² Cojxn̈ej 'es tzlaj yal-lac eb' 'a junjn 'anma', tzlaj yixtn paxti sb'a eb' 'a chab'satil.

Chuj San Mateo Bible

² Syesej eb' d'ay junjun. D'a chab'satil slolon eb' d'ay junjun yic slaj yixtan sb'a eb'.

Salmos 12:2 ပူးပေါင်းရင်းမြစ်များ

1 Cr 12:33

'A eb' yin̈tl Zabulón 'ay 50 mil eb' soldado caw wal stiempo s'at 'a owal, yet' eb' junjn c'aj smasnil yamc'ab' yic owal, tzya'ch eb' 'a sc'ojl s'at 'at scol David, may schab'c'ojlal eb'.

Salmos 10:7

Cojn catb' paxti tzyal eb', tzlaj ya'n eb' 'es, tzlaj xib'tw eb' yet' spaxti', an̈j maysch'olnil tzyal eb'.

Salmos 116:11

Yuj cha, 'a sji'lti'al xwalni to smasnil 'anma', 'a'm 'es eb'.

Salmos 144:8

eb' tzaln tas man̈ yeloc, eb' tzyac' sti' yic tzya'n eb' 'es.

Salmos 28:3

Man̈ junc tzotj e'n 'ec' in q'uinl yet' eb' maysch'olnil sb'eyb'al. Wach' cob' tzyutj paxtinc sb'a eb', palta ax 'a snab'en eb', cojxn̈ej maysch'olnil nab'il yuj eb'.

Salmos 38:12

A eb' tzin nib'n milnc chamoc, tzlaj yac' 'ejm eb' yal 'a wojltac. A eb' tznib'n juwc 'el in nab'en, tzlaj b'ey sti eb' 'a in patic, sec tzin juw can 'el yuj eb'. Junjn c'u tzsayn eb' tas tzin yutej.

Salmos 41:6

Tzwulc eb' in yila', palta man̈ yet'c smasnil sc'ojl eb'. Ton̈j tzlaj wul smaclc eb' in yila', ax yic tzpaxx eb' 'a yol b'e, tzlaj yalnc can 'el eb' in peclal.

Salmos 5:9

¿Tom 'ay paxti yel tzlaj yal eb'? An̈j tas tu tzna eb'. Yuj tas tzyal eb' cha, yuj chi tz'atcn eb' 'anma 'a chamel. Tzyal eb' wach' paxti 'a chab'satil.

Salmos 55:21

Caw tzc'unni spaxtini, palta ax 'a snab'en, cojxn owl tznib'ej. 'Icha wal aceite tz'och 'a junc lajwel, 'ixta slab'b'il spaxtini. Ticni man̈ yeloc, lajn wal spaxti chi 'icha q'uen espada caw jay ye.

Salmos 59:12

Tz'och smul eb' yuj smasnil tas tzyala; 'och cab' syailal eb' yuj sb'an̈quinal, yuj scatb' paxti', yet' pax yuj ya'm 'esal eb'.

Salmos 62:4

Cojn wal tas tz'aj sat 'ejm in b'inab'ilal, an̈j chi tze na'b'tan̈ej. Cojxn̈ej wal 'a'j 'es tze chamc'ojlej. Tzeyal cob' wach' paxti 'ayin, palta ax yet' e nab'en to tzin e catb'ej cani.

Pr 20:19

A junc alm peclal, man̈ yojcoc sc'ub'n 'el junc paxti c'ultac yaji, yuj cha, man̈ junc tzex 'ec' yet' jun alm peclal cha.

Pr 20:6

Til wal eb' tzalni to 'ayn̈j schamc'ojlal eb' 'ayn̈ec, palta jaywn̈ej eb' tztac' ca'nec 'och yipc qui c'ojol.

Pr 29:5

A mach ton̈j tz'ac yal wach' paxti 'a junc yit 'anma'il, wan ya'n 'ejm ch'an̈ yal 'a yojltac jun cha.

Jeremías 7:28

Al 'a eb' 'ixtic: Ax tic, jun 'ejmn̈ej caw tenmtac ex, matz e nib'j tzex 'ajx cuenta yuj Jehová qui Diosalec. Man̈x 'a 'aj tzb'inax yiclumal 'a e cal, xa chi 'a eb'.

Jeremías 9:8

A sti eb', lajn wal 'icha junc jul-lab' caw tojln̈ej scham 'anma yu'uj. Cojxn 'es tzlaj 'ec' yal-l eb'. Caw wach' cob' tzyutj eb' ya'lanc stzatzl sc'ojl junc swach'c'ojol, palta ax 'a snab'en eb', wan snan eb' tas tzyutj eb' ya'n telwc junc cha.

Ez 12:24

Yujto man̈x 'a mach 'oj cob' stz'ac yala', to 'ay tas tzyil 'a 'icha waychil, mto cob' 'oj sna chan̈ junc 'es paxti 'a scal eb' in chon̈b' cha.

Miqueas 7:2

'Icha te sat 'awb'ente cha, 'ixta waji, yujto man̈xtzac 'ilchj junc 'anma wach' sb'eyb'al, tojl snab'en 'a sat Dios 'a yol qui chon̈b'ec. A eb' wit chon̈b' cha, cojxn milj cham 'anma tznib'j eb' sb'o'. Tzlaj yac' 'ejm junjn eb' sch'an̈ yal 'a yol sb'e.

Ro 16:18

Yujto a eb' cha, man̈oc Cajlil Jesucristo tzyac' servil eb', an̈j jun tzo'n̈ tas tznib'j 'och sniwnal eb', an̈j tzyac' servil eb', caw tzyixtj paxti eb' jun tzo'n̈ eb' mantzac nachj 'el yu'uj. C'un tzcob' yutc eb' yalni, 'icha to wach' cob' chi tzyal eb', palta man̈ wach'oc.

1 Ts 2:5

Eyojtac, man̈toc ton̈j ex 'ec' cob' cal wach'l on̈. Man̈ yujoc ganar tumin 'ec' calnc 'el 'ayx on̈. Tzyil Dios, caw yel tzcal on̈.

Santiago 1:8

A eb' 'ay schab'c'ojlal, caw man̈ te'noc jac snab'en eb', yujto 'ixta xon sb'eyb'al eb'.