Ro 9:21 - Chuj San Sebastian Bible

²¹ Yujto a jun tz'acum, a 'ay yaln yic stz'acn lum 'icha tznib'ej. Wach'xam junn̈j slumal tzc'ana, palta 'ay yaln yic sb'on jun chen caw jay, tzb'on pax junc pim tzyutej.

Chuj San Mateo Bible

²¹ Yujto a jun tz'acum, ay yalan yic stz'acan luum icha d'a sgana. Vach'chom junn̈ej slumal sc'ana', palta ay yalan yic sb'oan junoc te vach' yilji yed' junoc palta yilji.

Ro 9:21 ပူးပေါင်းရင်းမြစ်များ

Pr 16:4

A Jehová, a xb'on can smasnil tas yic tz'el'ch tas nab'il yu'uj; an̈jtona', a 'ix aln cani to a eb' 'anma maysch'olnil snab'en, a eb' 'ay yaln yic 'a yailal.

Is 10:15

'Iltec nab'an, ¿tom a junc ch'acb' 'ec'b'al yel'ch 'a yib'n̈ mach tzc'anlb'ani? ¿Tom a junc serrucho 'ec'b'al yel'ch 'a yib'n̈ mach tzmunlj yet'oc? A junc c'ococh, nab'a ten̈ej, ¿tom a te tz'a'n 'ib'xc junc 'anma tzc'anlb'an cha?

Is 45:9

A mach tzyac' owl yet' mach b'ojnac, a jun cha, lajn 'icha lum tz'acb'il lum c'un spoji. Toc wal tzyal lum tz'acb'il lum chi 'ixtc 'a mach tzb'oni: ¿Tas tza b'o'o? Ach tic man̈ ojcoc tzach munlji, tom xchi lu'um.

Is 64:8

Mamin Jehová, ach tic qui Mam aj on̈; an̈ xo tic on̈, lum on̈n̈ej, ach tz'acjnacn̈ yet' lum lu'um, caw ach b'ojnacn̈ on̈.

Jeremías 22:28

Yuj cha, xin c'anb'n an Jeremías in tic 'ixtc yuj Jeconías: ¿Tom lajn xoj Jeconías tic 'icha junc lum jatl xalu, man̈x 'a jac yopiso, 'icha pax junc yamc'ab' to man̈x 'a mach tznib'ni? ¿Tas yuj tzjulx can 'at yet' eb' yunnal 'a junc lum lum to man̈ 'ojcab'ilc yuj eb'?

Os 8:8

A chon̈b' Israel, 'oj lajwc 'ejmi. Man̈x xon jac yel'ch 'oj 'ajcn 'a sat jun tzo'n̈ xo nacion̈ 'aj sactzicnac yajcn 'ati.

A Tas Sc'ulejnac Eb' Schecab' Jesús Hechos 9:15

Palta xyaln pax Cajlil chi 'ixtic: —'Ixic, yujto a Saulo cha, sic'b'il 'el wu'uj, sec wach' 'oj yal-l wab'xil 'a scal eb' man̈ israeloc, yet' 'a sat eb' rey, yet' pax 'a scal eb' yit israelal.

Ro 9:11

A chawn̈ 'unn cha, yic mantzac 'alj eb', mant 'a xon tas tzb'o eb'. Palta yaljnac can Dios 'ixtc 'a 'ix Rebeca: A jun 'oj b'ab'l 'aljoc, a 'oj 'a'nc servil jun tza'n to 'oj 'aljoc, xchi. Tz'ib'b'il can pax junx tic 'a Ch'an̈ U'un̈, 'a 'aj tzyal 'ixtic: A Jacob chamc'ojlb'il wu'uj. Ax Esaú chacb'il 'el wu'uj, xchi Dios. A jun tzo'n̈ tic tzch'oxni, to 'ay yaln Dios yic si'n 'el junjn mach 'icha tznib'ej. Man̈ yujoc tas tzqui b'o'ec, tzon̈ yawtnec yico'oc.

Ro 9:18

Yuj cha, a eb' tznib'j Dios 'aj tz'o'ch sc'ojol, atn eb' chi 'aj tz'o'ch sc'ojol. Yet' pax eb' tznib'j Dios tzpitb'i, atn eb' chi tzyac' pitb'oc.

Ro 9:20

Palta caw matz tac' calnec 'ixta'. May junc mach tztac' sten sb'a yet' Dios. A junc lum chen, ¿tom tztac' yaln lum 'ixtc 'a jun tz'acm cha: ¿Tas yuj 'ixtc in otej? tom 'oj schic lu'um?