Ro 9:5 - Chuj San Sebastian Bible

⁵ A jun tzo'n̈ ewin niwn yel'ch 'a sat Dios 'a pecti', atn ewin yin̈tl can smam yichm eb'. A Cristo 'ochnc yit chon̈b'oc eb', yic wul ya'nc 'och sb'a 'anma'il. A Cristo tic, Dios, Yajl yaj 'a yib'n̈ smasnil tas. Smasnil tiempo 'oj alxoc wach' paxti 'a 'a. 'Ixta cab' tz'aji.

Chuj San Mateo Bible

⁵ A juntzan̈ eb' nivan yelc'och d'a yichan̈ Dios d'a peca', aton eb' smam yicham eb'. A Cristo, ata' ul yac'nacoch sb'a animail, yochnac yetchon̈ab'oc eb'. A Cristo chi', aton Dios Yajal yaj d'a yib'an̈ smasanil tasi. Masanil tiempo ol aljoc vach' lolonel d'ay. Amén.

Ro 9:5 ပူးပေါင်းရင်းမြစ်များ

Gn 12:3

'Oj wac' in yaxilal 'a eb' wach' 'oj yutc snab'en 'ayach, ax eb' tu 'oj yutc snab'en 'ayach, 'oj in catb'oc can 'el eb'. O'oj ax wa'n yaxilal 'a yib'n̈ smasnil 'anma 'a yolyib'n̈q'uinl tic, xchi Dios.

Gn 49:10

May junc mach tztac' yi'n 'ec' a jelnal Judá; may mach tztac' yi'n 'ec' a c'occh yic opiso 'a yol a c'ab', masnto 'oj jawc yajl te c'occh cha, atn jun mach to smasnil eb' chon̈b' 'oj yiclnoc 'a 'a.

A Ch'an̈ B'ab'el Libro Yic Yab'ixal Eb' Rey 1:36

'Ix ta'w Benaía yunnal Joiada 'a win rey, 'ix yaln 'ixtic: —¡B'o cab' 'ixta', a cab' Jehová qui Diosalec mamin rey, a tzb'on can 'ixta'!

1 Cr 16:36

Alx cab' wach' paxti 'aych 'a smasnil tiempo Mamin Jehová, qui Diosal ach an̈ israel on̈ tic, xe chi, xchi David. 'Ix yaln smasnil eb' chon̈ab': ¡B'o cab' 'ixta'! xchi eb'. Xyaln eb' wach' paxti 'a Jehová.

Salmos 103:19

A Jehová sb'o sdespacho 'a satcha'an̈, ax ya'n Yajlil 'a yib'n̈ smasnil yolyib'n̈q'uinal.

Salmos 106:48

Alx cab' wach' paxti 'aych Mamin Jehová, qui Diosal ach an̈ israel on̈ tic on̈, yujto 'aychn̈ej 'ec' 'a smasnil tiempo. Yal cab' smasnil 'anma 'ixtic: B'o cab' 'ixta', xchi cab' eb'. ¡Alx cab' wach' paxti 'a Jehová!

Salmos 41:13

¡Alx cab' wach' paxti 'a Jehová, atn qui Diosal an̈ israel on̈c tic, ticnec yet' 'a smasnil tiempo! 'Ixta cab' tz'aji.

Salmos 45:6

Ach in Diosal Reych 'a smasnil tiempo. Ach tic 'aych 'och Yajlil, caw tojln̈ej tzotj a b'eyc'ojlwi.

Salmos 72:19

Alx cab' wach' paxti 'a sb'i 'a smasnil tiempo. B'inax cab' sb'i 'a smasnil yolyib'n̈q'uinl tic. 'Ixta cab' tz'aji.

Salmos 89:52

Alx cab' wach' paxti 'a sb'i Jehová 'a smasnil tiempo. B'o cab' 'ixta'.

Is 11:1

'Icha junc te yib'te tzwolni, 'ixta 'oj 'aj spitzw chan̈ jun yin̈tl Isaí.

Is 7:14

Yuj cha, caw a Dios 'oj ch'oxnc eyil junc senya cha: 'Ay jun cob's 'ix, 'oj pitzwc chan̈ jun 'unn 'a 'ix. 'Oj 'aljoc jun swinc 'unin, ax ya'n sb'ic Emanuel.

Jeremías 28:6

—Yel toni, comnoc tzb'o Jehová jun cha. Comnoc wal tzb'o 'icha jun tzo'n̈ paxti tzal cha. Comnoc tzyijx meltzjoc jun tzo'n̈ syamc'ab'il yatut 'ijxnac 'at 'a Babilonia, yet' pax smasnil eb' 'anma yamchjnac can 'ati.

Miqueas 5:2

A Dios a tzaln 'ixtic: A chon̈b' Belén tzcuch pax Efrata, wach'xam yunen̈ej chon̈b'al 'a scal jun tzo'n̈ xo chon̈b' 'ay 'a yol yic Judá, palta ata 'oj cot jun yajal, ax wa'n 'och syajlilc chon̈b' Israel. 'Oj 'eltoc 'a scal jun 'in̈tal eb' israel cha, a jun cha, 'ayc' xon 'a yic pecti', xchi Dios.

Mt 28:20

Tz'ec' laj e cuy eb', sec wach' jantcn̈ej tas waljnac can 'ayex, 'oj laj syiclc eb'. An tic 'ayn 'ec' eyet' 'a smasnil tiempo, masnto 'oj lajwc 'ec' yolyib'n̈q'uinl tic, xchi Jesús 'a eb'. [B'o cab' 'ixta']

Mt 6:13

Man̈ on̈ a cha 'ejmc yuj maysch'olnil on̈. Tzon̈ a coln can pax 'el 'a yol sc'ab' win syajlil maysch'olnil on̈. [Yujto smasnil tiempo cojn ach yajl ach. Caw niwn a poder, caw niwn el'chi. B'o cab' 'ixta', xe chi.]

Lc 20:44

'Ixta yutjnac David yalni, chajtlto a Cristo, Yajl yaj 'a 'a. Yuj cha, ¿tom yin̈tln̈ej David chi yaji? xchi Jesús 'a eb'.

Jn 10:30

An tic, caw lajn in yet' qui Mam Dios, yujto junn̈j 'anmal waj yet'oc, xchi Jesús 'a eb' 'aj Judea cha.

A Tas Sc'ulejnac Eb' Schecab' Jesús Hechos 20:28

Yuj cha, caw tzeyac' cuenta e b'a. Tzeya'n pax cuenta eb' creyente smasnil, yujto 'ac'b'il eyopiso yuj Yespíritu Dios eyiln eb' yiglesia Cajlil, atn eb' manb'ilx yico'oc yuj schiq'uil yic scham cujec.

A Tas Sc'ulejnac Eb' Schecab' Jesús Hechos 3:13

A qui Diosalec, atn sDiosal eb' qui mam quichmec, atn Abraham, Isaac, yet' Jacob, yu'uj, caw niwn x'aj yel'ch Jesús, atn Yunnal. Palta ax tic, xeya'ch 'a yol sc'ab' ewin yajal. A win Pilato, snib'j cob' win ya'l 'a libre. Ax xo, ma'ix yal e c'ojol.

Ro 1:25

yujto ma'ix ya'ch eb' sc'ojl 'a spaxti Dios caw yel. Ax ticnec, ax 'a jun tzo'n̈ 'es 'aj tzlaj ya'ch eb' sc'ojol. Ax 'a jun tzo'n̈ tas b'ob'il yuj Dios, ata tzyal sb'a eb', ata tzlaj yac' 'ejm sb'a eb'. Ax 'a Dios, matz yal sb'a eb'. Palta smasnil tiempo, smoj tzcalc wach' paxti 'a 'a. 'Ixta cab' tz'aji.

Ro 1:3

A jun wach' 'ab'x tic, atn yab'xil Cajlil Jesucristo, Yunnal Dios. A yic yalj Jesucristo, yin̈tl win rey David x'ajcni. Yuj cha, chequel to 'ochnc 'anma'il.

Ro 10:12

Wach'xam israel on̈ec, wach'xam man̈ on̈ israeloc, lajn on̈c qui masnil 'a sat Dios. Yujto a Cajlilec, Yajl yaj 'a quib'n̈ec qui masnil. Tzann̈j on̈ tzcalc qui b'a 'a 'a, til wal swach'c'ojlal tzyac' 'ayn̈ec.

Ro 11:28

A eb' wit israelal cha, 'ajc'ojl yajch eb' 'a Dios, yujto matz ya'ch eb' sc'ojl 'a jun wach' 'ab'x yic colnb'il. 'Ixta tz'aj eb', sec ax xo tztac' e colchji. Palta an̈ja schamc'ojlan Dios eb', yujto a si'jnac can 'el smam yichm eb'.

1 Co 14:16

Q'uinloc 'ay junc ex ticnec, tzeyal wach' paxti 'a Dios 'a junc chuc ti'al. Toto 'ixta', an̈j yet' e pixn tzeyala. Ax eb' 'ayc' eyet'oc, matz nachj 'el yuj eb' tas chi tzeyala. Yuj cha, a yic tzeyaln yuj diosal 'a Dios, matz tac' jun tzleslwi eb' eyet'oc.

2 Co 11:31

A Dios, atn Smam Cajlil Jesús, smasnil tiempo smoj tzalx wach' paxti 'a 'a. A 'ojtnac, chajtlto caw yel tzwala.

Dt 10:15

Yujto a Jehová caw wal 'ay schamc'ojlal 'a eb' qui mam quichmec, yuj cha, si'n can 'el yin̈tl eb', an̈ec ton tic sic'b'iln̈ec 'elt yuj 'a scal jun tzo'n̈ xo chon̈ab', 'icha ton tas wan quilnec tic.

1 Ti 3:16

A Dios 'a'jnac cojcoc 'el tas yaj qui cuynb'il. Wal yel, caw niwn yel'ch jun tzo'n̈ ch'oxb'il yuj 'ayon̈: A Dios, ya'jnac 'och sb'a 'anma'il. Ax Yespíritu aljnac 'eli, chajtlto caw tojl snab'en. Ax eb' ángel, x'och q'ueln eb' 'a 'a. 'Ix alx pax 'el yab'xil 'a jun tzo'n̈ xo nacion̈. 'Ay eb' 'a yolyib'n̈q'uinl tic tzya'ch sc'ojl 'a 'a. An̈jtona', 'ijxnac can pax q'ue 'a satcha'an̈.

1 Ti 6:15

A 'a yic 'oj jawc jun tiempoal 'icha tznib'j Dios, atta 'oj 'el'choc jun tic yu'uj. Yujto cojxn Dios 'ay spoder. Caw tzaljc'ojlaln̈ej yaji. A Dios, sReyl eb' rey, sYajlil pax eb' yajal.

2 Ti 2:8

Caw tza na cot Jesucristo, atn jun yin̈tl David pitzwnac pax 'a scal eb' chamnac. 'Ixta tzyal jun wach' 'ab'x yic colnb'il tzwal-li.

A Ch'an̈ Carta D'a Eb' Hebreo 7:24

Palta ax Jesús, man̈x b'a'n̈ 'oj chamoc. Yuj cha, smasnil tiempo 'ay yopiso ya'n 'och qui tic 'a Dios.

1 Jn 5:20

An̈jtona', cojquec paxi, wulnc 'ec' Yunnal Dios 'a yolyib'n̈q'uinl tic. A xjacn qui nab'enec, sec wach' tzcojquejec 'el Dios caw yel. Yuj cha, junn̈j cajc yet' jun caw yel cha, atn Jesucristo Yunnal. A jun cha, caw yel Dios. A tz'a'n qui q'uinlec 'a jun 'ejmn̈ej.

Apoc 1:18

Pitzn in. Wach'xam in chami, palta pitzn in 'a jun 'ejmn̈ej ticnec. An tic, yajl waj 'a yib'n̈ chamel, yajl pax waj 'a jun lugar 'aj 'ay spixn eb' chamnac.

Apoc 22:16

An Jesús in, 'ix in checb't jun wángel 'at yal jun tzo'n̈ tic 'ayach, sec 'oj alxc 'a eb' creyente 'a junjn iglesia. An tic, yin̈tl in can David, palta yuj in poder, pitzwnac 'el David cha. Lajn in 'icha jun niwquil c'anal sacb'su'un, caw tzictzni, xchi.

Apoc 22:20

A jun xaln jun tzo'n̈ tic, a tzaln pax 'ixtic: —Wal yel, jab'xoj wal 'oj in c'ochxi, xchi. B'o cab' 'ixta'. ¡Cotn̈ ach Cajlil Jesús!

Apoc 5:14

Ax eb' querubín schan̈wn̈il, 'ix yaln eb' 'ixtic: —B'o cab' 'ixta', xchi eb'. Ax eb' 24 'ichm winc cha, 'ix 'em cumn eb', 'ix yaln sb'a eb' ['a jun 'ayc' 'a jun 'ejmn̈ej.]