Ro 9:17 - Chuj San Sebastian Bible

¹⁷ Tz'ib'b'il can 'a Ch'an̈ U'un̈, tas yaljnac Dios 'a win faraón, atn win syajlil Egipto. A 'aj tzyal 'ixtic: Wa'jnacch 'och reyl 'a jun chon̈b' tic, sec wach' 'oj checljoc 'el in poder yuj tas 'oj ach wutoc. Ax eb' 'anma 'a yolyib'n̈q'uinl tic, c'uxn 'oj laj yab' eb', to caw niwn wel'chi, xchi Dios.

Chuj San Mateo Bible

¹⁷ Tz'ib'ab'ilcan d'a Slolonel tas yalnaccan Dios d'a vin̈ yajal Egipto. Syal icha tic: Ix ach vac'och d'a opisio yic vach' uuj tzin ch'oxel in poder, yic ay smay in b'inaj d'a masanil yolyib'an̈q'uinal, xchi Dios d'a vin̈.

Ro 9:17 ပူးပေါင်းရင်းမြစ်များ

Ester 4:14

Toto mayn̈ej tas 'oj al ticnec, toto 'ixta', 'ajmn̈ej 'oj cot junc qui colmalec an̈ israel on̈c tic, palta ach xo tic yet' smasnil eb' ecan, c'uxn 'oj qui satli. Toq'ue yuj jun yailal tic, ach si'x 'och reinail yic tzon̈ a coln 'eli, xchi Mardoqueo cha.

Salmos 76:10

A yowl sc'ojl eb' 'anma', 'oj 'a'nc niwtjoc a b'inab'il, ax jaywn̈ocx eb' ma'oj cham 'a owal, 'icha to 'oj 'och eb' elwnub'loc.

Ex 9:16

Palta mantzac ach in satli, sec wach' 'oj checljoc 'el in poder yuj tas 'oj ach wutoc. Ax eb' 'anma 'a yolyib'n̈q'uinl tic, c'uxn 'oj laj yab' eb', to caw niwn wel'chi.

Pr 16:4

A Jehová, a xb'on can smasnil tas yic tz'el'ch tas nab'il yu'uj; an̈jtona', a 'ix aln cani to a eb' 'anma maysch'olnil snab'en, a eb' 'ay yaln yic 'a yailal.

Is 19:12

Ach faraón, ¿'ajtil 'ay eb' tz'a'n a nab'enoc cha, sec tzch'ox eb' 'ayach mto tzyal eb' ab'i', tas nab'ilx 'a yib'n̈ a chon̈b' Egipto yuj Jehová tztac' yuj smasnil?

Is 37:20

Ax ticnec jun Mamin Jehová qui Diosal on̈, coln̈ 'el 'a yol sc'ab' jun rey cha, sec tzyojquej 'el smasnil nacion̈ 'a yolyib'n̈q'uinl tic, to cojxn̈ej ach Jehová Dios ach, xchi Ezequías 'a slesal.

Dn 4:22

A mach tzch'ox jun te cha, ach ton mamin rey, caw 'ix ach q'uib' yet' a b'inab'ilal. 'Ix 'och ep, masnto 'ix q'ue'ch a b'inax 'a satcha'an̈. 'Ix c'och a'n yajlil 'a 'aj tzlajw c'och lum lum tic.

Jn 17:26

An xwac' yojcoc 'el eb' tas yaj a nab'en. 'Oj in wach' 'a'c yojcoc 'el eb', sec wach' 'icha tzin otj in a chamc'ojlani, 'ixta tzotj a chamc'ojlan pax eb', ax woch cajn 'a eb' 'a jun 'ejmn̈ej, xchi Jesús 'a qui Mam Dios.

Ro 11:4

Palta yaljnac Dios 'ixtc 'a 'a: Ma'ay, 'ayt uque mil winc sic'b'il 'el wu'uj. May 'aj 'ix 'em cumn eb' 'a Baal, jun tzalx 'och diosal, xchi Dios 'a 'a.

Gl 3:22

Palta tzyal 'a Ch'an̈ U'un̈, chajtlto smasnil 'anma', 'ayc' eb' 'a yol sc'ab' maysch'olnil. 'Ixta tzyala, sec wach', an̈ec xo tzca'c 'och qui c'ojl 'a Jesucristo, tzqui chajec jun yaljnac can Dios, yic ya'n sti'. Yujn̈ej to tzca'c 'och 'a qui c'ojol, tzqui chanec.

Gl 3:8

'Aycto, yaln can 'a Ch'an̈ U'un̈, chajtlto ax man̈ ex israeloc, 'ayx 'oj eyoch wach'l 'a sat Dios, yujn̈ej to tzeya'ch e c'ojl 'a 'a. Yictax pecti', alb'il can wach' 'ab'x 'a Abraham, yic yalx 'a 'ixtic: O'oj, ax wa'n yaxilal 'a yib'n̈ smasnil 'anma 'a yolyib'n̈q'uinl tic, xchi Dios.

Gl 4:30

Palta tzyal 'ixtc 'a Ch'an̈ U'un̈: A jun 'ix 'aych 'a'j servil yet' yune', pechx cab' 'eli. Yujto a jun yune 'ix cha, may xon jac yaln yic yet' yune jun 'ix mun yic sb'a yet' yichmil. Toxn may xon jac tas 'oj 'ajx can 'a 'a, xchi 'a Ch'an̈.

Josué 9:9

—Caw wal najt on̈ coti, yujto xcab'i to a Jehová e Diosal caw wal 'ay spoder. 'Ix cab' paxi tas 'ix sb'o 'a chon̈b' Egipto.

A Ch'an̈ B'ab'el Libro Samuel 4:8

'Oltacn̈ec wali. ¿Mach wal 'oj qui colnec 'a yol sc'ab' jun tzo'n̈ dios 'ay yip? Atn jun tzo'n̈ dios satjnac 'el eb' 'aj Egipto 'a lum cusltac lu'um yet' jun tzo'n̈ yailal.