Ro 9:7 - Chuj San Sebastian Bible

⁷ A eb' yin̈tl Abraham, man̈ smasnilc eb' yel yunnal Dios. Yujto yaljnac can Dios 'ixtc 'a Abraham cha: A 'a jun onnal Isaac, ata 'oj pitzwc can 'el eb' en̈tl sic'b'il 'el wu'uj, xchi 'a 'a.

Chuj San Mateo Bible

⁷ A eb' israel chi', yin̈tilal ton Abraham yaj eb', palta man̈ masaniloc eb' yel yin̈tilal vin̈ d'a yichan̈ Dios. Yujto yalnaccan Dios d'a vin̈aj Abraham chi' icha tic: A d'a vin̈aj Isaac tic ol b'eyn̈ejb'at jantac in̈tilal, xchicani.

Ro 9:7 ပူးပေါင်းရင်းမြစ်များ

Gn 21:12

Ax Dios 'ix aln 'a Abraham 'ixtic: Man̈ tac a c'ojl yuj win 'unn tic, yet' pax 'ix a'mal servil tic. Yiclj smasnil tas tzyal 'ix Sara, yujto a win Isaac, a win 'oj pitznc 'el en̈tl 'oj 'a'n b'inaxc a b'i.

Mt 3:9

Man̈ laj eyal 'ixtic: May pena, an̈ec tic yin̈tl on̈ec can Abraham, man̈ xe chioc. Yujto an tzwal 'ayex, toto tznib'j Dios, tztac' tz'och jun tzo'n̈ q'uen q'uen tic yin̈tloc Abraham e jeloc.

Lc 16:30

Yel ton mamin Abraham: Palta toto 'oj yil eb' spitzw pax junc mach 'a scal eb' chamnac, 'oj sna sb'a eb', xchi winac.

Lc 3:8

Toto tze na e b'a yuj e mul, yowlal wach' tzeyutj e b'eyb'al, sec tzcheclj 'eli chajtlto caw yel. Man̈ laj eyal 'ixtic: May pena, an̈ tic yin̈tl on̈ can Abraham, man̈ xe chioc, yujto an tzwal 'ayex, toto tzyal sc'ojl Dios, tztac' tz'och jun tzo'n̈ q'uen q'uen tic yin̈tloc Abraham chi e jeloc.

Jn 8:33

Palta xyaln pax eb' 'ixtc 'a 'a: —An̈ tic on̈, yin̈tl on̈ pax Abraham et' on̈. May jun 'ejmoc on̈ 'och ya'malc servil junc 'anma 'on̈. Yuj cha, ¿tas yuj tzal to 'oj quijx 'el 'a libre chi 'on̈? xchi eb'.

Gl 4:23

A jun 'aljnac 'a jun 'ix 'aych ya'malc servil cha, ton̈j 'aljnac, 'icha tz'aj yalj junjn 'anma'. Palta ax junx 'aljnac 'a jun mun yic sb'a yet' yichmil cha, yuj spoder Dios yalji, yujto ya'jnac Dios sti yu'uj.

Gl 4:28

Ex wu'tac, ex wanab', lajn on̈c 'icha Isaac. Yujto ya'jnac can Dios sti', on̈ 'ochc yunnaloc.

A Scarta San Pablo D'a Eb' Aj Filipos 3:3

Palta an̈ec xo, a 'a sat Dios 'ac'b'iln̈ec xo circuncidar 'a yel, yujto tzcalc qui b'a 'a Dios 'a 'esal. An̈j 'a Cristo Jesús 'aj tzon̈ tzaljec. Ax jun tas tzb'o 'a qui niwnalec, matz ca'c 'och xon jac yipc qui c'ojol.

A Ch'an̈ Carta D'a Eb' Hebreo 11:18

Yaljnacx Dios 'ixtc 'a 'a: Yuj Isaac, ax spitzw 'el en̈til, xchi.