Rt 2:3 - Chuj San Sebastian Bible

³ Xlajw cha, 'ix 'at 'ix Rut 'a 'aj wan spolx cebada cha. 'Ix 'ec' si'nc chan̈ 'ix 'ixm sjolm xlaj can yuj ewin polm cebada cha. Ticni yic win Booz jun munljel 'aj xc'och 'ix cha, atn win 'ayt yuj sb'a yet' win Elimelec.

Chuj San Mateo Bible

³ Ix b'at ix Rut chi' b'aj van sjochchaj ixim cebada chi', ix och ijan ix sic'an ixim scan yuj eb' vin̈ sjochan ixim chi'. C'ocb'il val a jun munlajel b'aj ix c'och ix chi' yic vin̈aj Booz, aton jun vin̈ ayto yuj sb'a yed' vin̈ xilb'a Elimelec chi'.

Rt 2:3 ပူးပေါင်းရင်းမြစ်များ

A Ch'an̈ Schab'l Libro Samuel 1:6

'Ix ta'w win quelm cha, xyaln 'ixtic: —C'uxn wal 'ayn 'ec' 'a lum jolm witz tzcuch Gilboa, ax xwilni n̈ojn xo q'ue Saúl chi 'a yib'n̈ slanza, tza'n pax sjaw eb' 'ajc'ojl chi yet' scaruaje yic owal, yet' eb' 'ay q'ue 'a yib'n̈ chej.

A Ch'an̈ Schab'l Libro Samuel 20:1

'Ay jun winc caw wal tu snab'en 'a eb' yin̈tl Benjamín, tzcuch Seba, yunnal Bicrí, c'uxn wal 'ayc' win 'a Gilgal cha. A win Seba tic 'ix yutz'j scacha. 'Ix q'ue somnjoc eb' chon̈ab', 'ix yaln win 'a eb' 'ixtic: An̈ec tic may calnec quic yet' David, atn jun yunnal Isaí, junjn on̈ an̈ israel on̈ec tic, tzon̈ paxc 'a catut, xchi 'a eb'.

A Ch'an̈ Schab'il Libro Yic Yab'ixal Eb' Rey 8:5

Ya' sb'a wanto yaln Guiezi chi yab'xil tas 'ix yutj Eliseo ya'n pitzwc pax yune jun 'ix 'ix cha, 'ix jaw 'ix wul sc'an yatut yet' slu'um. Yuj cha, 'ix yaln Guiezi 'a win rey 'ixtic. —Mamin rey, atn jun 'ix tic tzwala, atn pax jun yune 'ix tic ya'jnac pitzwc Eliseo, xchi.

Mt 10:29

'Iltec e no cotc ch'ic. A yic tzchon̈x e no', chawn̈ e no 'a centavo, palta may junc e no tzcomm chami toto man̈ 'ichcta tznib'j qui Mam Dios.

Lc 10:31

Ax jun win ya'mal 'och qui ti 'a Dios, 'ix 'ec' 'a jun b'e cha, ax xyiln sb'a t'ocn 'ec' winac, palta c'ax 'e'l x'eq'ui.

2 Ts 3:12

Ax 'ixta tzeyutj e b'a, a 'ayx tzcalb't jun checnb'il tic on̈. Yuj Cajlil Jesucristo tzcham caln 'at 'ayx on̈, caw tzex munlj 'a tzaljc'ojlal, sec 'ay e gasto.

Rt 2:2

Ax 'ix Rut cha, 'ix yal 'ix 'a 'ix Noemí 'ixtic: —Tzin tew 'ayach, to tzac' in permiso tzin 'at 'a 'aj wan yoch polj cebada, toq'ue 'ay junc polm cebada tzchaj sc'ojl in si'n chac sjolm quic 'a spatctaquil, xchi 'ix. —'Ixc 'an, xchi 'ix Noemí cha.

Rt 2:4

Wanto si'n chan̈ 'ix sjolm 'ixm xlaj can yuj ewin polm cebada cha, 'ix jaw win Booz cha, spet win 'a Belén. 'Ix yaln win 'ixtc 'a eb' smunljum cha: —A cab' Jehová 'aych eyet'oc, xchi. 'Ix ta'w ewin 'a win 'ixtic: Ya' cab' Jehová syaxilal 'a eb'an̈, xchi ewinac.