Ro 9:8 - Chuj San Sebastian Bible

⁸ A jun tic, tzyal 'el'chi, may junc mach to yujn̈ej smam yicham, tz'och yunnalc Dios. 'Ay eb' yin̈tl Abraham pitzwnac 'eli, 'icha yaj ya'n can Dios sti 'a 'a. Cojn eb' yel yin̈tl Abraham 'a sat Dios.

Chuj San Mateo Bible

⁸ A jun tic syalelc'ochi to malaj junoc mach yuj smam yicham syal yoch yuninaloc Dios. A eb' yin̈tilal vin̈aj Abraham pitzvinaquel icha yutejnac Dios yac'annaccan sti' d'a vin̈, an̈ejton eb' yel yin̈tilal vin̈ d'a yichan̈ Dios chi'.

Ro 9:8 ပူးပေါင်းရင်းမြစ်များ

Gn 31:15

A yic winac, to 'icha xoj comn 'anma tzon̈ yutj on̈. 'Ilt nab'an, ton̈j on̈ schon̈l on̈, sc'uxn 'ejm win qui tojl xac' 'a yic xqui'n qui b'a et' on̈.

Salmos 22:30

Ach Cajlil on̈, a eb' quin̈tl b'a'n̈ on̈, 'oj yac' 'ejm sb'a eb' 'ayach, 'oj alxoc 'el ab'xil yuj eb' 'a eb' 'anma tot 'oj 'aljoc.

Salmos 87:6

Tz'ib'b'il yuj Jehová 'a yol slibro, 'a 'aj checl yaj sb'i eb' lum chon̈b' cha: A 'a Sión, ata 'elncta jun chon̈b' tic, xchi.

Mt 3:9

Man̈ laj eyal 'ixtic: May pena, an̈ec tic yin̈tl on̈ec can Abraham, man̈ xe chioc. Yujto an tzwal 'ayex, toto tznib'j Dios, tztac' tz'och jun tzo'n̈ q'uen q'uen tic yin̈tloc Abraham e jeloc.

Jn 1:13

A yic tz'och eb' yunnalc Dios, 'icha to tzat 'alj eb'. Palta man̈ lajnoc 'icha tz'aj yalj junc 'anma'. Man̈ yujoc tas tznib'j junc 'anma', tz'alj eb'. Man̈ yujoc tas tznib'j junc winac, palta a Dios tz'i'n 'och eb' yunnaloc.

Ro 8:14

Jantcn̈ej mach tzb'eylb'an 'icha tzch'ox Yespíritu Dios, atn eb' yel yunnal Dios cha.

Ro 8:16

Cojc junjn on̈ 'a qui pixan, to yel yunnaln̈ec xo Dios. An̈jtona', tzyaln pax Yespíritu 'ayn̈ec.

Ro 8:19

Smasnil jun tzo'n̈ tastc 'ay 'a yolyib'n̈q'uinl tic, caw tztan̈wj eb', tzmaclni eb' b'a'n̈ 'oj qui checlj 'el an̈ yunnaln̈ec xo Dios tic.

Dt 14:1

An̈ec tic, yunnaln̈ec xo Jehová Dios, man̈ ca'c lajwc qui niwnal yuj junc chamnc 'anma', man̈ qui joxlec xil qui jolm 'a snan̈l qui sat.

A Ch'an̈ Carta D'a Eb' Hebreo 11:11

Ax 'ix Sara, caw ya'jnac pax 'och 'ix Dios 'a sc'ojol. Yuj cha, wach'xam caw chichm xo 'ix si'mb'il, palta xyac' spoder 'a 'ix, sec tz'alj yune'. Yuj cha, 'ay jun yune 'ix x'alji, yujto ya'jnac 'och 'ix 'a sc'ojol, chajtlto a Dios ya'jnac sti 'a 'a, caw tz'el'ch tas tzyala.