Salmos 10:2 - Chuj San Sebastian Bible

² A eb' tzb'on maysch'olnil caw tzyij chan̈ sb'a eb', tz'och eb' 'ajc'ojlal 'a eb' 'emmquilal yeq'ui; palta mun a eb' 'oj syaloc sb'a yet' jun sch'an̈ yal tzb'o cha.

Chuj San Mateo Bible

² Syic'chaan̈ sb'a eb' sc'ulan chucal, tz'och eb' ajc'olal d'a eb' meb'a', palta munil a eb' ol can d'a yol ch'an̈ yaal ix sb'oem chi'.

Salmos 10:2 ပူးပေါင်းရင်းမြစ်များ

Salmos 109:16

yujto may xon 'aj sna sb'a jac sc'ojol yic tz'o'ch sc'ojl 'a eb' meb'a', 'a eb' 'emmquilal yeq'ui yet' 'a eb' 'ay scusc'ojlal. A yico', to tzyixtjn̈ej eb' masnto tzcham eb'.

Salmos 119:122

'Ochn̈ in tan̈malc an a checb' in tic; man̈ in ac' yixtc eb' b'an̈quintac.

Salmos 119:5

Comnoc wal te'n tzwutj in b'a, sec wach' tzwutj in yiclni a checnb'il tic.

Salmos 119:69

A eb' b'an̈quintac, til wal 'es paxti tzyal eb' 'a wib'an̈; an xo tic, caw tzin yiclj a checnb'il 'a smasnil in nab'en.

Salmos 119:85

A eb' b'an̈quintac, eb' matz ya'ch sc'ojl 'a jun tzo'n̈ a cuynb'il tic, b'ob'ilx in jul-l yuj eb'.

Salmos 140:5

A jun tzo'n̈ b'an̈quintac 'anma cha, 'ix sc'ultac 'a'j 'ejm eb' syal 'a yol in b'e. 'Ix yac' 'ejm eb' ch'an̈ ya'al yet' jun tzo'n̈ 'icha chim 'a yol in b'e cha.

Salmos 31:18

Sictac cab' tz'aj eb' 'a'm 'es, yujto tzyal eb' b'uchwal paxti', tzpatquiln can 'el smasnil eb' 'anma wach' snab'en.

Salmos 36:11

Man̈ a cha jawc eb' b'an̈quintac 'a in tz'ey; an̈jtona eb' maysch'olnil, man̈ a cha in xib'tc eb'.

Salmos 59:12

Tz'och smul eb' yuj smasnil tas tzyala; 'och cab' syailal eb' yuj sb'an̈quinal, yuj scatb' paxti', yet' pax yuj ya'm 'esal eb'.

Salmos 7:16

A smaysch'olnilal yet' stu b'eyb'al eb', a 'oj cotcn 'a yib'n̈ eb'.

Ex 18:11

A ticnec, caw wal xwojquej 'eli to a Jehová, yel xo wal 'ec'b'al 'a yib'n̈ jun tzo'n̈ tzalx 'och diosal, yujto ex colx 'elt 'a yol sc'ab' eb' 'aj Egipto yu'uj, wach'xam niwquil cob' xyutj sb'a eb' 'a yojltac Jehová, xchi Jetro cha.

Ex 9:17

Wach'xam til wal jun tzo'n̈ yailal tzin ch'ox ela', palta an̈j 'ijnoc tza pitb'tzej a b'a, matz a chaj 'at eb' in chon̈b' tic.

Pr 5:22

A eb' maysch'olnil sb'eyb'al, mun a smaysch'olnilal eb' chi 'oj 'i'nc 'ejmi; mun a smul eb' chi 'oj jalnc 'ejm 'icha junc lasu.

Is 14:13

'Ix aln 'ixtc yet' a nab'en: 'Oj in q'ue'ch 'a satcha'an̈; ax in b'on chan̈ in despacho 'a yib'n̈ q'ue jun tzo'n̈ c'anal yic Dios, ax wem wocn 'a lum jolm tzaln 'ay 'a stojlal norte 'a 'aj tz'och yamnil.

Is 14:16

Ax eb' tzach 'iln 'ochi, caw tzsat sc'ojl eb' ach yilni, ax yaln eb' oj 'ixtic: Coyn wal to a jun winc tic tzlaj 'a'n 'ib'xoc lum lum tic, tzlaj ya'n lajwc 'el smasnil nacion̈.

Jeremías 43:2

ax Azarías yunnal Osías, yet' Johanán yunnal Carea, yet' jun tzo'n̈ xo eb' winc caw ch'a'an, 'ix yaln eb' 'ixtc 'ayin: 'Es paxti jun tzo'n̈ tzal cha. A Jehová qui Diosalec, toc a 'ix aln 'ayach to matz on̈ 'atc cajn 'a Egipto.