Rt 2:20 - Chuj San Sebastian Bible

²⁰ 'Ix yaln pax 'ix Noemí: —Ya' cab' Jehová syaxilal 'a yib'n̈ jun winc cha, yujto caw wal wach' xyutj snab'en 'ayon̈, 'ixtnta pax yutjnac snab'en 'a win wichmil chamnac. A jun winc cha, 'ayt cuj qui b'a yet'oc, yuj cha, to 'ay yaln yic on̈ scolni, xchi 'ix.

Chuj San Mateo Bible

²⁰ Ix yalanxi ix yalib' ix chi' icha tic: —Yac'ocab' svach'c'olal Jehová d'a yib'an̈ vin̈aj Booz chi', yujto vach' syutej spensar vin̈ d'ayon̈ a on̈ pitzan on̈ tic, icha yutejnac spensar vin̈ d'a eb' vin̈ co chamnac. Ix yalanxi ix: —A vin̈ chi' te ayto cuj co b'a yed' vin̈, yuj chi' smoj ton scolvaj vin̈ d'ayon̈, xchi ix.

Rt 2:20 ပူးပေါင်းရင်းမြစ်များ

A Ch'an̈ Schab'l Libro Samuel 2:5

yuj cha, 'ix schecn 'at David chi jun tzo'n̈ eb' schecb' 'at yal 'a eb' 'ixtic: Ya' cab' Jehová syaxilal 'a eyib'an̈, yujto caw 'ix 'o'ch e c'ojl 'a Saúl, atn jun eyajlil, wach' eyutjnac e mucni.

A Ch'an̈ Schab'l Libro Samuel 9:1

'Ix yaln David 'ixtic: ¿'Ayt am junc yin̈tl Saúl xcani, 'a 'aj wach' tzin colwj yuj in chamc'ojlal 'a Jonatán? xchi.

Job 19:25

Wojtac to a jun mach tzin colni, pitzan, ax 'a slajb' c'ual, 'oj jawc in wul yi' chan̈ 'a sat lum tic.

Pr 17:17

A junc mach wach' xon cajc yet'oc, 'aychn̈ej quet'oc. A yic tzjaw qui yailal, 'icha wal to cu'taquec qui b'a yet'oc, 'ixta tzyutj sb'a.

Lv 25:25

Toto 'ay junc eyit chon̈b' tzlajw 'ejm jac tas 'a 'a, yuj cha, tzchon̈n 'och slum 'ayex, to 'ixta', ax junc yican la'nto scal yet'oc, a tztac' smann can pax 'ec' lum lum cha.

A Scarta San Pablo D'a Eb' Aj Filipos 4:10

A ticnec, caw tzin tzalj 'a Cajlilec, yujto in e na paxt jun 'ejm xo, yic eya'n cot e colwal 'ayin. Wojtac, an̈ja nan in eyu'uj, palta may wal 'aj tzeyac' cot e colwal 'ayin, yujto matz tac' eyu'uj.

Rt 2:21

'Ix yaln pax 'ix Rut cha: —An̈jtona', 'ix yaln pax win 'ayin, to tzta'n̈j in 'at in sic' chacx in cebada cha. An̈j ab' yet' eb' 'ix ya'mal servil win chi tzin 'eq'ui, masnto tzlajw 'ec' 'ixim, xchi 'ix.

Rt 3:12

Wal yel 'ayt wuj in b'a et'oc, palta 'ayt junx win caw wal 'ayt oj a b'a yet' 'a wib'n̈ an tic.

Rt 4:14

Yuj cha, xyaln smasnil eb' 'ix 'ix 'a 'ix Noemí 'ixtic: —Alx cab' wach' paxti 'a Jehová, yujto 'ix yac' jun eachicn elmaloc. Comnoc niwn tz'aj sb'inax jun eachicn tic 'a qui cal an̈ israel on̈c tic.

Rt 4:4

Yuj cha, tzwaln ab'i'. Tope tza mancn lu'um. Toto tzej lu'um, 'a sat eb' testigo tic yet' 'a eb' yichm wincal chon̈b' tic, tzaln cani to tzej lu'um, yujto caw 'ayt oj a b'a yet' win Elimelec cha. 'Ay aln ec a mann can 'ec' lu'um. Palta toto matz a mancn 'ec' lum jun, tzal 'ayn ticnec, yujto an tic, schac'ajil xoj waji. Yuj cha, 'ay pax waln wic in mann 'ec' lu'um, xchi win Booz. 'Ix ta'w winac, 'ix yaln win 'ixtic: —'Oj in man lu'um, xchi winac.

Rt 4:6

Ax yic xyab'n winac to 'ixta yaji, 'ix yaln winac: —Toto 'ixta yaj jun cha, ma'oj stac' in mann lu'um, xjuwt 'el in macl tic yu'uj. Palta toto tza nib'j tza mancn lum ach tic, tztac' tza mancni. An tzwac' 'ayach, xchi winac.