Ro 9:20 - Chuj San Sebastian Bible

²⁰ Palta caw matz tac' calnec 'ixta'. May junc mach tztac' sten sb'a yet' Dios. A junc lum chen, ¿tom tztac' yaln lum 'ixtc 'a jun tz'acm cha: ¿Tas yuj 'ixtc in otej? tom 'oj schic lu'um?

Chuj San Mateo Bible

²⁰ Palta max yal-laj calan icha chi'. Malaj junoc mach syal stelan sb'a yed' Dios. A junoc lum chen, ¿tom syal yalan luum icha tic d'a mach stz'acani, tas yuj icha tic tzin utej, tom xchi luum?

Ro 9:20 ပူးပေါင်းရင်းမြစ်များ

A Ch'an̈ Schab'l Libro Samuel 16:10

'Ix ta'w win rey chi 'ixtic: —A jun tic, may eyaln eyic ax yune ex Sarvia tic 'a 'a. A jun 'ixta in sb'ajn cha, tecn a Jehová tz'a'n yala'. Toto 'ixta', ¿mach wal junc 'oj stac' stenn 'och wa'an? xchi.

Job 16:3

¿Tom may slajb' jun tzo'n̈ e paxti may yel'ch cha? ¿Tas eyaji, yuj cha, an̈j 'ijnoc e pacn 'ayin?

Job 33:13

¿Tas yuj tzalch 'a sat, chajtlto matz pac tas tzal 'a 'a?

Job 36:23

May junc mach tztac' yaln 'a 'a tas yowlal 'oj sb'o', matz tac' yaln pax 'a 'ixtic, maysch'olnil tzotej, man̈ xchic 'a 'a.

Job 40:2

Ach Job, xcob' a nib'c a te'wtzoc a b'a 'ayn an tztac' wuj smasnil tic, ¿tom 'ayt wal tas tza nib'j al 'ayin? Ta'wan̈ 'ayin, xchi Dios.

Job 40:5

Tox in paxtin cha'ox 'ejem, man̈x 'a tas wach' walni, xchi Job.

Job 40:8

¿An̈ja am tza te'wtzej a b'a alni to man̈ tojloc tzwutj ach in b'onyaji, yujto may a mul 'a tzotj alni?

Job 9:32

An tic, ma'oj stac' in pacn in b'a 'a Dios, yujto man̈ 'anma'oc. Ma'oj stac' wi'n 'at 'a sat junc eb' juez yic tzin b'onyaj in b'a yet'oc.

Is 10:15

'Iltec nab'an, ¿tom a junc ch'acb' 'ec'b'al yel'ch 'a yib'n̈ mach tzc'anlb'ani? ¿Tom a junc serrucho 'ec'b'al yel'ch 'a yib'n̈ mach tzmunlj yet'oc? A junc c'ococh, nab'a ten̈ej, ¿tom a te tz'a'n 'ib'xc junc 'anma tzc'anlb'an cha?

Is 29:16

Palta ax tic, jelp tzeyutej. ¿Toc wal lajn lum tz'acb'il lum yet' mach tz'acjnac? ¿Tom 'oj stac' yaln lum 'a jun tz'acjnac chi 'ixtic: Man̈oc ach tz'acjnac in, tom xchi lum 'a 'a? Mto tzyal lum 'ixtic: Ach tic man̈ ojcoc tas tza b'o'o, toc xchi lum 'a 'a.

Is 64:8

Mamin Jehová, ach tic qui Mam aj on̈; an̈ xo tic on̈, lum on̈n̈ej, ach tz'acjnacn̈ yet' lum lu'um, caw ach b'ojnacn̈ on̈.

Jeremías 18:6

An Jehová in, an tzwal 'ixtc 'ayx ax israel ex tic, ¿tom matz tac' ex wutn 'icha tzyutj jun winc tic lum b'i'ch 'ayc' 'a yol sc'ab' tic? Ax tic, lajn eyaj 'a yol in c'ab' 'icha lum b'i'ch 'ayc' 'a yol sc'ab' win tz'acm cha.

Dn 4:35

Qui masnil an̈ cajn on̈c 'a sat lum lum tic, caw may jac quel'chec 'a sat. Tzb'o tas tznib'j sb'o 'a scal eb' 'ayc' 'a satcha'an̈, yet' 'a qui cal an̈ cajn on̈c 'a sat lum tic. May junc mach tztac' stenn 'och wa'an, yic tzyaln 'a 'ixtic: ¿Tas yuj 'ixta tza b'o'o? man̈ xchic 'a 'a.

Miqueas 6:8

Xin pacn 'ixtc 'a eb': Ex wit chon̈ab', tox 'ix yal Jehová tas wach' 'a sat yet' tas tznib'j 'ayn̈ec, atn jun tzo'n̈ tic: Yowlal tojl tzcutjec qui b'a, 'ay cab' qui chamc'ojlalec 'a eb' quit 'anma'il. 'Emmquilal pax tzcutjec qui yiclni 'a qui Diosal.

Mt 20:15

Yujto an 'ay waln wic wa'n in tumn 'icha tzin nib'ej. Matz tac' a chichn 'och 'ayin, yujto wach' tzwutj in b'a 'a junc xo mach, xchi winac. 'Ixta tzyal jun 'ab'x tic.

Lc 12:14

—Ach winac, ¿tom 'ay mach 'ix 'a'n wopiso woch juezal 'ayex, yic tzex in b'onyaji? xchi 'a winac.

Ro 14:4

Q'uinloc 'ay junc mach tzmunlj 'a junc spatron̈. ¿Tom 'ay calnec quic qui b'eyc'ojlan jun cha? Cojxn jun spatron̈ chi 'ay yaln yic yalni, toto wach' 'a sat, mto ma'ay. An̈jtona', 'ixta on̈c 'a Cajlil. Palta wach' 'oj cajc 'a sat, yujto 'ay spoder yoch quet'ec, sec caw wach' tzcutjec qui b'a.

Ro 2:1

Tzann̈j junc on̈c tzqui b'eyc'ojlej junc xo mach, matz tac' calnec, to may qui mul, yujto a yic tzqui b'eyc'ojlanec cha, wan qui'nec cot yailal 'a quib'an̈. Yujto lajn tas tz'el qui b'onec yet'oc.

Ro 2:3

Ax xo, toto tze b'eyc'ojlej eb' tzb'on maysch'olnil, ¿tom tze na'a, to 'oj stac' e coln 'el e b'a 'a jun yailal 'oj yac' Dios? Yujto 'in 'ixta tzlaj eyutc e b'a jun xo.

Ro 9:21

Yujto a jun tz'acum, a 'ay yaln yic stz'acn lum 'icha tznib'ej. Wach'xam junn̈j slumal tzc'ana, palta 'ay yaln yic sb'on jun chen caw jay, tzb'on pax junc pim tzyutej.

Ro 9:22

An̈jtona', 'ixta pax Dios yet' eb' 'anma'. 'Ay eb' smoj schan yowl sc'ojol, smoj 'oj 'atcn eb' 'a yailal 'a jun 'ejmn̈ej. A Dios, wach'xam tznib'j tzch'ox yowl sc'ojl 'a eb', sec 'oj checljoc 'el spoder, palta caw niwn tzyutj sc'ojol, tzyac' techjoc smul eb' cha.

1 Co 1:20

Yuj cha, may jac yopiso eb' jelan, yet' eb' cuywjum. May pax yopiso eb' jeln tzyutj sten sb'a. A Dios, 'ix ch'oxni, to a jun jelnal yic yolyib'n̈q'uinl tic, may jac yel'chi.

1 Co 7:16

Yujto ax 'istlab'il ex, man̈ eyojcoc, toq'ue 'oj colchjoc 'el eyichmil cha, yujn̈ej to tzcan eyet'oc. An̈jtona', 'ixta pax ex 'ichmilab'il ex, man̈ eyojcoc, toq'ue 'oj colchjoc 'el eyistl cha, yujn̈ej tzcan eyet' jun xo.

1 Ti 6:5

tz'och eb' 'ajc'ojlal 'a junc xo mach. 'Ixta tzyutj sb'a eb' juwnac 'el snab'en, eb' man̈xtzac ya'ch snab'en 'a jun cuynb'il yel. Tzcob' snanc eb', to 'oj yac' ganar eb' stumn 'a spatc scuynb'il cha. [Caw man̈ junc tzach 'ec' yet' eb'.]

2 Ti 2:20

Q'uinloc 'ay junc niwquil n̈a, til wal yamc'ab' 'ay 'a yojol. 'Ay jun tzo'n̈ q'uen yamc'ab' nab'a oro yet' plata, caw 'ay yopiso. Palta 'ay pax jun tzo'n̈ xo te yamc'ab', yet' lum yamc'ab'. A jun tzo'n̈ cha, comnn̈ej yaji.

Tito 2:9

Tzaln pax 'a eb' creyente 'aych mosoal, to yowlal yiclum tzyutj sb'a eb' 'a spatron̈. Caw wach' tzyutj sb'a eb' 'icha tznib'j spatron̈ cha. Matz tac' sta'wni eb' sti'.

Santiago 2:20

Palta 'ayex 'icha wal to may e nab'en, nachj cab' 'el jun tzo'n̈ tic eyu'uj. Toto tzcob' cala to 'aych qui c'ojl 'a Dios, palta man̈ wach'c tzcutj qui b'a, toxn may yel'chi, may qui colnb'il yu'uj.