Ro 8:33 - Chuj San Sebastian Bible

³³ An̈ec sic'b'iln̈ec 'el yuj Dios, may xon junc mach tztac' on̈ ya'nec queja 'a 'a. Atn Dios tzalni to wach'n̈ec 'a sat.

Chuj San Mateo Bible

³³ A on̈ sic'b'il on̈ el yuj Dios, ¿tom ay junoc mach syal yac'anoch d'a quib'an̈? A Dios tz'alani to vach' on̈ d'a yichan̈.

Ro 8:33 ပူးပေါင်းရင်းမြစ်များ

Salmos 35:11

Ax eb' testigo 'a'm 'es, a tas man̈ wojcoc, a xlaj ya'ch eb' 'a wib'an̈.

Is 42:1

Tzyaln pax Dios 'ixtic: A jun tic in checab', an 'ayn 'och yet'oc, an in si'jnac 'eli, caw tzin tzalj yet'oc, 'oj wa'cn 'och Wespíritu 'a 'a, sec 'oj sb'oyaj eb' nacion̈ 'a stojlal.

Is 54:17

Palta ach xo tic, may xon junc mach tztac' sb'on junc yamc'ab' tztac' ach satn 'eli. A eb' tzach cob' 'a'n queja, sictac xoj 'oj 'ajcn eb' o'oj. Atn jun tic tzwac' in ti wa'n 'a eb' in checab', an Jehová in, an 'oj in col-l eb', xchi Dios.

Mt 24:24

Yujto 'oj pitzwc chan̈ jun tzo'n̈ eb' 'oj cob' yalch sb'a Cristoal, yet' eb' 'oj cob' yalch sb'a schecb'oc Dios. 'Oj sch'ox eb' jun tzo'n̈ milagro senyaoc, sec 'oj 'ixtxoc paxti eb' 'anma yuj eb'. 'Oj ya'lc pax eb' yixtn paxti eb' sic'b'il 'el yuj Dios, palta ma'oj stac' yuj eb'.

Lc 18:7

An̈jtona Dios, caw 'oj sb'oyaj pax eb' sic'b'il 'el yu'uj, eb' to tz'awj 'a sc'ual yac'wlil 'a 'a. ¿Tom 'oj 'ec' tiempo sb'onyaj eb'?

Ro 3:26

'Ixta yutjnac sch'oxn paxi, to an̈ja tojl snab'en ticnec. Yujto caw tojl tzyutj sb'a, yic tzyalni, to wach'n̈ec 'a sat an̈ tzca'c 'och qui c'ojl 'a Jesús.

Ro 8:1

A ticnec, an̈ec junxn̈ej cajc yet' Cristo Jesús, man̈x 'ayc 'och yailal 'a quib'n̈ec.

Gl 3:8

'Aycto, yaln can 'a Ch'an̈ U'un̈, chajtlto ax man̈ ex israeloc, 'ayx 'oj eyoch wach'l 'a sat Dios, yujn̈ej to tzeya'ch e c'ojl 'a 'a. Yictax pecti', alb'il can wach' 'ab'x 'a Abraham, yic yalx 'a 'ixtic: O'oj, ax wa'n yaxilal 'a yib'n̈ smasnil 'anma 'a yolyib'n̈q'uinl tic, xchi Dios.

1 Ts 1:4

Ex wu'tac, ex wanab', chamc'ojlb'ilx yuj Dios ta', cojc on̈, to a si'jnacx can 'eli.

Tito 1:1

An Pablo in tic, ya'mal in servil Dios. An̈jtona', schecb' in pax Jesucristo, sec wach' a eb' sic'b'ilx 'el yuj Dios, 'oj swach' 'a'c 'och eb' sc'ojl 'a 'a. 'Ay wopiso in cuyn eb' 'a jun cuynb'il caw yel, atn jun cuynb'il 'aj tzca'ch qui c'ojol.

A Sb'ab'el Carta San Pedro 1:2

An̈ec tic, sic'b'iln̈ec xo 'elt yuj qui Mam Dios, yujto yictax pecti', 'ixta snajnac can cujec. Yuj Yespíritu on̈ 'ajxec 'och yico'oc, sec wach' tzqui yicljec tas tzyala, sec tz'ijx 'el qui mul 'ayn̈ec yuj schic'l Jesucristo. Ya' cab' Dios swach'c'ojlal yet' sjunc'ojlal 'ayx ta'.